Ti'ɨkitame 2:1 - Kakaɨyari Niukieya

¹ Merikɨte mɨpaɨ nekatiniunehɨawe: «Kamɨtsɨ nekatinita'inɨatamɨkɨ naime nemuyutemawieritɨanikɨ 'aixɨa muti'anekɨ matsi waɨkawa tukari nemɨnepitɨanikɨ». Peru tsepa mɨpaɨ nemɨtiuyuri tixaɨtɨ nepɨkatiukaxei.

Ti'ɨkitame 2:1 ပူးပေါင်းရင်းမြစ်များ

Rukaxi 12:19

'Anari ne'iyaritsie mɨpaɨ nepɨtinekɨhɨaweni: Ne'iyari 'aku, waɨkawa piinite pekatiniuti'uta mɨixa wiyaritsie mieme. Kene'uxipieka ketinekwaka ketine'ieka pe'atemawietɨ”.

Ti'ɨkitame 8:15

'Ayumieme, temawierika nekanexeiyani, tawari tixaɨtɨ pɨkatixuawe 'aixɨa mɨti'ane tewi hetsiemieme hikɨ tukaritsie, matsi mɨtikwakakɨ, mɨranuye'enikɨ xeikɨa, meta yutemawietɨ, mɨpaɨ xeikɨa 'aixɨa kani'aneni xɨka waɨkawa yu'iyaritɨatɨ ti'uximayaka hikɨ tukaritsie, Kakaɨyari 'ipitɨakaku.

Tsatiyaku 5:5

Xemeri xete'ukahiwe'erietɨ xeikɨa kwiepa xepu'uwakai, kemɨxetinake xeikɨa xepɨteyuriekai. Xepɨyuwaiyatɨakai xeikɨa xemɨkwi'iwakɨ.

Tsatiyaku 5:1

Hikɨtsɨ xekeneu'enana, xeme xikutsixi: xekeneutitsuanani xekeneutihiwani mɨpaɨ xeteha'eriwatɨ 'uximatɨarika mɨxe'axirɨmekɨ.

Nɨawari 27:8

Ne'iyari mɨpaɨ kanetinahɨaweni: «Nierikaya keneutiwawa». Neta, Yawé, 'anierika nekaniwauneni.

Tsatiyaku 4:13

Neuxei hikɨ xeme xekeneu'enana mɨpaɨ xemutiyuane: «Hikɨri yatɨ 'uxa'a tepɨyehu mɨkɨ kiekaritsie yanutsu muwa tepe'uwani, xeiwiyari tepeyurieni, mana tepeyuharerutani meta tepɨtehe'iwatɨweni».

Titu 3:3

Tameri tanaitɨ meripaitɨ 'atsitekatemaitɨ tekaniu'uwakaitɨni meta yatepɨkatekahukai. Tepeuyexɨriekai waɨriyarika tepɨte'uximayakai tita temɨtehiwe'eriekaitsie mieme xeikɨa, mɨiremekɨ temɨnaki'akakɨ xeikɨa tepɨyɨakai. 'Atepu'uwakai 'axateteyuriekutɨ meta te'ɨtetsatɨ. Tepɨxani'eriwakai, tepɨta'uxiwe'eriekai tanaitɨ.

Rukaxi 16:19

»Merikɨtsɨ tewi 'aniuyeikakaitɨni xikutɨtɨ, tataɨrawime kananakatɨkɨkaitɨni, rinu 'ixurikiyari meta tukarikɨ 'aixɨa ti'anemekɨ katinikwakaitɨni.

Kitsariyaxi 50:11

Peru xeme tai xemukutaiya meta 'utsi xemuti'ɨwe, kɨmana xeyukɨxirietɨ xemuhunikɨ, xemitaiyatɨka xehekɨariwiyakaku. 'Ayumieme nepɨxe'anunɨ'airieni: 'uximatɨarika waɨkawa, mana xepɨkwini.

Kitsariyaxi 50:5

Yawé naimekɨmɨyɨwe neheu'ename kanenayeitɨani, hawaikɨ nepɨkahe'eiyani, meta ne'utɨa nepɨkayeyeika.

