Tanieri 9:11 - Kakaɨyari Niukieya

¹¹ Yunaitɨ 'ixaheritsixi 'a'aitsika mepuku'eiri, mepɨkayuwaɨri yamemɨtekahuni kepemaine. 'Ayumieme, 'axatemɨte'uyurikɨ 'ahepaɨtsita, tahetsie paye'a kepemutayɨ ketemɨtekwinitɨarienikekai, 'inɨari xapayaritsie kemɨre'uxa meti'uximayatsiriwame Muitsexi kemɨraka'utɨa.

Tanieri 9:11 ပူးပေါင်းရင်းမြစ်များ

Keremiyaxi 9:26

'Ekipitu nekatinikwinitɨamɨkɨ meta Kura, 'Erumi, 'Amuni, Muhawi, meta yunaime makumawetsie memu'uwa yumu'utsie memuyukaxika. Yunaitɨ nuiwarite xitekiya 'inɨariyari mepɨkahexeiya, peru matsi 'ixaheritsixi xitekiya 'inɨariyari yu'iyaritsie mepɨkahexeiya».

2 Te'aitamete 22:16

kename ne Yawé mɨpaɨ nehaine: ‘Nekanenunɨ'amɨkɨ 'uximatɨarika 'ikɨ kiekaritsie meta mana kiekatari wahetsie, naime kemaine mɨkɨ xapa nekaneye'atɨamɨkɨ Kura kwieyaritsie ti'aitame mekaterɨwaxɨ.

Kitsariyaxi 1:3

Tuuru kwietsaname yukutsiyari kanimateni meta puxu kanemarieka hakewa kutsiyarieya mɨreitimikwa, peru 'ixaheritsixi mɨpaɨ mepɨkatemate, neteɨterima mepɨkaheu'enana».

Kitsariyaxi 43:28

'Ayumieme tukita memɨte'uximayakai nitixaɨtɨ nepɨkatiwarayeitɨa, Kakuwu nepɨyetua mɨka'unarienikɨ naitɨ, 'Ixaheri nepɨyetua mɨtixani'eriwakɨ.

Keremiyaxi 2:29

»¿Titayari xenetexaneta? Xeme yunaitɨ xenetsi'aye'unietɨ xepakɨ —Yawé mɨpaɨ kanaineni—.

Keremiyaxi 32:23

Peru kepauka 'ena memu'axɨa meta yukwie memayeitɨanikɨ, mepɨkametsi'anu'eni, 'a'inɨari niukiyaritsie yamepɨkatekakɨ meta kepemɨtiwaru'aitɨakai. 'Ayumieme 'ikɨ 'uximatɨarika pepɨwarupitɨa.

Keremiyaxi 40:3

hikɨri Yawé kemutayɨkai kaneye'atɨani. 'Ikɨ naitɨ yapɨtixeyurie Yawé hepaɨtsita 'axaxemɨte'uyurikɨ meta niukieyatsie yaxemɨkatekakɨkɨ.

Keremiyaxi 44:23

Xeme hipame 'ɨkwa xepɨwarutitairi mɨkɨkɨ 'axaxepɨte'uyuri Yawé hetsiemieme, niukieya xepɨka'anu'eni, meta 'inɨari niukiyari hetsɨana mieme xepɨka'aye'atɨa, meta 'aitsikateyatsie yaxepɨkatekakɨ. 'Ayumieme 'ikɨ tukaritsie 'ikɨ 'uximatɨarika xehetsie kaninuani.

Tanieri 9:5

'Axatepɨte'uyuri kemɨkareuyewetse, meta temɨkaheu'enana tekanihɨkɨtɨni, 'a'aitsikate tepuku'eiri.

Tanieri 9:13

»”Yawé meta Kakaɨyari, naitɨ 'ikɨ 'uximatɨarika tahetsie kaninuani, Muitsexi xapayatsie 'inɨari niukiyaritsie kemɨre'uxa, mɨyatɨtɨ 'akuxi tepɨkatekuwautɨwe pemɨtatsitinenimayatakɨ. Tita'axamɨti'ane tepɨkateku'eiriwawe meta tepɨkayumexɨitɨa 'aniuki yuri maine temɨ'enienikɨ.

