Tanieri 7:9 - Kakaɨyari Niukieya

⁹ »Ne mexi 'akuxi 'ikɨ netixeiyakai, yapaɨmetɨ 'uwenite mana 'aniku'uni, meta xewitɨ 'Ukiratsi mariwetɨ mana kanayerɨni. 'Ixurikieya kanituxakaitɨni 'ɨwi hepaɨ, meta kɨpateya, muxa huxarieya mutuxa hepaɨ kani'anenekaitɨni. 'Uwenieya meta xikɨrawime hexeiyatɨ tai hepaɨ katiniyuxexeiyakaitɨni.

Tanieri 7:9 ပူးပေါင်းရင်းမြစ်များ

Matsiɨkɨtɨ kemɨratɨa 1:14

Kɨpateya putixawatɨrekai pututuxakai muxa huxarieya hepaɨ, 'ɨwi hepaɨ meta hɨxiteya tai mɨtatɨkani hepaɨ pɨtuyuxexeiyakai.

Marikuxi 9:3

Kemarieya xawatɨtɨ kanayani kwi tuxatɨ 'ɨwi hepaɨ, kwiepa muxuawe tituriyame mɨpaɨ 'aneme meyeitɨani pɨkayɨwe.

Mateu 17:2

Hikɨ mana wahɨxie yɨkɨ 'anetɨ kanayani, yuhɨxie kanayexawatɨre tau hepaɨ, meta 'ixurikieya tuxatɨ xawatɨtɨ kanayani.

Mikeyaxi 5:2

Matsi 'ekɨ, Wereni 'Epɨrata, kiekari 'etsipemɨyewa Kura nuiwarimama watsata, 'ahetsie pɨyeyani 'Ixaheritsie mɨtita'aita, tsutɨa paitɨ kiekatari puwanuiwari, watukari mɨka'inɨari.

Tanieri 7:22

Hikɨ 'Ukiratsi kaninuani, 'aixɨa mɨtiyɨnikɨ 'Amutewi hetsɨa miemete memɨpatsie wahetsiemieme. 'Ana kwitɨ memɨpatsie memɨte'aitanikɨ mekaniupitɨarieni.

Tanieri 7:13

»Tɨkarikɨ mɨya netinieretɨ, xeime nekaniuxeiya tewi hepaɨ 'aneme muyuawitsie haitsata 'akamieme. 'Ukiratsi mɨmariwe hepa hurawa kanayani meta hɨxiena kanewitɨkieni,

Matsiɨkɨtɨ kemɨratɨa 19:18

te'aitamete wawaiyari xekeneutikwa'i, kuyaxi wa'ukiyarima wawaiyari, memɨtɨrɨkawi wawaiyari, wakawayutsixi wawaiyari, mɨkɨ wahetsie memutekai wawaiyari, yunaitɨ memuyunɨ'a memɨte'uximayatamete tɨɨri 'ukirawetsixi yunaime wawaiyari».

Piriputari 3:9

hetsiena netiwiyatɨ yanepɨtixeiyariekakeyu xeikɨa. Nekɨmana heitserie nepɨkahexeiya, 'inɨari niukiyaritsie yanetikamietɨ heitserie nepɨkanepitɨa nekɨmana. Matsi heitserie kenemɨrexeiya, Kɨritsitu hetsie yuri nemɨti'eriekɨ pɨta heitserie nekanexeiyani, Kakaɨyari heitserie kemɨnetipitɨa yuri nemɨti'eriekɨ.

Nɨ'ariekate 2:33

'Anutiwitɨkieka mariwetɨ patɨa, Kakaɨyari tserieta, kanitanaki'erieni tita 'ukiyarieya mɨtiyetuirienikekai, 'Iyari Mɨtiyupata hɨkɨtɨme. Mɨkɨ kaniutatuani hikɨ kexemɨte'ixeiya meta kexemɨte'i'enie.

Nɨ'ariekate 2:30

Tixaxatame pɨhɨkɨtɨkai meta katinimaikaitɨni kename Kakaɨyari 'ɨyɨhɨritɨa heitseriemekɨ mɨpaɨ 'utaitɨ, xewitɨ Rawiri hetsie mɨyeyanikekai heitserie pɨpitɨarienikekai Kɨritsitutɨtɨ, pikayenikekai 'uwenieya mɨra'aitatsie.

'Awakuki 1:12

'Ekɨ, Yawé, yuheyemekɨ 'apekaniuyeikani. 'Ekɨ, nekakaɨyari pemɨpatsie, hatsuakutɨma pemɨkamɨwe pekanihɨkɨtɨni. 'Ekɨ, Yawé, kemɨtiheitserie memɨteyurienikɨ pepɨwa'atɨani, 'ekɨ, ne'ai, pekaniwa'atɨamɨkɨ memɨtatsi'ayemari'itɨanikɨ.

