Tanieri 9:7 - Kakaɨyari Niukieya

⁷ »”'Ekɨ Yawé, heitseriemekɨ yapepɨtikamie. Tame matsi, tewiyarika xeikɨa tepexeiya 'ikɨ tukaritsie, tame Kura kiekatari, Kerutsareme kiekatari meta naitsarie 'Ixaheri kwieyaritsie kiekatari, 'ahurawa temu'uwa meta 'ateewa temu'uwa, naitsarie hipame kwieyaritsie hakewa pemɨtatsihetaxɨriexɨa temɨmatsi'uku'eirikɨ.

Tanieri 9:7 ပူးပေါင်းရင်းမြစ်များ

Tanieri 9:14

»”'Ekɨ, Yawé meta takakaɨyari, 'ikɨ 'uximatɨarika pepukuha'aritaxɨ meta pepipitɨa tahetsie mɨkawenikɨ, 'ekɨ kemɨtiheitserie yapepɨtiyuriene naimetsie kepemɨtiyuriene. Peru mɨyatɨtɨ, yatepɨkatekakɨniwawe kemɨmetinake.

Tanieri 9:8

»”Yawé, tame meta tate'aitɨwamete meta 'iparewiwamete meta ta'ukiyarima, tepeutatetewiya 'ahepaɨtsita 'axatemɨte'uyurikɨ.

Keremiyaxi 3:25

Tatewiyarikatsie tepahini, tatewinɨarika ketatsi'anukanani. Tame meta tatutsima Yawé takakaɨyari hepaɨtsita 'axatepɨte'uyuri. Tɨɨriyari paitɨtɨ meta hikɨ 'akuxi, yatepɨkatekakɨniwawe Yawé takakaɨyari kemɨtinake».

Nɨawari 44:15

'Etsiwatɨma nepɨkahayewarie nekananaimarietɨ, waɨkawari nepaunetewiya,

Hutarieka 'inɨari 4:27

Yawé yayupaɨmeme xeikɨa kaniwahayewamɨkɨ, hipame nuiwarite watsata kaniwataxɨriexɨamɨkɨ.

Xumatari 6:21

¿Kexete'utixuxuawerekai 'ana? Hikɨ xepɨyutetewiya mɨkɨ hepaɨtsita, kemɨ'ane mɨpaɨ mɨtiyuriene, mɨkɨ mɨkitɨ kanayeimɨkɨ.

'Amuxi 9:9

Nekatinita'aitamɨkɨ 'ixaheritsixi memɨtikatsienikɨ yunaime nuiwarite watsata, xiekari manuyekatsieni hepaɨ tikatsemetsie, xewitɨ tete kapitɨarietɨ kwiepa mɨkaweni.

'Etsekieri 36:31

'Anake xepaye'erieni ke'axaxemɨteyuriekai meta 'axakexemɨte'u'uwakai, 'ana xepuyutitetewiya ke'axaxemɨte'uyurikɨ meta tita mɨtixani'eriwakɨ yaxete'uyurieka.

'Etsekieri 16:63

Kepauka ne nemareuyehɨwirieni, naime ke'axapemɨtiuyurikɨ, 'ekɨ pepaye'erieni ke'axapemɨtiuyuri peru pepɨ'atitewiya, 'aixɨa pepuyuyurieni tawarita 'axapepɨkatayɨni. Yawé naimekɨmɨyɨwe mɨpaɨ kanaineni”».

Keremiyaxi 24:9

Yanepɨtiyurieni hipatɨ mewaxeiyatɨ memɨmamakakɨ meta mepɨte'uka'eniwani, yunaime nuiwarite memɨtama wahetsie. Meta tsepa hakewa ne nemɨwaretanɨ'axɨani, muwa 'aixɨa mepɨkate hexeiyarieka, mepeyuriyarieka, mepenanaimarieka, 'axamepe'itɨarieka.

Keremiyaxi 12:1

'Ekɨ, Yawé heitseriemekɨ pekatinikuxatani kepauka nemɨniukixie 'ahamatɨa. Matsi hikɨ nepɨmatitaxatɨanikeyuta 'etsiwa tita mɨtiheitserie hepaɨtsita. ¿Titayari 'axamemɨte'u'iyari 'aixɨa mete'itɨarie? ¿Titayari teyukwamanamete kayuwatɨ mete'u'uwa?

Kitsariyaxi 45:16

Yunaitɨ kemɨ'ane kakaɨyarixi memɨwawewie mepɨtewiyatsitɨarieni meta nitixaɨtɨ mepɨkatehayeitɨarieni, nitixaɨtɨ mekatehɨkɨtɨtɨ mepɨyehu.

Kitsariyaxi 11:11

'Iya tukaritsie Yawé tawarita yumamá kaneutatseramɨkɨ yuteɨterimama memuyuhayewatɨwe muwakuxeɨrienikɨ, 'Atsiriyatsie memuyuhayewaxɨ, 'Ekipitu, Paturutsi meta Kutsi, 'Erami, Tsinaxi meta Kamati, meta haramara hatetsitayari 'ametetewatsie.

