Ti'ɨkitame 2:23 - Kakaɨyari Niukieya

²³ Naime tukaritsie 'axakani'itɨarieka tiuka'eniwatɨ meta tsikere tɨkarikɨ pɨka'uka'uxipiwe tiku'eriwatɨ. Mɨkɨta yaxeikɨa tixaɨ pɨkatihɨkɨ.

Ti'ɨkitame 2:23 ပူးပေါင်းရင်းမြစ်များ

Kuwi 14:1

»Tukari 'etsipɨpaɨme, timɨireta 'uximatɨarika, tewi 'ukaratsitsie mɨyenuiwaxɨ meixeiya.

Kuwi 5:7

tewi kaniutinuiwa naimekɨ mɨtiuka'eniwanikɨ, tai tsipɨrikiyari kemɨtita'eke hepaɨ.

Nɨawari 127:2

Yakɨ xeikɨa ximeri paitɨ xekananuku'uweni, meta yakɨ xeikɨa 'arike xekaniukahipiteni, meta yakɨ xeikɨa kwinimieme xekateni'uximayaka 'ikwai xemɨte'ukaxexeiyanikɨ. Karikɨ Kakaɨyari kutsi kaniwapitɨaka pɨta kemɨ'ane mɨwanaki'erie.

Nɨ'ariekate 14:22

Teyɨ'ɨkitɨwamete wa'iyari mekaniutuikaxɨani metewakuxaxatɨwatɨ para yuri mete'erietɨ memɨyuhayewanikɨ, mɨpaɨ me'utiyuatɨ: «Peuyewetse waɨkawa te'uximatɨarieme temeutahaxɨanikɨ Kakaɨyari mɨra'aitatsie».

Tanieri 6:18

Hikɨ ti'aitame yuparatsiyuta kanakunuani, tɨkarikɨ pɨkatikwakai meta pɨkayutemawiekai, 'atsita pɨkaheukumɨkɨkai mɨkɨ tɨkariyaritsie.

Ti'ɨkitame 5:12

Ti'uximayatame 'aixɨa 'anemekɨ kaniukakukutsuni, heiwa waɨkawa tiutikwa'atɨ heiwa 'etsiwa xeikɨa. Mɨxikuta waɨkawa mɨrexeiyakɨ piiniteya pɨka'ipitɨa 'aixɨa 'iyari mɨkutsunikɨ.

Ti'ɨkitame 1:18

Matsi puyuri, »kepauka waɨkawa memɨtemaiwawe matsi waɨkawa kanixuaweni 'uximatɨarika, kepauka waɨkawa memɨtemate waɨkawa mepɨte'ukakukuine».

Nɨawari 90:15

Kepaɨmexɨa wiyari temɨte'uka'eniwakai petatsihiweritɨatɨ, mɨkɨ tukari hikɨ temawierika pɨta kenayeitɨa.

Nɨawari 32:4

Waɨkawa nekaheutɨrɨkaɨyetɨ nekanayani taxarita xɨrikɨ ketemɨtetiweranare hepaɨ, tukarikɨ tɨkarikɨ pemɨnetikwinitɨakaikɨ.

'Etsitexi 6:1

Hikɨ ti'aitame mɨkɨ tɨkaritsie pɨkakuwekai, 'ana katiniutanɨ'ani kemɨtiuyɨ xapayari muhuriyamiekɨ, kepauka mɨti'aitakaitsie mieme makaterɨwarienikɨ.

Tsutɨarika 47:9

Kakuwu mɨpaɨ katinita'eiya: —Xeitsienituyari heimana xeitewiyari heimana tamamata wiyari nepexeiya nekuyeikatɨ. Netukari pɨkwaniwe neka'anutinewetɨ, ne'ukiyarima netutsima kememɨteheuterixɨa.

Tsutɨarika 3:17

'Uki meta mɨpaɨ katiniutahɨawe: «'Uki 'aku 'Arani, 'ekɨtsɨ pepenu'eni 'a'ɨya, pepitakwai 'ikwaxi, mɨkɨ kɨyetsie mieme tsepa mɨpaɨ nematiutahɨawixɨ pemɨka'ikwakakɨ. 'Ayumieme kwie 'axakani'itɨariekamɨkɨ mɨpaɨ pemɨtiuyurikɨ, haweri mieme peti'uximayatɨ xeikɨa pepɨtikwaka kwiepa mieme, mexi 'ape'uyeikani.

Ti'ɨkitame 1:13

Nepɨnewaɨri yanemɨretimanikɨ kemɨti'anekɨ 'ena kwiepa, mɨpaɨ nepɨretima Kakaɨyari 'uximayatsika pɨtatsi'uku'eiriri waɨkawa haheteme tame yatemɨtekakɨnekɨ hetsiena.

Ti'ɨkitame 2:11

Nepuyuti'iyaritɨa naimekɨ ne'uximayatsikatsie kenemɨtiuyuriekaikɨ, waɨkawa nemɨtineti'uxitɨakɨ neti'uximayatɨ, mɨpaɨ nepɨretima mɨkɨ tixaɨtɨ pɨkatihɨkɨtɨkai, xɨka 'eka pe'anukuweiya pepɨkahenuku'axe, mɨpaɨta katinimatsiɨkɨni tixaɨtɨ pɨkatihɨkɨ 'atukaritsie timieme.

Ti'ɨkitame 5:17

'Imatɨrieka kepaɨmexɨa muyeikani yɨwipa katinikwakamɨkɨ, meta waɨkawa 'uximatɨarietɨ katinikuyekamɨkɨ 'ayu'eriyatɨ.

Ti'ɨkitame 8:16

Naimekɨ yanemɨretimanikɨ mɨtimaiwenikɨ mɨ'ayumieme nemɨtixeiyakɨ naime kemɨti'ane 'ena kwiepa 'uyeikatɨ, nepɨkakuwekai tukarikɨ meta tɨkarikɨ neyu'iyaritɨatɨ.