Tanieri 9:5 - Kakaɨyari Niukieya

⁵ 'Axatepɨte'uyuri kemɨkareuyewetse, meta temɨkaheu'enana tekanihɨkɨtɨni, 'a'aitsikate tepuku'eiri.

Tanieri 9:5 ပူးပေါင်းရင်းမြစ်များ

Marakiyaxi 3:7

Meripaitɨ xe'ukiyarima memu'uwakaitsie paitɨtɨ ne'aitsikate xepuku'eiri meta xepɨka'eye'atɨawawe. 'Ayumieme hikɨ nehetsɨa xekenanuaxɨa, neta xehetsɨa nekaninuamɨkɨ —Yawé Naimekɨmɨtɨrɨkaɨye mɨpaɨ kanaineni—. »Peru xeme mɨpaɨ xeputiyuane: “¿Kehapaɨtɨtɨri titayari tetehanuaxɨani 'ahetsɨa?”

Tanieri 9:11

Yunaitɨ 'ixaheritsixi 'a'aitsika mepuku'eiri, mepɨkayuwaɨri yamemɨtekahuni kepemaine. 'Ayumieme, 'axatemɨte'uyurikɨ 'ahepaɨtsita, tahetsie paye'a kepemutayɨ ketemɨtekwinitɨarienikekai, 'inɨari xapayaritsie kemɨre'uxa meti'uximayatsiriwame Muitsexi kemɨraka'utɨa.

Tanieri 9:15

»”Yawé meta takakaɨyari, 'atɨrɨkariyakɨ 'ateɨterima 'Ekipitutsie pepɨtatsi'ayewitɨ meta peputamariwaxɨ 'ateewa, hikɨ ketemɨteneniere: 'Axatepɨte'uyuri, tita 'axamɨti'anekɨ tepɨhɨpɨne.

Nɨawari 106:6

'Axatepɨte'uyuri, yaxeikɨa tapaapama wahepaɨ, 'axatepɨte'uyuri meta 'axamɨti'ane waɨkawa tepɨte'uyuri.

Hepɨrayutsixi 3:12

Xekeneyukweriwayurieka, xeme ne'iwama, kapa xewitɨ xeme 'iyarieya 'axa'anenikɨ, kapa yuri kati'eriekakɨ 'ihayewamɨtɨ Kakaɨyari mayeniere.

'Utseyaxi 1:2

Kepauka Yawé 'Utseyaxi hamatɨa matɨari mɨtiutaxa, mɨpaɨ katinitahɨawe: «Kenemie xeime 'ukaratsi tuminikɨ muyuwitɨnɨa kenetiwitɨki, hetsiena tɨɨri keniwarayexeiya, mɨkɨ kwieyaritsie mɨpaɨ memɨyɨakɨ yunaitɨ. Yawé me'uku'eirieka hipame kakaɨyarixi pɨta mekaniwarayexeiyakaitɨni».

'Etsekieri 6:9

Memutawikwei mepɨnetsihaye'erieni, tsepa hakewa memehapanie muwa mehe'uwatɨ. Mepɨnetsihaye'erieni ne kenemɨtiukwinixɨ yu'iyaritsie 'axamemɨte'uyurikɨ kememɨteyupataxɨ nehetsɨa, kakaɨyarixi 'axamemu'ɨatɨka kememɨtewarayexeiyakai. Mehaye'erieme mepitixani'erieni ke'axamemɨteyuriekai mewarayexeiyatɨ.

Hiwerika 1:20

»Yawé, keneneuxeiya nepɨtiuka'eniwa. 'Ari nepi'enie nepɨmɨxime. Ne'iyari pɨkayumaiwe, kwinimieme nemɨkaheu'enakaikɨ. Netɨɨriyama mekaniukwi'iwa takwa, 'upaitɨta mɨɨya xeikɨa kanixuaweni.

Keremiyaxi 14:7

Tsepa ke'axatemɨte'uyuri tahetsie mɨrahɨpa, peru 'ekɨ Yawé, 'aixɨa pemɨramamatiwanikɨ yaketineuyuri, waɨkawamekɨ yatepɨkatekahu, 'ahepaɨtsita 'axatepɨte'uyuri.

Nɨawari 18:21

Yawé huyeyatsie xeikɨa nemumiekɨ, hawaikɨ 'axanemɨkareyurienekɨ nekakaɨyari nemɨkaku'eiriwekɨ.

Keremiyaxi 3:25

Tatewiyarikatsie tepahini, tatewinɨarika ketatsi'anukanani. Tame meta tatutsima Yawé takakaɨyari hepaɨtsita 'axatepɨte'uyuri. Tɨɨriyari paitɨtɨ meta hikɨ 'akuxi, yatepɨkatekakɨniwawe Yawé takakaɨyari kemɨtinake».

