Tanieri 8:12 - Kakaɨyari Niukieya

¹² Tateɨterima ke'axamemɨte'uyurikɨ, kuyaximama tita yuri mɨraine mekaniuka'una meta mawari xexuime tukaritsie mieme mɨhayewarienikɨ katiniuta'aita. Mɨkɨ 'awa kemɨtinake pɨtiutawewi meta pɨtiuka'unaxɨ.

Tanieri 8:12 ပူးပေါင်းရင်းမြစ်များ

Keremiyaxi 12:1

'Ekɨ, Yawé heitseriemekɨ pekatinikuxatani kepauka nemɨniukixie 'ahamatɨa. Matsi hikɨ nepɨmatitaxatɨanikeyuta 'etsiwa tita mɨtiheitserie hepaɨtsita. ¿Titayari 'axamemɨte'u'iyari 'aixɨa mete'itɨarie? ¿Titayari teyukwamanamete kayuwatɨ mete'u'uwa?

Kitsariyaxi 59:14

Mɨpaɨ te'anetɨ 'aixɨa mɨti'ane tepɨkuwarixiwiya, meta tita mɨtiheitserie 'ateewa puyeika, teɨteri memayukuxexeɨriwatsie tita yuri mɨraine mepekahɨpa, heitserie yatepɨkateyurie.

Matsiɨkɨtɨ kemɨratɨa 13:7

Hikɨ mɨpaɨta katiniupitɨarieni mɨyumienenikɨ Kakaɨyari teɨterimama mɨwaraye'uniekakɨ, meta mɨwara'iwanikɨ, heitserie pupitɨarie yunaime nuiwarite wahepaɨtsita, naime kiekari mukumane, hipame niukiyarikɨ memutiniuka, meta nuiwarite yunaime wahepaɨtsita.

Tanieri 11:28

Ti'aitame tayeta kiekame yukwieyaritsie kanakunuamɨkɨ waɨkawa piinite rexeiyatɨ, peru 'akuxi meri tuki mɨpatsie 'axakaniyurimɨkɨ, kemɨtiku'eriwakai yakatiniyurimɨkɨ, 'anake yukwieyaritsie kanakunuamɨkɨ.

Tanieri 8:4

»Ne'ixeiyatɨ nekaniyuhayewa kemɨtiwakwinekai tayeta meta tatsutɨa memɨtama. Nixewitɨ yeutanaka me'iwa pɨkayɨwekai meta nixewitɨ pɨkayɨwekai mitawikweiya. Muxa 'uki kemɨtinake yapɨtiyurienekai, matsi waɨkawa tɨrɨkaɨyetɨ kanayeiximekaitɨni.

Nɨawari 119:142

Heitseriemekɨ kepemɨtiyuriene 'aixɨa peti'aitatɨ yuheyemekɨ, 'a'aitsika yuri kanaineni.

Nɨawari 119:43

Yuri netikuxatame xeikɨa kenenayeitɨaka, 'a'aitsika hetsie xeikɨa nekanita'ikwewani.

Kuwi 12:6

Tenawayamete 'aixɨa 'iyari yukie mepeutitei, 'aixɨa 'iyari mepu'uwa Kakaɨyari memɨhaxɨatɨa mɨpaɨri mepɨteku'eriwa me'ikemakame meyu'erietɨ.

1 Tsamuheri 23:9

Kepauka Rawiri mɨpaɨ mɨretima kename Tsahuri 'imiemɨtɨ 'uhamiekai. Hikɨ 'Awiyataxi kaniuta'inieni mawari wewiwame kamixaya mihuritɨanikɨ.

Nɨawari 28:5

Yawé, kemɨtiuyuri mɨpaɨ memɨkateku'eriwakɨ, meta tita mɨtiutawewi yutɨrɨkariyakɨ memɨkatematekɨ, mɨkɨ kaniwaka'unamɨkɨ, tawarita hatsuaku pɨkawaranuku'uitɨani.

Tanieri 7:21

»Ne mexi 'akuxi kwi ne'ixeiya, mɨkɨ 'awa kaniuyutamieni memɨpatsie kaniwarutakwini, kaniwara'iwa.