Tanieri 9:3 - Kakaɨyari Niukieya

³ Hikɨ 'ana nekaniuyutinenewietɨyani meta Yawé nekakaɨyari yanekatinahɨawekaitɨni. Neyunenewietɨ 'akuxita nekaniyuhakieni meta hiwerika kamixayari nekananakatɨni, meta naxipa nekaniutayerɨni.

Tanieri 9:3 ပူးပေါင်းရင်းမြစ်များ

Keremiyaxi 33:3

“Keneneutahɨawi, ne nekamanita'eiyamɨkɨ, pekatinetimaimɨkɨ tita mɨtimamariwawe meta mɨti'awietsie 'ekɨ 'akuxi pemɨkatimate”.

'Etsitexi 4:16

«Kenemieka mɨpaɨ ketineyuri keniwarekuxeɨri yunaime huriyutsixi Tsutsa kiekatari, para memeyuhakienikɨ nehetsiemieme. Haika tukari xepɨkatehekwaka xepɨkahehareka tukarikɨ meta tɨkarikɨ. Neta nepɨnehakieni neparewiwamete teyunaitɨ xehepaɨ. Kepauka nemɨraye'atɨani, ti'aitame hɨxie nepɨtakeni, tsepa 'inɨari mɨkahaine hepaɨ. Xɨka ne'umierieni, tsepa neketiumierie».

'Etsitɨraxi 9:5

Kepauka mawari taikai mieme maye'a 'anake nekaniunenɨtɨani, nekamixa meta 'ixuriki meukatsatsani ne'anakatɨtɨ, nekaniukatunumakeni, teikɨ nekanemeni Yawé nekakaɨyari hetsɨa,

'Etsitɨraxi 10:6

'Anaketa 'Etsitɨraxi Kakaɨyari tukita kanewayeyani, kaneyani Kuhanahani kiita 'Eriyatsiwi nu'aya hetsɨa. Mana paa kakwatɨ haa kaharetɨ kaniyuhayewa, waɨkawamekɨ munutuixiekaikɨ memu'axɨakai hutarieka 'axamemɨte'uyuriekaikɨ.

'Etsitɨraxi 8:21

Hikɨ, haa 'Ahawa manuyeka heutahurakakɨ tetitetɨ, neniwaruta'aitɨani temɨtahakienikɨ takakaɨyari hɨxie tixaɨtɨ temɨkatehayuyeitɨanikɨ, meta temitawawirienikɨ huyeta tahamatɨa mɨyemiekɨ, tame, taniwema, yaxeikɨata tapiinite ti'ɨwiyatɨ.

Nɨ'ariekate 10:30

Kuxineriyu mɨpaɨ katinitahɨawe: —Ranuka'atu nepɨnehakiekai 'epauka. Tau kɨa kakaiku ne ninenenewiekaitɨni nekiita. Yapauka xewitɨ nehɨxie putake 'ixuriki merɨkaɨyeme 'anakatɨtɨ

Rukaxi 2:37

'umɨku yuxaɨta 'eniukateitɨni. Tuki kuraruyarita pɨkawayeyeikakai matsi yuhakietɨ yunenewietɨ pɨ'ayumiemetɨkai tukarikɨ tɨkarikɨ.

Kuheri 2:12

Yawé mɨpaɨ kanaineni: «Merikɨ, yunaitɨ yu'iyarikɨ nehetsɨa xekeneu'axɨa, xe'utitsuatɨ, xeyuheiwerietɨ xekatekwatɨ».

Kuheri 1:13

Xeme mawari wewiwamete, heiwerika kamixayari xekenanakatɨkɨni xe'utitsuatɨ. Xekeneyuheiwerieka, mawari taiyame te'uximayatamete. 'Ena xekenakɨni, xeme Kakaɨyari hetsɨa te'uximayatamete, tɨkarikɨ hiwerika kamixayari xekenanakatɨkɨni, hatsite mawariyari meta kaxie winuyari mɨka'atɨariwanikɨ Kakaɨyari kiitana mɨtiuta'imaritɨxɨkɨ.