Tsakariyaxi 7:12

Memɨka'i'enienikɨ niuki 'aitsika meripai miemetexi Kakaɨyari niukametemama Yawé Naimekɨmɨtɨrɨkaɨye muwareyenɨ'airiekai 'Iyari yuhetsɨa miemekɨ, 'ana yu'iyari mekaniutseiriya tete kwinimieme mɨtitse'i hepaɨ. Hikɨ 'ayumieme, Yawé Naimekɨmɨtɨrɨkaɨye yemekɨ kaniuyeha'ani.

Tsakariyaxi 8:13

Kura kwieyaritsie kiekatari meta 'Ixaheritsie, xepɨkaheumamaka, matsi xekeneyuwaɨririyani. Xeme hipame nuiwarite watsata 'axaxemɨ'itɨarie xepɨhɨkɨtɨkai, ne peru nepɨxetawikweitsitɨani, hikɨ hipatɨta 'aixɨa mepɨ'itɨarieni xekɨmana”.

Hutarieka 'inɨari 8:20

Xɨka Yawé yukakaɨyari xekahanu'enieni, mɨpaɨta xeme kanixeyurimɨkɨ Yawé kemɨwayurieni hikɨ hipame nuiwarite waka'unatɨ xehɨxie.

2 Te'aitamete 18:12

'Ikɨ mɨya katiniuyɨni Yawé yukakaɨyari memɨka'anu'enikɨ, matsi tɨratu kememɨte'uwewiekai mɨpaɨ mepɨkatekakɨ. Mepɨkaheye'atɨa meta mɨpaɨ mepɨkate'uyuri Muitsexi, Yawé ti'uximayatsiriwame, kemɨtiwaruta'aitɨakai.

Keremiyaxi 6:19

Neuxei, kwiepa xemɨtama naitsarie xekeneu'enana: 'Ikɨ teɨteri wahetsie 'uximatɨarika nepɨ'atɨani, ke'axamemɨteyɨkɨhɨawekaikɨ xeikɨa, neniuki memɨka'u'enikɨ, matsi ne'ɨkitɨarika mepehɨa.

Keremiyaxi 16:11

Hikɨ mɨpaɨ pekatiniwata'eiyamɨkɨ: “Meripaitari xe'ukiyarima memɨnetsi'uku'eirikɨ, hipame pɨta kakaɨyarixi memuwaranukuweikɨ, metewa'uximayatsirietɨ memakɨkɨ meta mewarayexeiyatɨ 'ayumieme xepɨte'anuyehu. Ne mepɨnetsi'uku'eiri, 'inɨari niukiyari mepɨkahaye'atɨa —Yawé mɨpaɨ kanaineni—.

Keremiyaxi 30:14

Yunaitɨ memumatsinaki'eriekai mepumatsi'uku'eiri, mepɨkamatsiha'eriwari. Waɨkawa 'axapemɨtiuyurikɨ, meta mɨmɨirekɨ ke'axapemɨtiuyuri, nekamenanayewayani nekamenayemari'itɨwani, xewitɨ mɨrayuye'unie kemɨrayurieni hepaɨ.

Keremiyaxi 44:22

Kepauka Yawé 'ari mɨkatinewiwekai ke'axaxemɨteyuriekaikɨ mɨkɨ kemɨkatinake meta tita mɨtixani'eriwakɨ yaxeteyuriekaku, xekwie 'axa'itɨarietɨ kanayeitɨarieni, 'akumawetɨ, meta ka'akukiepayatɨ kanayeitɨarieni, hikɨ yaxeikɨa pɨ'ane.

Tsakariyaxi 1:6

¿Kamɨtsɨ karaye'atɨarie xetutsima wahetsie niuki meta 'aitsikate nemɨwarupitɨa menete'uximayatsiriwamete neniukamete mɨpaɨ memɨtewataxatɨanikɨ? »”Hikɨ mɨkɨ Yawé hetsie metewiyatɨ mekanakɨne, meta mɨpaɨ mekaniutiyuani: ‘Yawé Naimekɨmɨtɨrɨkaɨye yapɨtatsi'uyuri kemɨtiu'eri: tahetsie kemɨreuyewekai 'axatete'u'iyarikaku 'axateteyuriekaku.’ ”»