Ti'ɨkitame 11:1 - Kakaɨyari Niukieya

¹ Hata keneukahɨwa 'apaa, yapaɨmexɨa tukari 'anukayayu 'ana keta pekanitaxeiyamɨkɨ.

Ti'ɨkitame 11:1 ပူးပေါင်းရင်းမြစ်များ

Ti'ɨkitame 11:6

Ximeri paitɨ 'a'imɨari keneuka'etsa, taikaita 'uxipiya pepɨkahexeiyani, matsi 'atsipepɨkatimate ke'anetɨ 'etsiyari 'aixɨa mɨtiyɨni, xɨka 'iya yatɨni 'ikɨ, yamatsi naitɨ 'aixɨa 'anenetɨ pɨrayani.

Temaiwawemete 19:17

Tixaɨtɨ mɨkarexeiya xɨka tumini pe'umini Yawé pekaniniɨtɨaka. Mɨkɨ Yawé pumerakapitɨani 'aixɨa kepemɨtiuyurikɨ.

Hepɨrayutsixi 6:10

Kakaɨyariri mɨpaɨ pɨkayɨane kemɨ'ane heitseriemekɨ yamɨkatikamie hepaɨ, pɨkaxetɨmaiya kexemɨte'uximayakai kexemɨteyuhekɨatakai xeteyukanaki'erietɨ xeme'eriwakaikɨ, kexemɨteyukanaki'eriekai pɨmatsiɨkɨkai xemɨwaparewiekaikɨ teɨterimama, hikɨta kexemɨtewaparewie.

Mateu 10:42

Mɨkɨ tsepa memɨkamamariwawe, kemɨ'ane miharitɨani mɨkɨ xeime, tsepa xeiwatsuyari haɨtɨme xeikɨa miharitɨa, tiyɨ'ɨkitɨwame nehetsɨa mieme mɨhɨkɨkɨ, yurikɨ mɨpaɨ nepɨxerahɨawe, mɨkɨ yu'iwarika pɨkareuyehɨani pɨtipitɨarieni».

2 Kurinitutari 9:6

'Ikɨ xekena'eriwani: Kemɨ'ane 'etsipaɨmeme muka'e yu'imɨari 'ikwerietɨ, 'etsiwa xeikɨa kanika'itsanamɨkɨ meta kemɨ'ane waɨkawa mika'eni, mɨkɨ 'anayuhayewame kanika'itsanamɨkɨ.

Kitsariyaxi 32:20

'aixɨa xeke'itɨarieka xeme, xemuka'etsa haatetsita, meta tuuru puxu hamatɨa xemɨwarutatuaya.

Rukaxi 14:14

Mɨkɨ tixaɨtɨ mepɨkatehexeiya kɨmana tawarita memɨmate'apiniriekakɨ, mɨpaɨ petiyurienetɨ 'aixɨa pekani'itɨariekamɨkɨ, tawari pepɨrapiniyarieka kepauka memanuku'uni mɨkɨ heitseriemekɨ yamemɨtekahu.

Kitsariyaxi 32:8

Matsi, tewi 'aixɨa mɨtiuka'iyari, 'aixɨa mɨti'anekɨ kaniyɨhɨaweni, meta ke'aixɨa mɨtiyuriene mɨkɨtsie kanimatsiɨkɨni.

Mateu 25:40

Hikɨ Ti'aitame mɨpaɨ katiniwatahɨawimɨkɨ: “Yurikɨ mɨpaɨ nepɨxerahɨawe, naime kexemɨte'uyuri 'ikɨ ne'iwama wahetsiemieme tsepa tixaɨtɨ mɨkatihɨkɨ hetsiemieme, mɨkɨ nehetsiemieme xepɨte'uyuri”.

Temaiwawemete 22:9

Kemɨ'ane mɨtiyukanenimaya mɨkɨta Kakaɨyari 'aixɨa kaniyuriekamɨkɨ, tixaɨtɨ memɨkatehexeiya mɨtiwamikwakɨ.

Temaiwawemete 11:18

'Axatiyuruwame kwamanarikakɨ xeikɨa katina'i'iwani, matsi kemɨ'ane heitseriemekɨ yamemɨtekahu wa'iwarika 'aixɨa kani'aneni.

Mateu 10:13

Xɨka kiekatari 'aixɨa mete'u'iyarini, xewaɨritsika keyuhayewani wahetsie, mexɨka 'aixɨa mekate'u'iyarini, xewaɨritsika ke'akunuani xehetsie.

2 Tsamuheri 17:29

xiete, kunere, kexiu meta muxatsi wakexiuyari. Rawiri 'ikɨ 'ikwaite mekateniyetuirieni meta teɨterimama para memɨtetikwanikɨ, mɨpaɨ meteku'eriwatɨ xɨari 'ikɨ teɨteri mepehaakakwi meta mepeharikwi makumawetsie me'u'uwatɨ, meta mepu'u'uxe.

Mawari 19:25

'auxɨwirieka wiyarike 'ikwaxiyari xemɨtikwanikɨ xepɨyɨwaweni. Mɨpaɨ xeteyurieyu waɨkawa pɨtiukaxuxuawereni. Ne Yawé xekakaɨyari nekanihɨkɨtɨni.

Ti'ɨkitame 3:6

kepauka mɨtikuwauneni, kepaukata mɨkatikuwauneni, kepauka mutiuti'uta, kepaukata mɨrexɨrieni,

Mateu 25:17

Yaxeikɨata, 'iya huta kiriwayari mu'ɨitɨarie tawari hutame pana'iwaxɨ.