Ti'ɨkitame 11:6 - Kakaɨyari Niukieya

⁶ Ximeri paitɨ 'a'imɨari keneuka'etsa, taikaita 'uxipiya pepɨkahexeiyani, matsi 'atsipepɨkatimate ke'anetɨ 'etsiyari 'aixɨa mɨtiyɨni, xɨka 'iya yatɨni 'ikɨ, yamatsi naitɨ 'aixɨa 'anenetɨ pɨrayani.

Ti'ɨkitame 11:6 ပူးပေါင်းရင်းမြစ်များ

Kitsariyaxi 55:10

Wiyeri meta 'ɨwi muyuawitsie kemɨrakaneika, kwitɨwa pɨka'anutinunuwa kwiepa kakahatuawetɨ, mɨtiyɨratɨakakɨ, kemɨ'ane muka'etsa 'imɨari mexeiyanikɨ meta paa mexeiyanikɨ kemɨ'ane mɨtikwa'a,

'Utseyaxi 10:12

Xekeneuka'etsa yuhetsiemieme kemɨtiheitserie, Naki'eriya takariyari xekeneuka'itsana, kwietsanaripa xeketene'uximayaka. 'Ari tukari paye'ari Yawé xema'eriwanikɨ, kepaukake munuani penɨ'ani heitserie mɨtiyupitɨwa wiyeriyari.

2 Kurinitutari 9:6

'Ikɨ xekena'eriwani: Kemɨ'ane 'etsipaɨmeme muka'e yu'imɨari 'ikwerietɨ, 'etsiwa xeikɨa kanika'itsanamɨkɨ meta kemɨ'ane waɨkawa mika'eni, mɨkɨ 'anayuhayewame kanika'itsanamɨkɨ.

2 Timuteu 4:2

Niuki kenekuxatani. Mɨkɨkɨ kene'ayumiemetɨni penaki'eriwatɨ pekanaki'eriwatɨ. Keniwarutati'a keniwaku'imaiyani keniwatuikani. Naimekɨ 'eketineutewini petiuka'eniwatɨ, naimekɨ ketine'ɨkitani.

Ti'ɨkitame 9:10

Naitɨ 'ahetsie mɨti'axe 'aixɨa 'anemekɨ yaketineuyuri, hakewa pemekateukieni, mana mɨkahexuawekɨ 'uximayatsika, kepemɨti'atukaritɨani meta tita pemɨtiuyemate meta kepemɨtimaiwe pɨremaweni.

Ti'ɨkitame 9:1

'Ikɨ naimekɨ waɨkawa mɨpaɨ nekatiniyurienekaitɨni, 'ikɨkɨ meta naime nekatiniuta'inɨata, 'aixɨa memɨteyurie meta memɨtemaiwawe kememɨte'uximaya, mɨkɨ Kakaɨyari hetsɨa katinimiemetɨni, tewi 'atsipɨkatimate kemɨtiyukanaki'erieka meta kemɨtiyuka'uxiwe'erie, tsepa hɨxiena mɨti'ane.

Ti'ɨkitame 11:7

Hekɨariya witsikani'aneni, 'aixɨata kani'aneni tau hekɨariyayari xeiyatɨ 'amuyeikani.