Ti'ɨkitame 1:8 - Kakaɨyari Niukieya

⁸ Waɨkawa pɨkwaniwe nemɨtitaxatakɨ matsi waɨkawa kemɨtiyɨwe mɨtiutaxatakɨ. Naka matsi waɨkawa mɨpaɨ katineu'enamɨkɨni, Meta hɨxite pɨka'uxiwe mɨtanierenikɨ.

Ti'ɨkitame 1:8 ပူးပေါင်းရင်းမြစ်များ

Temaiwawemete 27:20

Teukiya, mɨɨya meta tita teɨteri memɨtehiwe'erie metexeiyatɨ, hatsuaku wa'iyaritsie pɨkareuyeyeika.

Mateu 11:28

»Nehetsɨa xekeneu'axɨa xeme yunaitɨ xemu'u'uxe xete'uximayatɨ meta xemu'ika, ne nepɨxeka'uxipitɨani.

Ti'ɨkitame 4:8

tewi xeime nekaniuxeiya yuxaɨtame 'uyeikame, tɨɨri kawarexeiyame meta yu'iwama, peru pɨkatihayewakai waɨkawamekɨ yu'iyaritɨatɨ yu'uximayatsikakɨ, hatsuaku mɨpaɨ pɨkatiuyuhɨawixɨ waɨkawa kemɨrexeiyakaikɨ «¿Kamɨtsɨ kemɨ'ane rahetsiemieme ne waɨkawa nepɨti'uximaya, 'aixɨa nemɨtiyurienenikɨ nekayuwaɨriyatɨ?» mɨpaɨ katiniuyuhɨawe. Mɨkɨta tixaɨtɨ pɨkatihɨkɨ kenemɨtiune'uxitɨa waɨkawa.

Mateu 5:6

'Aixɨa mekani'itɨarieka mɨkɨ memɨyuwaɨriya heitseriemekɨ yamemɨtekahunikɨ yaxeikɨa tewi hepaɨ meuhakamɨkɨ meuharimɨkɨ hepaɨ, yamepɨtepitɨarieni mepɨtihuxani.

Ti'ɨkitame 2:26

Kakaɨyari matsi mɨtimaiwenikɨ meta meitimaitɨyeikanikɨ meta muyutemawiekakɨ kaniyetuirieka kemɨ'ane mɨkɨ minake miyetuirienikɨ, matsi 'axamɨtiyuriene kanihayewani para mɨkɨ mɨtixeɨrienikɨ miyetuirienikɨta kemɨ'anetsiere mɨnaki'erie. Peru mɨkɨta 'axakani'aneni 'eka muweiyani hepaɨ.

Ti'ɨkitame 2:11

Nepuyuti'iyaritɨa naimekɨ ne'uximayatsikatsie kenemɨtiuyuriekaikɨ, waɨkawa nemɨtineti'uxitɨakɨ neti'uximayatɨ, mɨpaɨ nepɨretima mɨkɨ tixaɨtɨ pɨkatihɨkɨtɨkai, xɨka 'eka pe'anukuweiya pepɨkahenuku'axe, mɨpaɨta katinimatsiɨkɨni tixaɨtɨ pɨkatihɨkɨ 'atukaritsie timieme.

Nɨawari 63:5

Ne'iyari 'aixɨa pɨtika'erieni 'ixɨararipa waɨkawa mɨratikwaiwa hepaɨ, waɨkawa yemekɨ nenetemawietɨ, nepɨmetsinɨawani.

Ti'ɨkitame 1:7

'Aki 'amɨpapa haa muhapane haramaratsie peukayuyuipike, peru hatsuaku haramara pɨkatahɨne. Tawarita yu'utɨma kani'atɨwani, mɨkɨ muhapanenikɨ 'axeikɨa.

'Akehuxi 1:9

»Xeme waɨkawa xekatenitakwewieka, peru 'etsiwa xeikɨa xepuka'itsana, tita yukiita xemɨte'uti'uta, ne xeihɨtsieriyarikɨ nekanikumaweriyani. ¿Ketitayari? Netuki 'unitɨ 'amuwekɨ, mexi xeme yuhetsiemieme xeikɨa xetekuwautɨwe —mɨpaɨ kanaineni Yawé Naimekɨmɨtɨrɨkaɨye—.

Ti'ɨkitame 6:7

Tewi waɨkawa katini'uximayaka mɨtikwakakɨ, matsi hatsuaku pɨkatahuxani kɨmana.