Ti'ɨkitame 11:10 - Kakaɨyari Niukieya

¹⁰ 'A'iyaritsie haxɨa pepɨkapitɨaka, 'ahetsie tita 'axamɨti'ane ketinayeweiya, matsi temaikɨ yu'erietɨ meta temaikɨyari yakɨxeikɨa kanihɨkɨtɨni.

Ti'ɨkitame 11:10 ပူးပေါင်းရင်းမြစ်များ

2 Kurinitutari 7:1

Merikɨte ne'iwama nenaki'erima, mɨpaɨ temɨte'utahɨawariekɨ kename mɨpaɨ tiyurieni, tepɨta'itieka naimekɨ tita tawaiyaritsie 'axamɨtiyurie meta ta'iyaritsie, tepaye'axɨaximeni Kakaɨyari te'ayemakatɨ tete'uximayatɨ tepatsietɨ hepaɨna.

2 Timuteu 2:22

Kene'ata'una pemɨkati'akahiwe'eriekakɨ temari wahepaɨ, mɨpaɨ pɨta ketine'amexɨitɨaka, heitseriemekɨ yapemɨtikamienikɨ, kepemaine yapemɨtiyurienenikɨ, pemɨti'akanaki'eriekakɨ, mɨkɨ memehɨawe Ti'aitame wa'iyari 'itiyatɨkaikaku, mɨkɨ wahamatɨa 'axeikɨa yaxeketeneyurieka 'aixɨa xemɨteyuxeiyanikɨ.

Ti'ɨkitame 12:1

Kemɨ'ane matsi'utawewi kena'eriwani, hikɨri pemɨtemaikɨ, mexinetɨ tukari 'axamɨ'ane ka'aye'awe, kepauka mɨpaɨ pemɨtayɨni: «Pɨkanetsinakeri 'anemuyeikanikɨ mɨixa wiyari»,

Ti'ɨkitame 1:14

Naime mɨpaɨ nepɨretima ketemɨteyurie 'ena kwiepa, pɨkatiyupata 'eka muweiyani hepaɨ kani'aneni.

Ti'ɨkitame 1:2

Mɨpaɨ kanaineni ti'ɨkitame: —Tita tixaɨtɨ temɨte'erie, tixaɨtɨ pɨkatihɨkɨ, naitɨ tixaɨtɨ pɨkatihɨkɨ.

Nɨawari 39:5

Netukari pɨkawaɨkawa pemɨnetsi'upitɨa, 'akɨmana, kepaɨmeme wiyari nemuyurieni tixaɨtɨ pɨkatihɨkɨ. Xeihɨtsiyari xeikɨa pɨhɨkɨ tewi mɨmɨwe.

Kuwi 20:11

Xe'umete mɨtɨrɨkawi hikɨ xetemaritɨkaku 'uxa'atɨni warie mɨkɨ hamatɨa xekanika'uxipikuni tumuanaritsata.

Kuwi 13:26

Nehetsiemieme pepɨraka'utɨa hatsiwimekɨ, temaikɨyari paitɨ ke'axanemɨtiuyurikɨ, mɨkɨkɨ pepɨnetiuka'enitsitɨwa.

Nɨawari 25:7

'axakenemɨtiuyuri kenatɨmaiya 'aitsika nemeutitsanaxɨakɨ temaikɨyari. Kenenaye'eri kepemɨti'akanaki'eriekɨ, 'ekɨ Yawé 'aixɨa pemɨtiuka'iyarikɨ.

Temaiwawemete 22:15

'Axamɨtiuyurienikɨ yutemawietɨ temaikɨ hetsie kaniyekani, matsi kɨyekɨ kuweiwatɨ ti'ɨkitɨatɨarietɨ 'ana pɨretimani.

Kuwi 11:12

Tewi mɨkayɨkɨhɨawe timaiwetɨ payani kepauka puxu yeutanakatsie tewi mayenuiwa.

Nɨawari 39:6

Tewi tukarieya 'etɨriya hepaɨ xeikɨa kani'aneni meuyewautse. Yakɨ xeikɨa pɨyɨaneni piinitɨarika xɨka tixeɨrieka, 'atsipɨkatimatsiɨkɨ kemɨ'ane mɨranupiini.