Ti'ɨkitame 2:26 - Kakaɨyari Niukieya

²⁶ Kakaɨyari matsi mɨtimaiwenikɨ meta meitimaitɨyeikanikɨ meta muyutemawiekakɨ kaniyetuirieka kemɨ'ane mɨkɨ minake miyetuirienikɨ, matsi 'axamɨtiyuriene kanihayewani para mɨkɨ mɨtixeɨrienikɨ miyetuirienikɨta kemɨ'anetsiere mɨnaki'erie. Peru mɨkɨta 'axakani'aneni 'eka muweiyani hepaɨ.

Ti'ɨkitame 2:26 ပူးပေါင်းရင်းမြစ်များ

Temaiwawemete 13:22

Tewi 'aixɨa mɨtiuka'iyari yuteukarima piinitɨarika pɨtiwaku'e'eiririwa, 'axatiyuruwame piinitɨarikaya mɨkɨ heitseriemekɨ yamemɨtekahu wahetsiemieme pɨta katinayeimɨkɨ.

Temaiwawemete 28:8

Kemɨ'ane kwinimieme rana'iwamɨtɨ tumini muwaniɨtɨa, matsi kemɨ'ane muwanenimaya memɨkatehexeiya hetsie pɨta pɨtinakeni.

Wani 16:24

Hikɨke tixaɨtɨ xepɨkate'itawawiriewawe nehetsɨa xemiemetetɨtɨ. Xekeneutawawiriri, xekanitanaki'erikuni xetemawierika maye'anikɨ.

Tsatiyaku 3:17

Matsi taheima miemekɨ mɨtimaiwenikɨ mɨ'ayumieme naimekɨ kani'itiyaka, meta 'aixɨa pɨtixeiyarie, pɨtiyukanaki'erie, pɨtiyu'aitɨarinɨa, yuheyemekɨ pɨtiyukanenimaya, 'aixɨa pɨtiyuriene, 'uximayatsika kemɨreuyewetse, huta 'iyariyari pɨkahexeiya, meta yakɨ xeikɨa pɨkayɨane.

Rukaxi 1:6

Yunaitɨ heitseriemekɨ yamekateniyuriekaitɨni Kakaɨyari hɨxie. Yamekatenikahukaitɨni Ti'aitame kemɨti'aitakai naimetsie, wahetsie karahɨiwakaku.

Kuwi 32:8

Matsi tewi meitimaitɨyeikanikɨ mupitɨa 'iyari hetsiena mɨyeka kanihɨkɨtɨni, Naimekɨmɨtɨrɨkaɨye 'iiya 'ipitɨakaku.

Tsutɨarika 7:1

Hikɨ Yawé Nuhexi mɨpaɨ katiniutahɨawe: «'Ekɨ xeikɨa 'aixɨa pekatiniuka'iyarini 'ena pemuyeika, kanuwa 'amɨtimariwetsie keneutahaki 'atɨɨriyama xeyunaitɨ.

Ti'ɨkitame 1:14

Naime mɨpaɨ nepɨretima ketemɨteyurie 'ena kwiepa, pɨkatiyupata 'eka muweiyani hepaɨ kani'aneni.

Kuwi 38:36

¿Kemɨ'ane kuaxu mɨtimaiwenikɨ piyetuiri, yatɨni kemɨ'ane wakana 'ukiri meitimaitɨyeikanikɨ pupitɨa?

Nɨawari 39:6

Tewi tukarieya 'etɨriya hepaɨ xeikɨa kani'aneni meuyewautse. Yakɨ xeikɨa pɨyɨaneni piinitɨarika xɨka tixeɨrieka, 'atsipɨkatimatsiɨkɨ kemɨ'ane mɨranupiini.

Nɨawari 51:6

Ne mɨpaɨ nepɨtimate 'ekɨ tita yuri mɨraine pepɨnaki'erie, 'ekɨ ha'awiekamekɨ pepɨnetiuta'ɨkitɨa nemɨtimaiwenikɨ.

Temaiwawemete 2:6

Yawé xeikɨa katiniyupitɨwani mɨtimaiwenikɨ mɨ'ayumieme, mɨrakumaikakɨ tatsiere pɨtiyupitɨwa tetana kanayeneikani.

Ti'ɨkitame 1:13

Nepɨnewaɨri yanemɨretimanikɨ kemɨti'anekɨ 'ena kwiepa, mɨpaɨ nepɨretima Kakaɨyari 'uximayatsika pɨtatsi'uku'eiriri waɨkawa haheteme tame yatemɨtekakɨnekɨ hetsiena.

Ti'ɨkitame 2:25

kamɨtsɨ ¿kemɨ'ane pɨyɨwe mɨtikwanikɨ meta muyutemawiekakɨ xɨka Kakaɨyari hetsɨa katimiemetɨni?

Ti'ɨkitame 3:10

Mɨpaɨ nepɨtiniere Kakaɨyari mɨpaɨ pɨtiwarupitɨa hahetemekɨ, tewi mɨpaɨ muti'uximayakakɨ.