Ti'ɨkitame 11:9

Hikɨ kene'atemawieka mexi petemaikɨ, 'a'iyari keneupitɨa mɨyutemawiekakɨ. Kemɨtiku'eriwa keneyeweiyani meta 'ahɨxitekɨ kepemɨtiuyukahiwe'erie, matsi kena'eriwani Kakaɨyari mɨkɨ naimekɨ kamenita'iwawiyamɨkɨ.

Ti'ɨkitame 7:4

Mɨtimaiwe kaniku'eriwani kepauka mɨmɨni, matsi 'atsimɨkatimate kaniyu'iyaritɨaka xeikɨa kemɨtiyurienekɨ.

Ti'ɨkitame 2:15

Merikɨte mɨpaɨ nepɨtiunehɨawixɨ: «Kamɨtsɨ mɨka'uka'iyari hepaɨ nepɨtimɨni, ¿merikɨte titakɨ tiyunaki'erie kenemɨtimaiwe?» Mɨpaɨ nepɨtiunehɨawixɨ mɨkɨ tixaɨtɨ pɨkatihɨkɨtɨkai,

Nɨawari 14:1

'Atsimɨkatimate yu'iyaritsie mɨpaɨ kaniutaineni: «Kakaɨyari pumawe». Mɨkɨ mepɨtipɨnirɨme, xani'eriwamekɨ yameteyurietɨ. Xewitɨtɨma pɨka'uyeika 'aixɨa tiyurienetɨ.

Nɨawari 10:6

Mɨpaɨ katiniyukɨhɨaweni: «Nitixaɨtɨ pɨkanerekahɨani. Yanetinetemawietɨ 'anepuyeikani. Hatsuaku 'uximatɨarika nepɨkahekaxeiya».

2 Te'aitamete 5:5

Tsiriya kwieyaritsie ti'aitame mɨpaɨ katinita'eiya: —'Aixɨa kani'aneni kenemie, neta 'Ixaheri kwieyaritsie ti'aitame xapa nekananunɨ'airiemɨkɨ. Hikɨ 'ana Nahamani kaneyani, haika tsienituyari heimana huta tewiyari kiruyari raheteme pɨrata ha'ikatatɨ meta haika tewiyari heimana 'atahaika kiruyari raheteme huru meta tamamata kemarite.

Tsutɨarika 11:7

Matsi 'aixɨa pɨyɨni waniuki nepɨpataxɨani, memɨkayu'eniekakɨri yunaitɨ».

Rukaxi 16:23

Mɨkite watsata 'ukaitɨ xiku kananukuniere 'uximatɨarietɨ, 'ateewa paitɨ kanixeiya 'Apɨrahami meta Ratsaru 'auriena 'utikaime.

Kitsariyaxi 5:5

Ne nepɨtixetaxatɨani kenemɨtiyurieni nekaxie haraweriyari hepaɨtsita: Kuraruyari nepa'unatɨyani, kanika'unariemɨkɨ, tetsariya 'amɨtɨtɨ nekanika'unamɨkɨ, hetsiena katina'uitɨmɨkɨ.

Temaiwawemete 14:13

Xɨka waɨkawa 'utananeni ra'iyaritsie pɨtiyukukuine, matsi temawierika kepauka meu'atɨyani tsuari xeikɨa payeika.

Ti'ɨkitame 2:10

Naime mɨpaɨ nepɨtiuyuri kenemɨtiyurimɨkɨkai nekɨmana, naime mɨpaɨ nepɨtiuyuri kemɨnetinakekai, nepɨnekatemawi mɨpaɨ netiuyurieka naime ne'uximayatsikakɨ. 'Ikɨkɨ xeikɨa waɨkawa ne'uximayatsika patɨa.

Ti'ɨkitame 2:25

kamɨtsɨ ¿kemɨ'ane pɨyɨwe mɨtikwanikɨ meta muyutemawiekakɨ xɨka Kakaɨyari hetsɨa katimiemetɨni?