Ti'ɨkitame 12:7 - Kakaɨyari Niukieya

⁷ 'Anari kwiepa tumuanari kanayeimɨkɨ, meripaitɨ mɨ'anekai hepaɨ, 'iyari kanakunuamɨkɨ Kakaɨyari hetsɨa, mɨkɨ mana meiyenɨ'akɨ.

Ti'ɨkitame 12:7 ပူးပေါင်းရင်းမြစ်များ

Tanieri 12:2

meta kwiepa tumuanaritsata mekananuku'uikuni yumɨiretɨ memukutsu, mɨkɨ hipatɨ yuheyemekɨ 'amemu'uwanikɨ, peru hipatɨta memɨtewiyatsitɨarienikɨ xeikɨa meta memɨte'uka'eniwanikɨ waɨkawa yuheyemekɨ.

Nɨawari 146:4

Kepauka mɨmɨni tumuanari kanayeimɨkɨ xeikɨa, 'ana kemɨtiku'eriwakai naitɨ katineuyewemɨkɨ.

Tsakariyaxi 12:1

'Ikɨ kemɨtiyɨni niukiyari Yawé niukieya kanihɨkɨtɨni, 'Ixaheri hepaɨtsita mieme. Mɨpaɨ kanaineni Yawé, muyuawi munetɨa, kwie tenariyari mukayatsaxɨ, meta tewi tukari 'iyayari mupitɨa:

Tsutɨarika 3:19

Tukarikɨ peti'uximayatɨ pekwaxiyatɨ 'a'ikwaite pekatinexeiyakamɨkɨ, mexi kwiepa pekanuaweni, hakewa pemetawewiya. Tumuanari pekanihɨkɨtɨni, hutarieka pekaninuamɨkɨ tumuanari pemayanikɨ».

Tsutɨarika 2:7

Hikɨ Yawé Kakaɨyari tewi kaniutawewieni kwiekɨ. Tsurieyatsie 'ihɨtsieka tukari kanipitɨani mayenierenikɨ muta'iwenikɨ. 'Ana 'ayeyuritɨ tewi kanayani.

Kitsariyaxi 57:16

Yuheheyemekɨ nepɨkamatsixanetani, meta yuheyemekɨ nepɨkaha'aka, xɨka mɨpaɨ 'anenike nehɨxie yunaitɨ memɨte'u'uwa nemuwarutiwewi mekaniukwiwaweni.

'Inɨatsie 16:22

Hikɨ Muitsexi 'Aruni hamatɨa kwiepa mekaniukahɨxima'uni, mɨpaɨ mekateniuhiwa: —Yawé, yunaime teɨteri wahetsiemieme pemɨkakaɨyari: xewitɨ xeikɨa tewi 'axapɨtiuyuri, ¿'ekɨta petiyeha'ani yunaime 'ikɨ wahetsiemieme?

Nɨawari 90:3

'Ekɨ yapepɨtiyuriene teɨteri tumuanari memakɨkanikɨ, kepauka mɨpaɨ pemutaine: «Xemɨkwiwawe, tumuanari xeke'akɨne».

Kuwi 20:11

Xe'umete mɨtɨrɨkawi hikɨ xetemaritɨkaku 'uxa'atɨni warie mɨkɨ hamatɨa xekanika'uxipikuni tumuanaritsata.

'Inɨatsie 27:16

―Yawé, yunaime teɨteri wakakaɨyari, xeime keneutahɨawi manuyekanikɨ 'ikɨ teɨteri wahetsiemieme,

Hepɨrayutsixi 12:23

mana matɨarixi memutinunuiwa muyuawitsie memaka'utɨarie hakewa memeyutixexeɨriwa, mana xepu'axɨa. Kemɨ'ane 'itsɨkametɨtɨ yunaime mɨwata'iwawiya Kakaɨyaritɨtɨ, mɨkɨ hetsɨa xekaniu'axɨani, mɨkɨ heitseriemekɨ yamemɨtekahukai memaye'axɨawawe yu'iyaritsie memu'uwa, mɨkɨ wahetsɨa xekaniu'axɨani,

Hepɨrayutsixi 12:9

Mɨkɨ meta, tepɨwarexeiyakai tapaapama memɨteɨteritɨkai, mɨkɨ metate'ɨkitɨakaku 'uximatɨarikakɨ tepɨwareu'eniekai. Hikɨ matsi yemekɨ peuyewetse temi'enieka 'iyarite wa'ukiyari para temayenenierenikɨ.

Keremiyaxi 38:16

Peru Tserekiyaxi 'awie mɨpaɨ Keremiyaxi katiniutahɨawe: —Yawé hɨxie mɨpaɨ nepɨmerahɨawe, tukari mɨtatsi'upitɨa, nepɨkamatsimieni meta nepɨkamatsiyetuani 'ikɨ memetsimieku wahetsɨa.

Tsutɨarika 18:27

'Apɨrahami mɨpaɨ katinitahɨawe: —Ne nepɨnemate kenetineuyehɨwirieka kwinimieme nematiku'iwawiyakɨ neti'aitɨwame, ne tumuanari naxi nepɨhɨkɨ.

Kuwi 7:21

¿Ketitayari 'axakenemɨtiuyuri pekanereuyehɨwirie? ¿Ketitayari 'axakenemɨtiuyurikɨ pekaratɨmai? kwitɨwa matsi, tumuanaritsata nekanihuimɨkɨ, pekanenitiwaɨmɨkɨ, matsi nepuka'uyeikaniri».

Rukaxi 23:46

Hikɨ Ketsutsi karima 'utahiwaka mɨpaɨ kaniutayɨni: —Ne'ukiyari, ne'iyari nepɨmatsihɨritɨa. Mɨpaɨ 'utayɨka kaniumɨni.

Nɨ'ariekate 7:59

Mexi'akuxi me'itituaxakai, 'Etsitewani kaniyunenewiekaitɨni. Mɨpaɨ 'utaitɨ: —Ti'aitame Ketsutsi 'aku, ne'iyari keneutanaki'eri.

Nɨawari 103:14

Ketemɨte'u'iyari mɨkɨ katanimaika, katinimaika tame haxu temɨhɨkɨkɨ.

Nɨawari 104:29

Xɨka pewaruhayewa, meputimamawe, xɨka wa'iiya pewarunawairieni mepɨtakukuwe meta tumuanari mepakɨka.

Nɨawari 31:6

Nepɨwaxani'erie kakaɨyarixi memɨwarayexeiya, ne 'aku, 'ahetsie nepɨtiwiya, Yawé.