Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ti'ɨkitame 11:8 - Kakaɨyari Niukieya

8 Xɨka tewi matsi mɨixa wiyari 'a'uyeikani hetsiena yutemawietɨ, matsi tukari tekeha'eriwani 'uximatɨarika mɨtixuaweretsie waɨkawa katiniyɨmɨkɨ, meta tita 'umɨramie 'ana yakɨ xeikɨa pɨkarayani.

အခန်းကိုကြည့်ပါ။ ကော်ပီ




Ti'ɨkitame 11:8
32 ပူးပေါင်းရင်းမြစ်များ  

Ketsutsi 'ayumieme mɨpaɨ katiniwarutahɨawe: —Yapaɨmexɨa xeikɨa hekɨariya xetsata kaniuyeikamɨkɨ. Mexi hekɨariya xehexeiya xekeneu'uwani, yɨriya kapa xeha'iwakɨ. Kemɨ'ane yɨwipa muyeika 'atsipɨkatimate kemɨtimie.


Xɨka xeme xemɨtemaiwawe xehɨkɨtɨnike hikɨ 'ipaɨ xeteyuhɨaweke, xɨka mɨpaɨ xetehetimanike kexemɨ'itɨarienikɨ.


Yɨriya tukariyari kanaye'amɨkɨ, hai tukariyari mɨyɨyɨxawi kanaye'amɨkɨ. Hekɨariya kemɨtiyuhekɨa kahekɨarirɨmetɨ kwiepa, mɨpaɨ katinimakatsiukɨni kiekari mɨmariwe mɨtɨrɨkaɨye, meripaitɨ hatsuaku kemɨkatiɨyɨ, nuiwarite 'umemahu wahetsiemiemeri hatsuaku yapɨkatiyɨni.


Kepauka 'aixɨa ti'aneme pemɨrexeiyani, kene'atemawieka, matsi kepauka 'axati'aneme pemɨrexeiya, keneutimaixɨa 'uximayatsika naitɨ Kakaɨyari hetsɨa kanayeneikani, tewi 'atsimɨkatimatekɨ ketita mɨtikaxeiya 'arike.


Mɨpaɨ mekatenixekɨhɨawekaitɨni: «Tukari taparirɨmekaku mekanitixuawerikuni teyunanaimawamete, 'amekaniu'uwakuni kememɨte'ukahiwe'erie xeikɨa Kakaɨyari meka'ayexeiyatɨ».


Yawé yukakaɨyari 'aixɨa xeketenahɨaweni, mexi'akɨxi yɨriya kaheyenɨ'awe meta 'akuxi xeme hɨri mɨ'e'etɨtsie xekahekaxɨriwawe. Xeme hekɨariya xepɨtakwewie, peru mɨkɨ kanipatamɨkɨ yɨriya 'amayetsuyekɨ, 'ɨyuwime kanayeitɨamɨkɨ.


'Ayumieme, temawierika nekanexeiyani, tawari tixaɨtɨ pɨkatixuawe 'aixɨa mɨti'ane tewi hetsiemieme hikɨ tukaritsie, matsi mɨtikwakakɨ, mɨranuye'enikɨ xeikɨa, meta yutemawietɨ, mɨpaɨ xeikɨa 'aixɨa kani'aneni xɨka waɨkawa yu'iyaritɨatɨ ti'uximayaka hikɨ tukaritsie, Kakaɨyari 'ipitɨakaku.


'Axatiyuruwame kaniyɨweni xeitsienituyari paɨmexɨa 'axamɨtiuyurieni, meta mɨixa wiyari kaniuyeikamɨkɨ, matsi mɨpaɨta nekatinimaika, 'aixɨa katiniwayuriekamɨkɨ kemɨ'ane Kakaɨyari memayemakaxe mariweme me'ayeitɨatɨ.


Niuki waɨkawa mekananutiyayatsani, matsi tixaɨtɨ pɨkatihɨkɨ. ¿Peru tita tete'a'iwa kɨmana?


Hikɨ ti'aitame mɨpaɨ katiniwarutahɨawe yuparewiwamete: “Xekenanahɨa 'ɨkateyatsie meta mamateyatsie, xekenanuyehɨwa takwa yɨwipa, mana putatsuakani meta puyutikeweni”.


tsepa huta miriyari wiyari 'amuyeikani, 'aixɨa mɨti'ane yakatiyurienetɨ. Matsi teyunaitɨ 'axeikɨa tekanekɨkani.


