Tanieri 9:17 - Kakaɨyari Niukieya

¹⁷ »”Hikɨta, Kakaɨyari meta Tati'aitɨwame, ne ti'a'uximayatsiriwame nenenewieri keneu'eni meta waɨkawamekɨ kenemɨmetiwawirie. 'Aixɨa petikɨhɨawarɨwame kenayuyeitɨa meta 'atuki keneuxeiya pe'inaki'erietɨ, muka'unarie.

Tanieri 9:17 ပူးပေါင်းရင်းမြစ်များ

Nɨawari 80:19

Yawé Kakaɨyari Naimekɨmɨtɨrɨkaɨye, 'aixɨa ketaneuyuri, 'aixɨa ketatineuxeiya, ketaneutawikweitsitɨa.

Hiwerika 5:18

Karikɨ Tsiyuni hɨriyaritsie kanakukiɨriyaka, mana xeikɨa yeutari mekaniu'uwani.

2 Kurinitutari 1:20

Naime kemutayɨ Kakaɨyari kename yatiyurieni, mɨkɨta niuki pɨkahuta, pɨyuxewi Kɨritsitu meye'atɨakɨ. 'Ayumieme kepauka 'aixɨa temutiyuane Kakaɨyari hepaɨtsita, tepɨyɨwawe mɨpaɨ temutiyuanenikɨ, «mɨpaɨ kani'aneni», te'utiyuatɨ, Kɨritsitu mɨpaɨ mɨtiuyurikɨ.

Nɨawari 80:7

Kakaɨyari Naimekɨmɨtɨrɨkaɨye 'aixɨa ketaneuyuri, 'aixɨa ketatineuxeiya, ketaneutawikweitsitɨa.

Nɨawari 80:3

Xɨa'ui, Kakaɨyari, 'aixɨa ketaneuyuri, 'aixɨa ketatineuxeiya, ketaneutawikweitsitɨa.

Matsiɨkɨtɨ kemɨratɨa 21:23

Kiekari tau meta metseri mɨhekɨariwiekakɨ pɨkaheiyehɨwa, Kakaɨyari yuxawatɨrɨyakɨ pɨwahekɨariwiya, meta Muxa wahekɨariwiwame kanihɨkɨtɨni.

Wani 16:24

Hikɨke tixaɨtɨ xepɨkate'itawawiriewawe nehetsɨa xemiemetetɨtɨ. Xekeneutawawiriri, xekanitanaki'erikuni xetemawierika maye'anikɨ.

Tanieri 9:19

Yawé, ketaneu'eni. Yawé, ketatineuyehɨwiri. Yawé, ketananu'eni meta yaketineuyuri. Nekakaɨyari, 'aixɨa pemɨtikuxaxatsiwanikɨ yaketineuyuri meta 'apepɨkareutewini tawarita matsi, pekanahɨawarɨwani 'akiekari meta 'ateɨterima wahetsiemieme”.

Nɨawari 119:135

Nehetsie pematsiɨkɨtɨ kene'ayeitɨa ke'aixɨa pemɨtiuka'iyari, 'a'aitsika keneneuti'ɨkitɨa.

Nɨawari 80:1

'Ixaheri hɨweme, 'ekɨ kutse pemuwitɨxime muxatsi wahepaɨ, 'ekɨ metsiteɨtamete watsata pe'atikaitɨ, ketaneu'eni. Keneuxawatɨxɨa

Nɨawari 67:1

Kakaɨyari ketatsinenimayaka meta 'aixɨa ketatsiyurieka. Kakaɨyari tahetsie matsiɨkɨme ke'ayuyeitɨaka,

Nɨawari 4:6

Yuwaɨkawatɨ mɨpaɨ mekaniutiyuaneni: «¿Kemɨ'ane 'aixɨa mɨti'ane pɨtatiuxeitsitɨawe?» Yawé, pe'atemawietɨ ketaneuxeiya matsiɨkɨme kene'ayeitɨa tahetsie.

Nehemiyaxi 1:6

nepɨmatsiwawirie waɨkawa keneneu'eni, kwi keneuxeiya ti'a'uximayatsiriwame 'ahetsɨa mieme, tukarikɨ tɨkarikɨ muyunenewie 'ixaheritsixi 'ateɨterima wahetsiemieme. Nepɨtihekɨata 'ixaheritsixi meta ne netɨɨriyama wahetsiemieme, 'axatemɨte'uyurikɨ 'ahepaɨtsita.

Kitsariyaxi 48:11

Nehetsiemieme nekameniuyurieni. Yanepɨkatinaki'erie nekapatsiekame xemɨnetsi'ayeitɨwanikɨ kenemɨtitewakɨ. Tawarita xeime nepɨkapitɨani witsikenemɨ'anekɨ.

1 Te'aitamete 8:28

Peru, Yawé nekakaɨyari, nenenewieri keneu'eni meta waɨkawa kenemɨmatiwawirie ne matsiparewiwame. Keneu'eni nehiwari meta nenenewieri hikɨ nemiyetua 'ahɨxie.

Nɨawari 67:2

'ena kwiepa huyeya mɨxeiyariekakɨ, meta yunaitɨ nuiwarite meke'imaika wikweitsitɨarikaya.

Nɨawari 74:3

Kenaye'a yuheyemekɨ mɨti'u'uni hepa, tuki naime kaniuka'una mɨtatsi'aye'unie.

Nɨawari 80:4

¿Kepaukake tamɨ pepɨtihayewa peha'atɨ Yawé Kakaɨyari Naimekɨmɨtɨrɨkaɨye, 'ateɨterima wanenewieri hepaɨtsita?

Hiwerika 3:56

'ekɨta pepɨnetsi'u'eni kenemɨmatiwawiriekai yemekɨ, hawaikɨ pepɨkaheikanaxɨa 'a'enakareme ne kenemutainekai karima.