Tanieri 9:25 - Kakaɨyari Niukieya

²⁵ »”'Aixɨa ketineu'ena kenemetitahɨawe: 'Atahuta tsemanayari kananukayeimɨkɨ tsutɨtɨ kepauka 'aitsika mutawewiya maine Kerutsareme ke'anukuketɨarieni 'atsita 'uti'atɨ munuanitsie ti'aitame manayexeiyarie. Mɨkɨ tukari 'anukayayu tawari kanahuni haika tewiyari heimana huta tsemanayari. Hikɨ 'ana Kerutsareme kananukuketɨariemɨkɨ, kayeyari meta kuraruyari 'amatayewa. Tukari waɨkawa kwaniwetɨ kanayeimɨkɨ,

Tanieri 9:25 ပူးပေါင်းရင်းမြစ်များ

'Etsitɨraxi 4:24

Mɨpaɨ 'ayumieme 'uximayatsika mekaniuhayewa Kakaɨyari tukieya mewewietɨwetɨ Kerutsareme kiekariyaritsie, kepaukake Rariyu mɨti'aitakai hutarieka wiyari.

Wani 4:25

'Ukaratsi mɨpaɨ katinitahɨawe: —Ne nekatinimaika kename 'uhamie Metsiyaxi, Kɨritsitu mɨtitewa. Kepauka mɨkɨ munuani, naime katatinitahekɨatɨamɨkɨ.

Wani 1:41

'Atɨrexi yu'iwa Tsimuni kanetaxeiya meri, mɨpaɨ katinitahɨawe: —Tekaneitaxeiya Metsiyaxi (taniukikɨ Kɨritsitu heitserie mupitɨarie maine).

Kitsariyaxi 55:4

Ne nepenukake teɨteri wahetsiemieme munierixɨ mɨhɨkɨtɨnikɨ, wa'ukiyari mɨmariwe hepaɨ.

Kitsariyaxi 9:6

Matsi nunutsi tahetsɨa mutinuiwaxɨkɨ, 'uki xeime tekaniutuitɨarieni, tɨrɨkariya naiparieyatsie kanika'uxipimɨkɨ, meta 'ipaɨ katiniterɨwariemɨkɨ: 'Ɨxatsitame, mɨmariwe, Kakaɨyari mɨtɨrɨkaɨye, Yuheyemekɨ mɨtapaapa, Ti'aitame kayuwatɨ tiyupitɨwame.

Mikeyaxi 5:2

Matsi 'ekɨ, Wereni 'Epɨrata, kiekari 'etsipemɨyewa Kura nuiwarimama watsata, 'ahetsie pɨyeyani 'Ixaheritsie mɨtita'aita, tsutɨa paitɨ kiekatari puwanuiwari, watukari mɨka'inɨari.

Tanieri 9:23

Kwitɨwa kepauka pemitsutɨa peyunenewietɨ, Kakaɨyari 'anenewieri kananu'enieni. Nemetitaxatɨanike nepeyetɨa 'ekɨ Kakaɨyari waɨkawa pɨmetsinaki'erie. Keneneu'eni kenemɨmetitahɨawe, ketɨtɨpemɨtiunierixɨ yapemɨretimanikɨ.

Tanieri 8:25

'Itarikakɨ ti'ɨkitame kanayeimɨkɨ, mariweme kaniyu'eriekamɨkɨ. Yumɨireme teɨteri kaniwaka'unamɨkɨ 'atsimekate'anuyekɨneke memɨyu'eriekai meta te'aitamete Tiwa'aitɨwame kanitamiemɨkɨ, peru kanika'unariemɨkɨ tewi tɨrɨkariyayakɨ pɨkatixaɨ.

Nehemiyaxi 6:15

Kuraru 'amatayewa niɨnɨre 'eruri metseriyaritsie xeitewiyari heimana 'auxɨwi tukariyaritsie. 'Aixɨa me'iyurietɨwetɨ mekaniuyurieni huta tewiyari heimana tamamata heimana huta tukari.

Nehemiyaxi 4:8

hikɨ mekateniutixata Kerutsareme memɨtamienikɨ waɨkawa memɨwa'uximatɨanikɨ.

Nehemiyaxi 3:1

Hikɨ 'Eriyatsiwi mawari wewiwamete tiwa'aitɨwame meta 'iwamama mawari wewiwamete yunaitɨ meteniuta'uximayata kitenie 'aixɨa mekaniuyurieni Muxatsi Memanutahake mɨtitewa. 'Aixɨa mekaniyurieni kemɨrekuwewiyakai, 'itupariyari mekaneuwɨtɨaxɨani, yaxeikɨata kuraru 'aixɨa mekaniuyurieni Xeitsienituyari Tuxiyuyari mɨtitewa manuwe me'itsutɨaka Tuxiyu Kananeri mɨtitewa manuwe ye'akame.

Matsiɨkɨtɨ kemɨratɨa 19:16

Kamixayatsie meta teurieyatsie mɨpaɨ pɨre'ukai kemɨtitewa: Ti'aitame, te'aitamete tiwa'aitɨwame, meta Kutsiyari wakutsiyari.

