Ti'ɨkitame 3:11 - Kakaɨyari Niukieya

¹¹ Kakaɨyari witsiti'aneme katiniunetɨani, mɨpaɨ tewi katiniupitɨani mɨpaɨ mɨtiku'eriwanikɨ 'uxa'atɨniwarie, tsepa tewi mɨkaheitimaitɨyeika Kakaɨyari 'uximayatsikaya mɨkɨ kemɨtiyuriene matɨari paitɨ meta 'imatɨrieka.

Ti'ɨkitame 3:11 ပူးပေါင်းရင်းမြစ်များ

Xumatari 11:33

Ketimariwe, Kakaɨyari waɨkawa kemɨrexeiya, kemɨtimaiwe, waɨkawa kemɨtimate. Ketiyutexie tewi 'i'inɨatatɨ kemɨtiyɨkɨhɨawe yamɨtiyurienikɨ Kakaɨyari, yatɨni huyeteya metimani pɨkayɨwe.

Kuwi 11:7

»¿Petiyɨwekuta Kakaɨyari ketɨtɨ mɨtiyuriene pemɨretimani, yatɨni Naimekɨmɨtɨrɨkaɨye heitserie kemɨrexeiya pemanuku'axe?

Ti'ɨkitame 8:17

Naime nekatiniuxeiya tita Kakaɨyari mɨtiutawewi. Tewi pɨkayɨwe naime mɨretimanikɨ, Kakaɨyari kemɨtiuyuri 'ikɨ tukaritsie mieme, tsepanetɨ xewitɨ matsi waɨkawa muyutatua mɨretimanikɨ pɨka'itaxeiya, tsepanetɨ xewitɨ mɨtimaiwe mɨpaɨ maine nenepimate, pɨkayɨwe yamɨretimanikɨ.

Kuwi 5:9

Mɨkɨ mariweme katiniyurieneni keyatemɨkatemate, kemɨtiyuriene yutɨrɨkariyakɨ pɨkayu'inɨatsinɨa.

Tsutɨarika 1:31

Kakaɨyari naime katiniuxeiya tita mɨtiutiwewi. «'Aixɨa pɨ'ane», kaniutayɨni. Hikɨ kaniukuyɨre, ximerita kanayani, 'ataxewirieka tukari kanayani.

Marikuxi 7:37

Waɨkawamekɨ mekanihɨxiyakaitɨni teɨteri yame'utiyuatɨ: «Naime 'aixɨa katiniuyurieni, mɨkɨ memɨkaheu'enanakai meheu'enanakame kaniwarayeitɨwani, mɨkɨ memɨkaniuwawekai meniuwaweme kaniwarayeitɨwani».

Hutarieka 'inɨari 32:4

Mɨkɨ tete kanikɨtɨni, 'uximayatsikaya pɨheitserie, naitɨ huyeya 'aixɨa pɨ'anene. Kakaɨyari yapɨtikamie, 'axapɨkatiyuriene. Mɨkɨ heitserie pexeiya meta 'aixɨa pɨtiuka'iyari.

Nɨawari 104:24

Yawé 'aku, pɨtimɨire tita pemɨtiutiwewi. Mɨkɨ tinaime pepɨtiutiwewi petimaiwetɨ. Kwiepa kemakuyewa mekanihɨneni pemɨtiwarutiwewi.

Ti'ɨkitame 7:29

'Ikɨ xeikɨa nekatiniukaxeiya: Kakaɨyari tewi kaniutawewieni 'aixɨa 'anekame, peru mɨkɨ kanikuwauni yɨkɨ ti'aneneme».

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

Mateu 13:22

Meta xuyatsata muka'iwiya, mɨkɨ kanihɨkɨtɨni kemɨ'ane mi'eni niuki, peru 'iyaritɨarika kwiepa timiemekɨ, tuminitɨarikakɨ ti'irɨwiyarietɨ, 'ayumieme mɨkɨ niuki kananukanamieni meta mɨkaxuawere pɨkapitɨarie.

Mateu 11:27

»Ne'ukiyari naime kanetiniyetuirieni. Nixewitɨ pɨka'imate Nu'aya 'Ukiyarieya xeikɨa pimate, meta nixewitɨ pɨka'imate 'Ukiyarieya Nu'aya xeikɨa pimate meta mexɨka nu'aya yuwaɨriyani matsiɨkɨme meyeitɨani peitimani 'ukiyarieya.

Kuwi 37:23

Naimekɨmɨtɨrɨkaɨye temanunake pɨkayɨwe, tɨrɨkariyaya yemekɨ pumariwe. Pumamariwawe ke'aixɨa mɨtiyuriene meta kemɨtiheitseriekɨ, xeime waɨriyarika pukati'uximayatsitɨa.

Temaiwawemete 16:4

Yawé naime kemɨtiyuriene yatimaitɨ pɨtiyuriene, meta 'axatiyuruwame putawewi 'imatɨrieka tukaritsie mutika'eniexɨanikɨ.

Ti'ɨkitame 1:13

Nepɨnewaɨri yanemɨretimanikɨ kemɨti'anekɨ 'ena kwiepa, mɨpaɨ nepɨretima Kakaɨyari 'uximayatsika pɨtatsi'uku'eiriri waɨkawa haheteme tame yatemɨtekakɨnekɨ hetsiena.

Ti'ɨkitame 7:13

Kakaɨyari 'uximayatsikaya keneuxeiya: ¿kemɨ'ane pɨyɨwe mitixeurariyakɨ tita mɨkɨ mutiutitunaxɨ?

Ti'ɨkitame 7:23

Naime 'ikɨ 'aixɨa nekatiniuyurieni netimaiwetɨ, mɨpaɨ nepɨtiku'eriwakai waɨkawa netimatetɨ nepaneyeitɨani, peru mɨtimaiwenikɨ mɨ'ayumieme 'ateewa paitɨ kaniyuhayewakaitɨni nehetsɨa.

Ti'ɨkitame 11:5

Mɨpaɨ 'atsipemɨkatimatekɨ 'eka kemɨreumie, meta kehepaɨ memɨtekununuiwa tɨɨri yumamama wahukatsie, yaxeikɨata Kakaɨyari 'uximayatsikaya pepɨka'enie naime mɨtiutiwewi.