Kitsariyaxi 59:13

Temɨkaheu'enana tepɨhɨkɨ, Yawé tepɨka'anu'eni. Takakaɨyari tepuwarixiwiyaxɨ. Teɨteri tepuwananaima meta tepɨwakwamana, 'itarikakɨ tepɨtekuxata ta'iyaritsie mayeneikakɨ.

Kitsariyaxi 53:6

Teyunaitɨ tepeuyexɨriekai, muxatsi wahepaɨ, teyuxexuitɨ tepu'uwakai kemɨtatinake, peru Yawé hetsiena pɨtiɨhɨa naime 'axatemɨte'uyurikɨ.

Nɨawari 119:102

'A'ɨkitsika nepɨka'uku'e'eiriwa, 'ekɨ mɨpaɨ pemɨneti'ɨkitɨakɨ.

'Etsitɨraxi 9:6

nenewierikɨ mɨpaɨ nekatinitahɨawe: «Nekakaɨyari, nepuyuxamurie meta nepeunetewiya nemɨmatsi'anutixeiyakɨ, ke'axatemɨte'uyuri mutimɨirixɨkɨ matsi pɨtatsi'anukateukixɨ teyunaime, tahetsie ketemɨte'uhɨpa muyuawitsiepairi kaniye'ani.

Nɨawari 119:176

Muxa meuyewe hepaɨ nekaniuyɨni, kenaye'a ti'a'uximayatsiriwame kenawaumie, 'a'aitsikate nemɨkahatɨmaiyawekɨ.

Keremiyaxi 44:3

'axamemɨte'uyurikɨ mekatenanuyekɨne. Mɨkɨ mekaneniuyehaxɨatɨani hipame kakaɨyarixi memɨwarayexeiyakaikɨ meta 'ɨkwa memuwatairietɨwekaikɨ mekawamateme meta watutsima memɨkawaretima.

Hiwerika 1:18

«Yawé heitserie kanexeiyani, peru ne 'aitsikateyatsie yanepɨkatikatɨa. Xekeneu'enana, xeme hikɨ teɨteri, kenemɨtiuka'eniwa xekeneuyu'ɨwiya. Mekanehapanieni 'ateewa paitɨ nehetsɨa miemete temari meta 'ɨimarixi.

Hiwerika 3:42

'Axatepɨte'uyuri, temɨkaheu'enana tepɨhɨkɨ, 'ekɨta pepɨka'awaɨriya pemɨtareuyehɨwirienikɨ.

Tanieri 9:9

Peru mɨyatɨtɨ tsepa temɨmatsi'uku'eiriekai tematsi'aye'unietɨ temakɨ, 'ekɨ, Tati'aitɨwame, Kakaɨyari pemɨti'akanenimaya meta pemɨtareuyehɨwirieni pekanihɨkɨtɨni.

2 Te'aitamete 18:12

'Ikɨ mɨya katiniuyɨni Yawé yukakaɨyari memɨka'anu'enikɨ, matsi tɨratu kememɨte'uwewiekai mɨpaɨ mepɨkatekakɨ. Mepɨkaheye'atɨa meta mɨpaɨ mepɨkate'uyuri Muitsexi, Yawé ti'uximayatsiriwame, kemɨtiwaruta'aitɨakai.

2 Te'aitamete 21:15

'Ixaheritsixi tita mɨkanetinake memɨte'uyurikɨ, metatsiere kepaukapaitɨtɨ memayekɨ wa'ukiyarima 'Ekipitu kwieyaritsie hikɨ 'akuxi yaxeikɨa mekateniyurieka mekanenihaxɨatɨaka”».

Kitsariyaxi 64:4

Xewitɨ tawarita, meripaitɨtɨ mɨpaɨ pɨkati'enawe, meta xewitɨ mɨpaɨ pɨkatinieriwe, xeime Kakaɨyari 'ahepaɨ tiyurieneme pɨkaxeiyawe kemɨ'ane hetsiena memɨtewiya wahetsiemieme 'aixɨa tiyurieneme.

Keremiyaxi 14:20

Yawé, tame ke'axatemɨte'uyurikɨ tepayukumate, meta tapaapama ke'axamemɨte'uyuri, tame 'axatepɨte'uyuri 'ahepaɨtsita.

Keremiyaxi 30:14

Yunaitɨ memumatsinaki'eriekai mepumatsi'uku'eiri, mepɨkamatsiha'eriwari. Waɨkawa 'axapemɨtiuyurikɨ, meta mɨmɨirekɨ ke'axapemɨtiuyuri, nekamenanayewayani nekamenayemari'itɨwani, xewitɨ mɨrayuye'unie kemɨrayurieni hepaɨ.

'Etsekieri 5:6

Peru mɨkɨ kenemɨti'aitɨakai 'inɨari niukiyaritsie menetsi'aye'unietɨ mekanakɨne, 'axameteyurietɨ nuiwarite watsata meta kiekari 'auriena mamanetɨka kememɨkateyuriekai. Mɨpaɨ mekaniuyɨni, ne'aitsika mekaniuku'eirieni yuheyemekɨ meta ne'inɨari niukiyari.