Nɨawari 119:137

'Ekɨ Yawé, heitseriemekɨ pepɨti'uximaya, meta 'a'aitsikate pɨheitserietɨka.

Nɨawari 51:14

Nekakaɨyari, netsiwikweitsitɨwame, keneneutawikweitsitɨa xuriya nemɨtayeurikɨ, 'ana ne nepɨmetsinɨawani 'aixɨa pemɨtiyurienekɨ.

Nɨawari 51:4

'Ahepaɨtsita 'axanepɨtiuyuri, 'ahepaɨtsita xeikɨa, 'ahɨxie 'axanepɨtiuyuri, 'ayumieme 'ekɨ heitserie pepexeiya, ke'aixɨa pemɨtiyuriene, 'aixɨa pɨ'ane.

Nehemiyaxi 9:33

'Ekɨ heitserie pepɨtiyurienekai tame kemɨtatiuyuri, 'ekɨ yapepɨtikatɨa. Tame 'apɨta 'axatepɨte'uyuri.

'Etsitɨraxi 9:13

»Ketemɨte'anuyekɨ 'axatemɨte'uyurikɨ 'axatemɨte'u'iyarikɨ, mɨpaɨ tepɨtehetima 'ekɨ, takakaɨyari, 'akuxi 'uximatɨarika pepɨkatatsiyetuiriewe yemekɨ mɨtahetsiemieme, matsi pɨta yateyupaɨmetɨ temɨyuhayewakɨ pekataniupitɨani.

Hutarieka 'inɨari 32:4

Mɨkɨ tete kanikɨtɨni, 'uximayatsikaya pɨheitserie, naitɨ huyeya 'aixɨa pɨ'anene. Kakaɨyari yapɨtikamie, 'axapɨkatiyuriene. Mɨkɨ heitserie pexeiya meta 'aixɨa pɨtiuka'iyari.

'Etsitɨraxi 9:15

Yawé, 'Ixaheri Kakaɨyarieya, heitseriemekɨ yapemɨtikamie pepɨhɨkɨ. 'Ekɨ pepɨtatsi'upitɨa hikɨ tame 'akuxi temɨtahayewanikɨ. Tame 'axatepɨte'uyuri, peru hikɨ 'ahɨxie tekaniti'uka, tsepanetɨ mana temɨti'u heitserie tepɨkahexeiya».

Keremiyaxi 23:6

Mɨkɨ tukaritsie Kura kwieyari kanitawikweitsitɨariemɨkɨ, 'ixaheritsixi yu'iyarikɨ mekaniu'uwakuni. 'Ipaɨ pɨtitaterɨwarieni: “Yawé tatsiwikweitsitɨwame pɨhɨkɨ”».

Keremiyaxi 33:16

'Iya tukaritsie Kura kaniwikweitsitɨariekamɨkɨ, meta Kerutsareme 'aixɨa 'iyari kaniuyeikamɨkɨ. Mɨpaɨ katiniuterɨwarɨwamɨkɨ: ‘Yawé tahetsiemieme tita mɨtiheitserie pɨhɨkɨ’ ”.

'Etsekieri 6:12

Kemɨ'ane 'ateewa paitɨ muyeikani kwiniyakɨ kanimɨmɨkɨ, kemɨ'aneta hurawa muyeikani 'ixiparakɨ kanimieriemɨkɨ, meta kemɨ'ane mɨkamierieni haakakɨ kanimɨmɨkɨ. Mɨpaɨ nehaxɨa wahetsie nekatinikawiwimɨkɨ,

Tanieri 9:18

Ketaneu'eni, takakaɨyari, kenanutanieri ketaneuxeiya ketemɨte'uka'unarie meta kiekari keneuxeiya hakewa pemahɨawarɨwa. 'Ikɨ mɨya temɨmatewawirie, 'aixɨa temɨte'u'iyarikɨ hetsie tetewiyatɨ tepɨkahaitɨka matsi kepemɨti'akanenimaya hetsie pɨta tetewiyatɨ.

Keremiyaxi 4:17

Mepaketɨkɨ waritana 'etsiya mɨhɨrieka hepaɨ, netsi'aye'unietɨ matɨakɨ —Yawé mɨpaɨ kanaineni—.

Keremiyaxi 7:19

Yawé mɨpaɨ kanaineni: «Peru ne 'axamepɨkanetsiyurie, yuxaɨta mekaniyuyurieka, mekanitewiyatsitɨariekuni.

Keremiyaxi 32:32

naimekɨ 'axakememɨte'uyuri 'Ixaheri meta Kura teɨteriyari: mɨkɨ, tewa'aitɨwamete, memanuyetei, mawari wewiwamete meta kakaɨyari niukametema, yunaitɨ Kuratsie meta Kerutsaremetsie kiekatari.

'Etsekieri 5:10

Xeme xetsata wapapama yuniwema mewakwa'atɨ mekanitixuawerikuni meta tɨɨri yupapama mepɨwatikwani. Ne nekatiniwakwinitɨamɨkɨ, kemɨ'ane memɨtawikwenita nekaniwataxɨriexɨamɨkɨ nauka 'ekayaritsie.