Tanieri 9:14 - Kakaɨyari Niukieya

¹⁴ »”'Ekɨ, Yawé meta takakaɨyari, 'ikɨ 'uximatɨarika pepukuha'aritaxɨ meta pepipitɨa tahetsie mɨkawenikɨ, 'ekɨ kemɨtiheitserie yapepɨtiyuriene naimetsie kepemɨtiyuriene. Peru mɨyatɨtɨ, yatepɨkatekakɨniwawe kemɨmetinake.

Tanieri 9:14 ပူးပေါင်းရင်းမြစ်များ

Tanieri 9:7

»”'Ekɨ Yawé, heitseriemekɨ yapepɨtikamie. Tame matsi, tewiyarika xeikɨa tepexeiya 'ikɨ tukaritsie, tame Kura kiekatari, Kerutsareme kiekatari meta naitsarie 'Ixaheri kwieyaritsie kiekatari, 'ahurawa temu'uwa meta 'ateewa temu'uwa, naitsarie hipame kwieyaritsie hakewa pemɨtatsihetaxɨriexɨa temɨmatsi'uku'eirikɨ.

Nehemiyaxi 9:33

'Ekɨ heitserie pepɨtiyurienekai tame kemɨtatiuyuri, 'ekɨ yapepɨtikatɨa. Tame 'apɨta 'axatepɨte'uyuri.

Keremiyaxi 44:27

Netsɨ nekaniwata'ɨwiyamɨkɨ 'axanemɨwayurienikɨ xeikɨa, hawaikɨ 'aixɨa nemɨwayurienikɨ. Haakaxakɨ meta kuyaxakɨ yunaitɨ Kura kiekatari 'Ekipitu memɨtama mekanitayunikuni.

Nɨawari 51:14

Nekakaɨyari, netsiwikweitsitɨwame, keneneutawikweitsitɨa xuriya nemɨtayeurikɨ, 'ana ne nepɨmetsinɨawani 'aixɨa pemɨtiyurienekɨ.

Keremiyaxi 31:28

Mɨpaɨ kenemɨtiwata'ɨwiya nemɨwaka'unakɨ meta kenemɨtiwarakumaweriya, 'uximatɨarika newapitɨatɨ, yaxeikɨata nemɨwaranuku'uitɨanikɨ meta nemuwaranukayatsakɨ nepɨyɨwe —Yawé mɨpaɨ kanaineni—.

2 Kemɨtiuyɨ 12:6

'Ixaheritsixi wa'ukiyarima meta ti'aitame yunaitɨ tixaɨtɨ mekatehayuyeitɨaka, mɨpaɨ mekaniutiyuani: —Yawé heitseriemekɨ yamɨtikamie pɨhɨkɨ.

Nɨawari 116:5

Yawé pɨtiyukanenimaya heitserie pɨtiyuriene, takakaɨyari naimekɨ witsipɨtiuka'iyari.

Nɨawari 119:137

'Ekɨ Yawé, heitseriemekɨ pepɨti'uximaya, meta 'a'aitsikate pɨheitserietɨka.

Memeyekɨ 9:27

Merikɨtsɨ Parahuni katiniwarutanɨ'airieni, Muitsexi 'Aruni mame mɨpaɨ katiniwarutahɨawe: —Ne hikɨ nepɨretima 'axakenemɨtiyuriene. Yawé 'aixɨa pɨtatsiyuriene, tame pɨta 'axatepɨteyurie neteɨterima teyunaitɨ.

'Etsitɨraxi 9:15

Yawé, 'Ixaheri Kakaɨyarieya, heitseriemekɨ yapemɨtikamie pepɨhɨkɨ. 'Ekɨ pepɨtatsi'upitɨa hikɨ tame 'akuxi temɨtahayewanikɨ. Tame 'axatepɨte'uyuri, peru hikɨ 'ahɨxie tekaniti'uka, tsepanetɨ mana temɨti'u heitserie tepɨkahexeiya».

Nɨawari 111:7

'Uximayatsikateya 'aixɨa pɨ'anene, kemɨtiheitserie pɨtiyuriene, naitɨ 'aitsikaya yuri putiyuane, 'aixɨa pɨ'ane hetsiena temɨtewiyanikɨ,

Keremiyaxi 4:17

Mepaketɨkɨ waritana 'etsiya mɨhɨrieka hepaɨ, netsi'aye'unietɨ matɨakɨ —Yawé mɨpaɨ kanaineni—.

Keremiyaxi 12:1

'Ekɨ, Yawé heitseriemekɨ pekatinikuxatani kepauka nemɨniukixie 'ahamatɨa. Matsi hikɨ nepɨmatitaxatɨanikeyuta 'etsiwa tita mɨtiheitserie hepaɨtsita. ¿Titayari 'axamemɨte'u'iyari 'aixɨa mete'itɨarie? ¿Titayari teyukwamanamete kayuwatɨ mete'u'uwa?

Hiwerika 1:5

Memɨwaraye'uniekai metewa'aitɨatɨ mekanakɨne, kayuwatɨ mekaniu'uwani memɨwaraye'unie. Yawé kaniwaru'uximatɨani, waɨkawa 'axamemɨte'uyurikɨ. Waniwema mekanewitɨkieni 'ateewa paitɨ, memɨwaraye'unie hau'erietɨ mekaniwaruhapaximekaitɨni.

'Etsekieri 16:43

Ne 'ahetsie nekatinahɨaka kepemɨtiyurienekɨ pemɨnunutsitɨkaitsie pemɨkahaye'erikɨ, mɨya petiyurienetɨ pepɨnetsi'uyehaxɨatɨa, tawari matsi 'akuxi kwinimieme 'axapetiuyurieku. Yawé mɨpaɨ kanaineni.

Tanieri 4:34

Mɨkɨ wiyari 'anuyekɨneku ne, Nawukurunutsuxi, neheima muyuawitsie nepenierixɨ, 'ana tewi hepaɨ netinekɨhɨawetɨ nepatɨa. Hikɨ 'ana Kakaɨyari 'Amutewi neputanɨawaxɨ, neputihɨximake meta 'aixɨa neputayɨ yuheyemekɨ 'amuyeika hepaɨtsita: Tɨrɨkariyaya pɨkaheu'axe, pɨti'aita yuheyemekɨ.