Peru tsepanetɨ teɨteri memɨkayu'inɨatsinɨa te'aitamete memɨwaruweiya, yumɨiretɨta 'arike memɨ'axe, mekayutemamawietɨ mekaniyuhayewani hetsienamieme. Mɨkɨta yaxeikɨa tixaɨtɨ pɨkatihɨkɨ, 'eka manuku'axe hepaɨ pɨ'ane.


tewi xeime nekaniuxeiya yuxaɨtame 'uyeikame, tɨɨri kawarexeiyame meta yu'iwama, peru pɨkatihayewakai waɨkawamekɨ yu'iyaritɨatɨ yu'uximayatsikakɨ, hatsuaku mɨpaɨ pɨkatiuyuhɨawixɨ waɨkawa kemɨrexeiyakaikɨ «¿Kamɨtsɨ kemɨ'ane rahetsiemieme ne waɨkawa nepɨti'uximaya, 'aixɨa nemɨtiyurienenikɨ nekayuwaɨriyatɨ?» mɨpaɨ katiniuyuhɨawe. Mɨkɨta tixaɨtɨ pɨkatihɨkɨ kenemɨtiune'uxitɨa waɨkawa.


Kakaɨyari matsi mɨtimaiwenikɨ meta meitimaitɨyeikanikɨ meta muyutemawiekakɨ kaniyetuirieka kemɨ'ane mɨkɨ minake miyetuirienikɨ, matsi 'axamɨtiyuriene kanihayewani para mɨkɨ mɨtixeɨrienikɨ miyetuirienikɨta kemɨ'anetsiere mɨnaki'erie. Peru mɨkɨta 'axakani'aneni 'eka muweiyani hepaɨ.


'Atsipɨkatimatsiɨkɨ xɨka mɨkɨ timaiwemɨkɨ yatɨ pɨkatimaiweni. Matsi katiniyukapinitɨamɨkɨ waɨkawa neyu'iyaritɨatɨ meta netimaiwetɨ kenemɨtiuyuri 'ena ne'uyeikatɨ. Mɨkɨ meta tixaɨtɨ pɨkaratɨa.


Merikɨ netukari neputi'uxiwe'eri, tsepa naimekɨ mɨpaɨ nemɨtiyurienekai 'axapɨ'anekai nekɨmana. Yurikɨ naitɨ tixaɨtɨ pɨkaratɨa, matsi 'eka 'utɨma pemunautsarɨmeni hepaɨ kani'aneni.


Merikɨte mɨpaɨ nepɨtiunehɨawixɨ: «Kamɨtsɨ mɨka'uka'iyari hepaɨ nepɨtimɨni, ¿merikɨte titakɨ tiyunaki'erie kenemɨtimaiwe?» Mɨpaɨ nepɨtiunehɨawixɨ mɨkɨ tixaɨtɨ pɨkatihɨkɨtɨkai,


Hekɨaripa hayehanieme yɨwipa kaneutahɨiyamɨkɨ, 'ena kwiepa kanayenɨ'arieni.


Hau'erietɨ pukuyeika, wirɨkɨxi puwa'ikwai xeikɨa, pɨtimate hetsiena maye'aximekɨ yɨriya tukariyari.


Matsi tewi, pɨmɨwe meta yɨtɨrɨkariya peuyehɨpa, yu'iiya 'imatɨrieka mieme panatituaya, hikɨ 'ana pukumamawere.


kwiepa waɨkawa makɨyɨwitsie, kwiepa meta 'etɨriya hepaɨ 'anu'atɨkaikaku meta muyuxamurietsie, hakewa hekɨariya yɨriya hepaɨ me'anetsie».


Ketinekwaka 'a'ikwaite pe'atemawietɨ, kene'ieka 'awinu yemekɨ pe'awaɨriyatɨ, 'ariri Kakaɨyari kaninaki'aka kepemɨti'uximayakɨ,


Me'atahutame yatɨni me'atahaikame ketiniwarumikwa tita pemɨrexeiya, 'atsipemɨkatimatekɨ tita 'uximatɨarikayari 'umɨramie 'ena kwiepa.


mexixi nekaheyeiwe nemɨkahanuanitsie, kwie 'etsiwa makuhekɨatsie meta 'etɨpiwari hepaɨ mɨ'anetsie,


mɨpaɨta teɨteri, kepauka kayuwatɨ memɨte'uhipite, tawariri mepɨka'anuku'uwe. Mexi muyuawi 'atsikayɨweni, memukwi mepɨka'anuku'uni meta mepɨka'anutaneniere mekutsutɨ.


Tsepa xiku xewitɨ mayuyeitɨa, peru mɨkɨ 'apɨkareutere, yeutari wahepaɨ mepɨtakukuwe xeikɨa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