Tanieri 9:13 - Kakaɨyari Niukieya

¹³ »”Yawé meta Kakaɨyari, naitɨ 'ikɨ 'uximatɨarika tahetsie kaninuani, Muitsexi xapayatsie 'inɨari niukiyaritsie kemɨre'uxa, mɨyatɨtɨ 'akuxi tepɨkatekuwautɨwe pemɨtatsitinenimayatakɨ. Tita'axamɨti'ane tepɨkateku'eiriwawe meta tepɨkayumexɨitɨa 'aniuki yuri maine temɨ'enienikɨ.

Tanieri 9:13 ပူးပေါင်းရင်းမြစ်များ

Tanieri 9:11

Yunaitɨ 'ixaheritsixi 'a'aitsika mepuku'eiri, mepɨkayuwaɨri yamemɨtekahuni kepemaine. 'Ayumieme, 'axatemɨte'uyurikɨ 'ahepaɨtsita, tahetsie paye'a kepemutayɨ ketemɨtekwinitɨarienikekai, 'inɨari xapayaritsie kemɨre'uxa meti'uximayatsiriwame Muitsexi kemɨraka'utɨa.

Keremiyaxi 2:30

»Yakɨ xeikɨa nepɨtiwakwinitɨa neteɨterima, kenemɨtiwaheitseritɨa mepɨka'eniku. Maye mɨkatiuyukamariya hepaɨ, xe'ixipara puwarutikwai Kakaɨyari niukametemama xehetsɨa miemete.

Kitsariyaxi 9:13

Peru teɨteri mɨpaɨ mepɨkatehetimaiwawe kemɨ'ane mɨyɨane mɨtiwakwinitɨa, Yawé Naimekɨmɨtɨrɨkaɨye mepɨkatiwauwawe.

'Utseyaxi 7:10

Mariwemekɨ 'Ixaheri pɨtihekɨata yuhepaɨtsita, peru mɨkɨ Yawé yukakaɨyari hetsɨa pɨkanuawe. Mɨyaranuyemietɨ, pɨka'ikuwaune tɨma.

Keremiyaxi 31:18

»Nekani'enieniri 'Epɨrahini kiekatari wahiwerika: “Tepɨtekwinitɨarie tuuru mɨkamaxiu hepaɨ, hikɨ yatepɨteha'eriwa pemɨtatsitimaxiutakɨ. Ketane'atɨa, 'aixɨa ketaneuyuri, 'ekɨtsɨ, takakaɨyari, Yawé pekanihɨkɨtɨni.

Keremiyaxi 5:3

Yawé, 'ekɨ pepɨtikuwaune 'ateɨterima yamemɨtekahunikɨ. Pepɨtiwarukwinitɨa mɨkɨ teɨteri, matsi pɨkawarekwinixɨ, pepɨwarutayuniyaxɨ, matsi mepɨka'uyuwaɨri 'aixɨa memuyuyurienikɨ. Yunierika meputseiriyaxɨ 'ai hepaɨ, mepɨka'uyuwaɨri memɨtehayewakɨ.

Nɨawari 119:27

Keneneupitɨa 'a'aitsika hepaɨtsita nemɨtimaikakɨ, mariwemekɨ kepemɨtiuyuri nemuku'eriwanikɨ.

Kuwi 36:13

»Kakaɨyari memɨka'ayexeiya yu'iyaritsie haxɨa mepu'uta, parewiya mepɨkaha'iwawa tsepa Kakaɨyari mɨtiwaruka'enitsitɨwa.

Tsatiyaku 1:5

Mexɨka xeme xewitɨ mɨtimaiwenikɨ reiyehɨaka, Kakaɨyari ke'utawawirieni, mɨkɨ katinayetuiriemɨkɨ, matsi Kakaɨyari yunaime katiniwamikwani 'aixɨa 'anekamekɨ nixeime tɨma 'axakatixeiyatɨ.

'Epetsutari 4:21

Xɨari hepaɨtsitana xepɨ'enana, hetsiena xetewiyatɨ xepɨte'uta'ɨkitɨarie tita yuri mɨraine, Ketsutsi hetsie kemɨtimatsiɨkɨ.

Wani 10:35

Xɨkari memɨmamariwawe tiwaruterɨwa mɨkɨ wahetsɨa munua Kakaɨyari niukieya, mɨkɨ 'utɨarika xɨka kayɨweni mayeyeitɨarienikɨ,

Wani 8:32

Tita yuri mɨraine xekanetimaikuni. Mɨkɨ yuri maine kanixetixɨnamɨkɨ.

Wani 6:45

Kakaɨyari niukametema waxapatsie mɨpaɨ katine'uka: “Kakaɨyari katiniwa'ɨkitɨaka yunaime”. Yunaitɨ memɨ'enana ne'ukiyari kemaine, memɨteyɨ'ɨkitɨa, mɨkɨ nehetsɨa mekaniye'axɨakuni.

Rukaxi 24:45

'Ana wa'iyari kaniwatiyepieni memeitimanikɨ tita 'utɨarika xapayari mɨtixatakai.

'Utseyaxi 7:14

Yu'iyarikɨ mepɨkanetsihahɨawe, yu'utatsie xeikɨa mekaheitɨ meputitsuana. Yu'iku mekuwaunike meta yuwinu 'axa'anekɨa mekanekɨkani nehepaɨtsita meheuniutɨ menakɨkani.

