Ti'ɨkitame 12:9 - Kakaɨyari Niukieya

⁹ Matsi waɨkawa timaiwetɨ, ti'ɨkitame teɨteri katiniwarutaxatɨani naime ketita mɨretima. Mɨkɨ naime katineutixeiyaxɨani yumarima, mɨireme temaiwawemete kememɨte'u'ɨxatsita waxapa kanayeitɨani.

Ti'ɨkitame 12:9 ပူးပေါင်းရင်းမြစ်များ

1 Te'aitamete 4:32

Mɨkɨ peka'utɨa haika miriyari temaiwawemete waniukiyari meta kwikari xeimiriyari heimana 'auxɨwime nɨawariyari.

Temaiwawemete 1:1

Tsarumuni 'ɨxatsiteya Rawiri nu'aya, 'Ixaheri kwieyaritsie ti'aitame:

Temaiwawemete 25:1

'Ikɨta hipatɨ tawari temaiwawemete kememɨte'ɨ'ɨxatsita kanihɨkɨtɨni Tsarumuni meka'utɨa, 'Etsekiyaxi Kura kwieyaritsie ti'aitame, te'utɨwametemama kememɨteheka'ɨkixɨ.

Temaiwawemete 10:1

Tsarumuni niukieya kemɨtimaiwekai: Nunutsi mɨtimaiwe yupaapa pɨtemawieritɨa, nunutsi mɨkayuwaɨriya teɨteri muwaparewienikɨ yumaama kanihiweritɨaka.

1 Te'aitamete 10:8

'Aixɨa meke'itɨarieka 'ateɨterima. 'Aixɨa meke'itɨarieka memɨmete'uximayatsirie 'ahamatɨa yamemɨte'u'uwa me'i'enietɨ kepemɨtimaiwe.

1 Te'aitamete 5:12

Yawé yuniuki paye'atɨa Tsarumuni mɨtimaiwenikɨ kaniupitɨani. Hirami Tsarumuni matɨa tɨratu mepuwewi, yunaitɨ kayuwatɨ meniyuxeiyakaitɨni.

Tanieri 12:3

Memɨtemaiwawe mepɨxawawatɨni xawatɨriya muyuawitsie miemekɨ, kemɨ'ane yumɨireme teɨteri memɨtewaruta'ɨkitɨa tita mɨtiheitserie hepaɨtsita xurawetsixi wahepaɨ meputimerɨkani yuheyemekɨ.