Ti'ɨkitame 10:10 - Kakaɨyari Niukieya

¹⁰ Hatsa xɨka ka'ataxikaunini, meta xɨka ka'etamɨani, matsi karima katinewitekemɨkɨ. Xɨka petimaimɨkɨni ketine'uximayaka 'aixɨa 'anekamekɨ, petimaitɨ meta 'aixɨa peti'a'ɨwiyatɨ.

Ti'ɨkitame 10:10 ပူးပေါင်းရင်းမြစ်များ

Tsatiyaku 1:5

Mexɨka xeme xewitɨ mɨtimaiwenikɨ reiyehɨaka, Kakaɨyari ke'utawawirieni, mɨkɨ katinayetuiriemɨkɨ, matsi Kakaɨyari yunaime katiniwamikwani 'aixɨa 'anekamekɨ nixeime tɨma 'axakatixeiyatɨ.

Kurutsetari 4:5

Xetemaiwawetɨ xekeneyɨaka yuri memɨkate'erie xewakɨhɨawetɨ, kepauka xemɨyɨwawe 'aixɨa xemɨteyurienikɨ, yemekɨ mɨpaɨ xeketeneuyuri.

Ti'ɨkitame 10:15

Mɨka'uka'iyari kemɨti'uximaya yakɨ xeikɨa katiniyu'uxitɨaka, meta kiekari huyeyari 'utɨma pɨkahemarie.

1 Kurinitutari 14:20

Ne'iwama, tɨɨri wahepaɨ xepɨkateyumaika. 'Aixɨa kani'aneni xɨka tɨɨri wahepaɨ 'atsixekatemaika tita 'axamɨti'ane hepaɨtsita, peru xetsetseɨyetɨ pɨta kexemɨteyumate.

1 Te'aitamete 3:9

Ne nepɨmatsiwawirie mati'uximayatsiriwame nehɨkɨtɨtɨ nemɨtimaiwenikɨ nemɨyɨwenikɨ nemɨtiwata'aitɨanikɨ 'ateɨterima, para nemɨtimaikakɨ ketita 'aixɨa mɨti'ane meta tita 'axamɨti'ane. Mexɨka katixaɨtɨni pekanetsi'uparewieni, xewitɨ pɨkayɨwe mɨtiwaruta'aitɨani 'ikɨ teɨteri memɨyumɨire».

Xumatari 16:19

Xeme kexemɨtekahu mekatenetimaniri yunaitɨ. 'Ayumieme xehepaɨtsita nepɨnetemawie. Mɨpaɨ pɨnetinake, xemɨtemaiwawenikɨ 'aixɨa xeteyurietɨ, xemɨka'inɨkakɨ tita 'axamɨti'ane.

Mateu 10:16

Neri nepɨxeheutanɨ'axɨa muxatsi wahepaɨ 'ɨrawetsixi watsata. 'Ayumieme, xeketenemaiwaweni kuterixi wahepaɨ, peru xepɨka'inɨka tita 'axamɨti'ane kukuruxi wahepaɨ.

1 Kemɨtiuyɨ 12:32

'Itsakaxi nuiwarimama mekaniyupaɨmekaitɨni: huta tsienituyari memanuyetei yu'iwama wahetsie mieme. Mɨkɨ teɨteri mepɨtemaiwawekai tukari hepaɨtsita, 'Ixaheri hepaɨtsita tita 'aixɨa mɨti'anekai mepɨtemaikai.

Hutarieka 'inɨari 32:41

kepauka ne'ixipara mɨxawatɨ nematamɨa tukari 'aye'aku nepenukukwei, nemɨtiwarakapitɨanikɨ memɨnetsi'aye'unie meta memɨnetsiheka wahepaɨtsita kemɨtiheitserie.

Ti'ɨkitame 2:13

mɨpaɨ nepɨretima matsi waɨkawa peuyewetse mɨtimaiwenikɨ keyuri mɨka'uka'iyarini, hekɨariya 'aixɨa mɨ'ane hepaɨ keyuri yɨriya.

Ti'ɨkitame 10:9

Xɨka tetexi pe'utitara, mɨkɨ tetexi kametinikwinitɨamɨkɨ. Kemɨ'ane kɨye mawiteni, mɨkɨ kɨyexikɨ katiniyukwinitɨaka.

Ti'ɨkitame 10:11

Xɨka kuu tiuyukeni meri 'akuxi kwikarikɨ kakewaiyariewetɨ, tixaɨtɨ pɨkara'iwa 'ikewaiyame.

Ti'ɨkitame 9:18

Kaneuyeweka matsi waɨkawa mɨtimaiwenikɨ, keyuri tituaxame kuyaxa mieme. Xeimekɨ 'axaxɨkapetiuyurieni pekatinitixɨtɨamɨkɨ 'aixɨa mɨti'ane.