Ti'ɨkitame 2:6 - Kakaɨyari Niukieya

⁶ Yaxeikɨa putsu 'emeukatetewa nekaniutiwewieni waɨkawa kɨyexi mana muxuawekai nemɨhatuiyanikɨ mɨtiwawerenikɨ.

Ti'ɨkitame 2:6 ပူးပေါင်းရင်းမြစ်များ

Nehemiyaxi 2:14

Nekaneyanita Haixata kitenieyari hepatsie meta haa mayema Ti'aitame hetsiemieme, peru huye nepɨka'ukaxei ne'anakaitɨ muwa nemeutahanikekai.

Keremiyaxi 17:8

Kɨye muka'iteɨtsie hatetsita hepaɨ 'anetɨ kanayeimɨkɨ, nanarieya hapa meukayuyune, mɨka'ukama xɨri tsepa munua, xawariyari yamɨtitsitsiɨrawi. Mɨtiukuwauketsie mɨkayu'iyaritɨa, meta mɨkatihayewa 'ikwaxi 'ukaxuaweriyatɨ».

Kwikari 7:4

'Akɨipi tuxiyu mutuxa mɨtse'i kanihɨkɨtɨni, 'Ahɨxite huta haixayari pɨhɨkɨ Hetsiwuni mieme, Wati-Xawini kitenie 'aurie mɨtineniere. 'Atsuri Riwanu tuxiyuyari hepaɨ pɨ'ane, Ramatsiku meutaniere.

Nɨawari 1:3

Mɨkɨ kɨye hepaɨ kani'aneni hatetsita muka'iteɨtsie hepaɨ kepauka tukarieya maye'axe kaniukaxuxuawereni xawariyari hatsuaku pɨkatiyɨnare. Naimekɨ kemɨtiyuriene 'aixɨa pɨtikuyɨne.

Nehemiyaxi 2:8

ximɨxi nematsiwawirie huku mɨ'ɨwiya 'Atsahapi mɨpaɨ pemɨtitahɨawekɨ huku kɨyeyari mɨnetsiminikɨ, tukita 'itupari nemeuwɨtɨaxɨanikɨ, meta kiekari kuraruyari hetsiemieme meta kiita hakewa nemayekani hetsiemieme. Ti'aitame yakatiniutanaki'erieni kenemɨrewawiriwakai, Kakaɨyari mɨnetsiparewiekaikɨ.

Nehemiyaxi 3:15

Tsaruni Kurikutse nu'aya, kuwexinaruri Mitsipa hetsiemieme, 'aixɨa kaniyurieni Haixata kitenieyari, kanenukitɨani, 'itupari kaneuwieni kitenie 'aixɨa reunarɨmikeme meta kɨyexi heuku'uweme. Metatsiere kuraru 'aixɨa kaniuyurieni haa mayema Tsiruhe kuraruyari, ti'aitame harawerieya 'aurie muyehane, 'atsita huye tete 'imɨmɨiyari 'amatayewa manutihane Rawiri kiekariena meutiyune.

Nehemiyaxi 3:16

Nehemiyaxi 'Atsiwuki nu'aya, Wetsuxi kiekariyaritsie hixɨapa 'akametsie mɨkuwexinaruritɨkai, kuraru 'aixɨa kaniuyurieni Rawiri wateukiyapa wahɨxie muyehane, meta 'atsita haa mayema meta kuyaxi waki manuwe muyehane paitɨ.