'Etsekieri 36:37

»Yawé naimekɨmɨyɨwe mɨpaɨ kanaineni: Meta nepɨnewaɨriya teɨteri 'ixaheritsixi memɨnetsitawawirienikɨ memuyutimɨirekɨ, muxatsi wahepaɨ memuyutipaɨmerekɨ.

Nɨawari 35:13

metsɨ kepauka mɨkɨ memɨtekukuyeni ne hiwerika kamixayari nepanakatɨkɨkai, nenutuixietɨ nepayeikakai nepɨnetihakiwakai. Ne matsi nepɨnenenewiekai ne pɨta nemɨtikuyenikɨ.

Tanieri 6:10

Kepauka Tanieri 'aitsika hepaɨtsita mɨretima, yukie kaneyani meta muyehuputsie kaneutiyune, wapaitɨ Kerutsareme hepatsie katineuyepierikekaitɨni. Muwa 'utitunumakeka kaniuyutanenewieni meta yukakaɨyari hepaɨtsita 'aixɨa kanainekaitɨni, mɨkɨ haikakɨa tukarikɨ kaniyutinenewiwakaitɨni mɨpaɨ katini'iyamakaitɨni.

Nehemiyaxi 9:1

Xeitewiyari heimana nauka tukariyaritsie mɨkɨ metseriyaritsie mekaniuyukuxeɨrieni 'ixaheritsixi meyuhakienike, hiwerika kamixayari mekananakatɨxɨani meta naxi yumu'utsie meneutiwiwiexɨani.

Kitsariyaxi 22:12

'Iya tukaritsie Ti'aitame, Yawé Naimekɨmɨtɨrɨkaɨye, pɨxe'utahɨawixɨ xemutitsuananikɨ xeyuhiwerietɨ, yumu'utsie xemuyukaxinikɨ meta xemuyutihiwerienikɨ.

Tanieri 9:4

'Ikɨ nenewieri kanihɨkɨtɨni meta kenemɨtiyutahekɨataxɨ: »“Yawé, Kakaɨyari pemɨmariwe meta meuyewetse pemɨmakaxiwani, 'atɨratu hepaɨtsita 'aixɨa pepɨtiuka'iyari pemeye'atɨwa memɨmatsinaki'erie meta kepemɨti'aita yamemɨtekahu wahetsie:

Tanieri 9:20

»Ne nepiyeweiyakai netikuxatatɨ meta neyunenewietɨ Yawé nekakaɨyari hamatɨa. Hɨxiena nepunetahekɨataxɨ ke'axanemɨtiuyuri meta 'ixaheritsixi ke'axamemɨte'uyuri, meta waɨkawa nepitawawiri hɨri mɨpatsie hetsɨana mɨmieme hetsiemieme.

Kunatsi 3:5

Hikɨ Niniwe kiekatari yuri mekatenita'eririeni Kakaɨyari, mɨkɨ mekateniyukaxatɨani memɨyuhakienikɨ, 'ukirawetsixi meta tɨɨri, hiwerika kamixayari mekananakatɨxɨani mɨpaɨ memɨtematsiɨkɨnikɨ kename mete'uhayewaxɨ 'axameteyurietɨ.

2 Tsamuheri 12:16

Rawiri Kakaɨyari kaniwawiriekaitɨni hetsienamieme yuhakietɨ, tɨkarikɨ kwiepa 'ukaitɨ tihɨximawetɨ kaniukatariyarɨwakaitɨni.

Kuwi 42:6

'Ayumieme, kenemutayɨ tawari mɨpaɨ nepɨkatayɨni, kenetineuyehɨwiri 'ena ne'ukaitɨ nepaine tumuanaritsata meta naxitsata».

Mateu 17:21

Peru yunenewietɨ yuhakietɨ xeikɨa kaniyɨweni meyenɨ'anikɨ mɨpaɨ mɨ'ane.