'Utseyaxi 7:7

Yunaitɨ mɨkɨ huxunu mɨtixɨka hepaɨ mepɨtexɨxɨka, wahetsɨa memɨte'aita mepɨwatakukuya. Yunaime te'aitamete mepɨwaranakaxɨrɨwa, peru xewitɨ mɨkɨ pɨkanetsikuwaune nemiparewienikɨ.

Hiwerika 5:21

Yawé, 'ekɨ ketaneupitɨa 'ahetsɨa temɨ'axɨanikɨ, hikɨ 'ana tame ta'aurie tepaxɨrieni. Meripaitɨ ke'aixɨa temɨ'anekai mɨpaɨ ketatineupitɨa.

Keremiyaxi 44:27

Netsɨ nekaniwata'ɨwiyamɨkɨ 'axanemɨwayurienikɨ xeikɨa, hawaikɨ 'aixɨa nemɨwayurienikɨ. Haakaxakɨ meta kuyaxakɨ yunaitɨ Kura kiekatari 'Ekipitu memɨtama mekanitayunikuni.

Kitsariyaxi 64:7

Nixewitɨ pɨkamatsihahɨawe, nixewitɨ pɨkayɨtɨrɨkariya 'ahetsie mɨtiwiyanikɨ. Metsɨ pekataniwarixiwiyani pekataniyetuani pɨta 'axamɨti'ane mɨtatsikuyuitɨanikɨ.

Kitsariyaxi 42:9

Meripaitɨtimieme pɨraye'atɨarieri, hikɨta hekwame nepɨtikuxata, mɨpaɨ katiyɨwekaku 'akuxi nepɨtikuxata».

Nɨawari 119:73

'Atɨrɨkariyakɨ pepɨnetsi'utawewi, kenemɨ'aneni yapepɨnetiuwewi. Nemeitimaitɨyeikanikɨ keneneupitɨa 'a'aitsika nemɨmaikakɨ.

Nɨawari 119:18

Neheuniereme kenenayeitɨa, nemixeiyakɨ 'a'ɨkitsikate mɨmamariwawe.

Nɨawari 85:4

Tawarita matsi 'aixɨa ketaneuyuri, Kakaɨyari tatsiwikweitsitɨwame, ketineuhayewa 'axakepemɨtatiku'eriya.

Hutarieka 'inɨari 29:4

Peru 'anapaitɨtɨ meta hikɨ Yawé xemeuta'iyaritawawenikɨ pɨkaxepitɨawe xemeti'enatɨkɨkanikɨ, meta hɨxite xemeunenierenikɨ, meta nakate xemeu'enanakakɨ.

Kitsariyaxi 31:1

Xɨa'ui kemɨ'ane 'Ekipitu memekɨka parewiya mekuwautɨwetɨ, meta kemɨ'ane kawayutsixi wahetsie memuyukuparewie, kemɨ'ane kaxetate kuyaxa miemetetsie memuyukuparewie meta memanutiyaxike wahetsie, peru Mɨpatsie 'Ixaheri hetsiemieme memɨkaha'eriwa, meta Yawé memɨkakuwautɨwe.

2 Te'aitamete 22:16

kename ne Yawé mɨpaɨ nehaine: ‘Nekanenunɨ'amɨkɨ 'uximatɨarika 'ikɨ kiekaritsie meta mana kiekatari wahetsie, naime kemaine mɨkɨ xapa nekaneye'atɨamɨkɨ Kura kwieyaritsie ti'aitame mekaterɨwaxɨ.

Kitsariyaxi 43:22

»Peru 'ekɨ Kakuwu, pepɨkanetsihahɨawe, 'ekɨ 'Ixaheri, peputi'uxixɨ nehetsiemieme.

Kitsariyaxi 64:6

Teyunaitɨ teɨteri temɨka'itiyatɨka tepɨhɨkɨ, naitɨ heitseriemekɨ ketemɨteyurie 'ixurikite mɨtɨtɨnini hepaɨ pɨ'ane. Teyunaitɨ tepɨtiwauke kɨye xawari hepaɨ, titakɨ 'axatemɨte'uyuri 'eka hepaɨ pɨtatsi'u'enitsitɨaxime.

Keremiyaxi 30:14

Yunaitɨ memumatsinaki'eriekai mepumatsi'uku'eiri, mepɨkamatsiha'eriwari. Waɨkawa 'axapemɨtiuyurikɨ, meta mɨmɨirekɨ ke'axapemɨtiuyuri, nekamenanayewayani nekamenayemari'itɨwani, xewitɨ mɨrayuye'unie kemɨrayurieni hepaɨ.

Keremiyaxi 44:23

Xeme hipame 'ɨkwa xepɨwarutitairi mɨkɨkɨ 'axaxepɨte'uyuri Yawé hetsiemieme, niukieya xepɨka'anu'eni, meta 'inɨari niukiyari hetsɨana mieme xepɨka'aye'atɨa, meta 'aitsikateyatsie yaxepɨkatekakɨ. 'Ayumieme 'ikɨ tukaritsie 'ikɨ 'uximatɨarika xehetsie kaninuani.

'Etsekieri 16:43

Ne 'ahetsie nekatinahɨaka kepemɨtiyurienekɨ pemɨnunutsitɨkaitsie pemɨkahaye'erikɨ, mɨya petiyurienetɨ pepɨnetsi'uyehaxɨatɨa, tawari matsi 'akuxi kwinimieme 'axapetiuyurieku. Yawé mɨpaɨ kanaineni.