Matsiɨkɨtɨ kemɨratɨa 1:5

meta Ketsutsi Kɨritsitu hepaɨtsita kemɨ'ane yatikamietɨ muyuhekɨatakai, kemɨ'ane mɨkite memanuku'uni wamexɨakame mɨhɨkɨ, kemɨ'ane kwiepa te'aitamete mɨtiwa'aitɨa. Mɨkɨ mɨtatsinaki'erie kanihɨkɨtɨni, meta yuxuriyakɨ mɨtatsi'utixɨnaxɨ 'axatemɨte'uyurikɨ,

Nɨ'ariekate 5:31

Kakaɨyari yɨtɨrɨkariyakɨ kanenutiwitɨni yutserieta kaneyeni Ti'aitame meta Tiyuwikweitsitɨwame, mɨxepitɨanikɨ 'ixaheritsixi xemɨtehayewanikɨ kexemɨteyurie, xemɨteheuyehɨwiyarienikɨ.

Nɨ'ariekate 3:15

Tukari tiyupitɨwame xepumi, matsi Kakaɨyari kanenukuketɨani mɨkite watsata, mɨkɨkɨ tame temunenierixɨ tepɨhɨkɨ.

Marikuxi 13:14

»Kepauka xemixeiya “'axamɨti'ane mɨkatipatsie mawariyari” hakewa 'aixɨa mɨkahe'ane mewewiyaka (titerɨwame ketimaiweni tita mɨtixata), 'ana hɨritsie mekeyuta'una mɨkɨ Kureya kwieyaritsie memu'uwani.

Mateu 24:15

»Hikɨ kepauka xemixeiya muyepatsietsie “'axamɨti'ane mɨkatipatsie mawariyari”, Kakaɨyari niukameya Tanieri kemutayɨ (titerɨwame ketimaiweni tita mɨtixata),

Tanieri 8:11

matsi waɨkawa mariweme kaniyu'eriekaitɨni keyuri kuyaxi muyuawitsie miemete tiwa'aitɨwame. Mɨkɨ tiuyurieku mawari xexuime tukaritsie mieme kaneutipare meta tuki ka'itiyatɨ kanayani.

Nɨawari 71:10

Metsɨ memɨnetsi'aye'unie nehepaɨtsita mieme mekatenikuxatani, kemɨ'ane memɨnetsihupie mekanenikuxatani.

'Etsitɨraxi 7:8

'Etsitɨraxi kaninuani Kerutsareme 'auxɨwirieka metseriyaritsie 'atahuta wiyari 'Aritakexiketsi ti'aitakaku.

'Etsitɨraxi 7:1

Merikɨtsɨ 'Aritakexiketsi ti'aitametɨkaku Peritsiya kwieyaritsie, mana xewitɨ tewi kaniuyeikakaitɨni 'Etsitɨraxi titewatɨ, Tserahiyaxi nu'aya, 'Atsariyaxi nu'aya, Kirikiyaxi nu'aya,

2 Tsamuheri 15:25

'Arike ti'aitame mawari wewiwame Tsaruki mɨpaɨ katiniutahɨawe: —Keneukunuitɨa kakuni Kakaɨyari hetsɨa mieme kiekaritsie. Xɨka Yawé ne netsiparewieka, mɨkɨ yapɨtiyurieni ne nemunuanikɨ tawarita nemixeiyakɨ kakuni meta hakewa meka hikɨ.

'Epetsutari 5:16

xekeneyukumexuitɨaka 'aixɨa xemɨteyurienikɨ, mexi tukari xepitɨarie hipatɨ tukari 'axamɨ'anenekɨ.

Nɨ'ariekate 8:30

Peripe 'unautsarɨmetɨ, kani'enieni tixaxatame Kitsariyaxi xapaya terɨwakame. Mɨpaɨ katinita'iwawiya: —¿Pereiti'enietɨyeika 'aku tita pemɨtiterɨwa?

Mateu 13:23

Peru kwie 'aixɨa mɨraku'anetsie muka'iwiya, mɨkɨ kanihɨkɨtɨni kemɨ'ane niuki mu'eni meta meitima. Mɨkɨ niutixuxuawereni hipatɨ xeitsienituyari pakɨ, hipatɨta haika tewiyari pakɨ, meta hipatɨ xeitewiyari heimana tamamata pakɨ».

Nehemiyaxi 4:2

Yu'iwama meta kuyaxi Tsamariya kiekatari wahɨxie mɨpaɨ kaniutayɨni: ―¿Kemeteyurie kuta 'ikɨ huriyutsixi haweri memɨ'anene? ¿Mɨpaɨ meteyumatekuta kename mepitɨarieni 'aixɨa memiyurienikɨ, tawarita memitsutɨanikɨ metemawatɨwetɨ? ¿Xeitukari kuta me'inɨnike meteyu'erie? ¿Mɨkɨ kuta tetexi mɨtata'ikɨ meta kii 'unimeyarikɨ tihekwame metetawewienike meteyu'erie?

Ti'ɨkitame 3:3

kepauka mɨtiuyumieni, kepaukata muwaranayexɨrɨwani, kepauka mɨtiuka'unakɨ, kepaukata menukuketɨanikɨ,

Mikeyaxi 5:1

Neniwe 'uka yumemiwame, 'akuyaxima keniwarukuxeɨri, takuraruri kananutinamieka. 'Iwaɨyɨkɨ yu'auritapa peutiweiyani 'Ixaheri kwieyaritsie ti'aitame.