Ti'ɨkitame 12:5 - Kakaɨyari Niukieya

⁵ Marika Kanitixuawerimɨkɨ hɨrite 'amanutitɨtɨtsie, 'anarita huyeta kaniumariwemɨkɨ. 'Arimenitɨra meta 'ana kanitixutuimɨkɨ, 'utsikari mekani'axɨakuni yumɨiretɨ, mekanikakɨmikuni 'anari tixaɨtɨ tiyunaki'erietɨ pɨka'ayani, tewi kaniyemieni kiekari 'emɨtiteriwetsie, kaye'utɨa mekaniyexɨrietɨwekuni, meyuhiwerietɨ 'akaxari mexeiyatɨ.

Ti'ɨkitame 12:5 ပူးပေါင်းရင်းမြစ်များ

Kuwi 17:13

Hakewa nemekateukieni mɨkɨxeikɨa xɨka netakwewieka nekii mayanikɨ, kamɨtsɨ makɨyɨwitsie xeikɨa neyuka'itɨame nepeukuni,

Kuwi 30:23

Yanepɨtimate teukiyapa kepemɨnereukatuanikɨ, hakewa teyunaitɨ 'atemu'uwa temɨtakukuwe metakiekaritsie.

Temaiwawemete 16:31

Mutuxaiya kuruna kanihɨkɨtɨni 'aixɨa kemɨtixeiyariekakɨ, 'aixɨa 'anemekɨ 'uyeikatɨ kane'iwamɨkɨ.

Nɨawari 71:18

Kepauka 'ukiratsi nemayani, kepauka nemumutuxakari, Kakaɨyari 'aku, pepɨkanetsi'uku'e'eiriwani, 'umemahu 'atɨrɨkariya newataxatɨayuke, memɨkatinunuiwawawe 'akuxi kepemɨtiuyuri newataxatɨayuke.

Kuwi 15:10

Tame tekanimutuxatɨkani meta waɨkawa wiyari tekanexeiyatɨkani, tame matsi waɨkawa tekateniuxeiya keyuri 'apaapa.

Mawari 19:32

»'Amɨyumate pexeiyame keneutakexi. »'Ukirawetsixi 'aixɨa ketinewaxeiyani. »'Akakaɨyari kenayemakaxeni. Ne Yawé nekanihɨkɨtɨni.

Hepɨrayutsixi 9:27

Teɨteri wahetsie katininakimɨkɨ xeimieme memɨkwinikɨ, 'ariketa 'itsɨkame kaniwatahɨawimɨkɨ.

Keremiyaxi 1:11

Yawé niukieya nehetsɨa kaninuani mɨpaɨ kanetiniutahɨawe: «Keremiyaxi, ¿ketita petixeiya?» Mɨpaɨ nekatinita'eiya: «'Arimenituru 'iteɨriyari xeimamayari nepɨxeiya».

Kitsariyaxi 46:4

Meta kepauka 'akuxi xemu'ukirawetsixitɨni meta xemumutuxatɨkanitsie, ne mɨkɨ yaxeikɨa nekanihɨkɨtɨkamɨkɨ, ne nekanixetuikakamɨkɨ. Ne nekaxeniutiwewieni, nepɨxe'ɨwiyani, nepɨxeparewieka meta nepɨxewikweitsitɨaka.

Ti'ɨkitame 9:10

Naitɨ 'ahetsie mɨti'axe 'aixɨa 'anemekɨ yaketineuyuri, hakewa pemekateukieni, mana mɨkahexuawekɨ 'uximayatsika, kepemɨti'atukaritɨani meta tita pemɨtiuyemate meta kepemɨtimaiwe pɨremaweni.

Temaiwawemete 20:29

Temari witsikememɨteheu'erie mɨkɨ kaniwatɨrɨkariyatɨni, meta 'ukirawetsixi yamemɨtekahu mɨkɨ wamutuxaiya mɨixa wiyari memu'uwa kaniwa'inɨaritɨni.

Tsutɨarika 44:31

tapaapa heitatɨmaiyame kanemɨmɨkɨ. Kamɨtsɨ tame tahetsie pɨrayani, xɨka tapaapa hemɨni hiwerikakɨ.

Tsutɨarika 44:29

Xɨkata 'ikɨ xehewitɨni, xɨka yɨkɨ reiyurieni, xemetsɨ pɨxehetsietɨni xɨka ne 'ukiratsi hiwerikakɨ ne'umɨni”.

Tsutɨarika 42:38

Kakuwu tawarita mɨpaɨ kaniutayɨni: —Neniwe pɨkayemie xe'utɨma. Kutseri pɨka'uyeika, mutaya xeikɨa puyuhayewane. Xɨka huyeta yɨkɨ reiyurieni, xemetsɨ pɨxehetsietɨni xɨka ne 'ukiratsi hiwerikakɨ ne'umɨni.

Keremiyaxi 9:16

Naitsarie nuiwarite watsata nepɨwataxɨriexɨani teɨteri memɨkawamate meta watutsima memɨkawaretima wahetsɨa, nepɨwaranukuweiya 'ixiparakɨ kepaukake yunaime nemɨwakwini».