Kitsariyaxi 9:6

Matsi nunutsi tahetsɨa mutinuiwaxɨkɨ, 'uki xeime tekaniutuitɨarieni, tɨrɨkariya naiparieyatsie kanika'uxipimɨkɨ, meta 'ipaɨ katiniterɨwariemɨkɨ: 'Ɨxatsitame, mɨmariwe, Kakaɨyari mɨtɨrɨkaɨye, Yuheyemekɨ mɨtapaapa, Ti'aitame kayuwatɨ tiyupitɨwame.

Nɨawari 90:2

Hɨri katinunuiwawekaku meta kwie pekatawewiwekaku, meripaitɨtɨ metatsiere 'uxa'a warietɨni, 'ekɨ Kakaɨyari pepɨhɨkɨ.

1 Timuteu 6:16

kemɨ'ane yuxewitɨ mɨkamɨwe, hekɨaripa meka hakewa mɨkayɨwe 'ahurawa mayanikɨ xewitɨ, kemɨ'ane tewi mɨka'ixeiyawe mɨkayɨwe mixeiyakɨ, mɨkɨ mariweme kexatsiwani, kehetɨrɨkaɨyeni yuheyemekɨ. Mɨpaɨ xeikɨa kani'aneni.

Nɨawari 45:8

Mixaxi 'ɨakariyari, 'aruhe meta kanera, mɨpaɨ pu'ɨatɨka 'akemarite, paratsiyu witsimɨtiuye'anetsie 'umetekɨ tiwaku'utɨkaimeta pe'ayekaiku, pɨmetsitemawieritɨa kanari yuariyaya.

1 Wani 1:5

'Ipaɨ panuyɨne niuki hetsɨana mɨmieme temi'eni meta temɨxekuxaxatɨwa: Kakaɨyari hekɨariya kanihɨkɨtɨni, yɨriya pumawe hetsiena.

Mateu 28:3

Merɨkariya hepaɨ pɨtiyuxexeiyakai, 'ixurikiteya pɨtuxakai 'ɨwi hepaɨ.

Matsiɨkɨtɨ kemɨratɨa 4:2

Yapauka 'Iyari nehetsie punua, meta 'uweni nepuxei muyuawitsie, xewitɨ mɨkɨtsie kanakateitɨni.

Matsiɨkɨtɨ kemɨratɨa 20:4

Hikɨ te'aitamete wa'uwenite nekaniuxeiya mana 'a'ukame. Hetsiena mekanayaxe mɨkɨ heitserie memupitɨarie. Mekani'itsɨkatetɨkaitɨni kememɨte'upitɨarie. Hikɨ hipameta nekaniwaruxeiya, mɨkɨ wamu'u manutiwitekiexɨa memɨyuhekɨatakaikɨ Ketsutsi hetsɨa memiemetetɨtɨ, meta Kakaɨyari niukieya memɨkuxatakaikɨ. Nenewieri yeutanaka memɨkapitɨakai meta 'ɨkiyari, tseyuya memɨka'utanaki'eri yukanata meta yumamatsie, mɨkɨ wa'iyarite nekaniuxeiya. Mɨkɨ me'anutaneniereka, meta Kɨritsitu hamatɨa te'aitamete mekanakɨne xeimiriyari wiyari.

1 Te'aitamete 22:19

Tawarita Mikahiyaxi mɨpaɨ kaniutayɨni: —Keneu'eni 'ekɨ Yawé niukieya: Yawé nepuxei yu'uwenitsie 'akaime 'auriena yunaitɨ kuyaxi muyuawitsie miemete mepɨti'ukai, tserietana meta 'utatana.

2 Kemɨtiuyɨ 18:18

Tawarita Mikahiyaxi mɨpaɨ kaniutayɨni: —Xekeneu'eni Yawé niukieya: Yawé nepuxei yu'uwenitsie 'akaime 'auriena yunaitɨ kuyaxi muyuawitsie miemete mepɨti'ukai, tserietana meta 'utatana.

'Etsekieri 1:26

Mɨkɨ heima mana nepɨtiuxei muyuawitsie 'uweni hepaɨ ti'anekame tete mutimerɨka hepaɨ, mana makatei tewi hepaɨ pɨtiyuxexeiyakai.

Nɨawari 93:2

Matɨari paitɨ 'uwenieya puyukake, meta 'ekɨ matɨari paitɨ yuheyemekɨ pepuyeika.

Kitsariyaxi 6:1

Mɨkɨ wiyaritsie ti'aitame 'Utsiyaxi 'ɨmɨkuri, Ti'aitame Kakaɨyari nekaniuxeiya wapaitɨ 'aheutitewametsie 'akakaime mariwetɨ 'uwenitsie 'akaime, yu'ixurikitsie mataxitɨanikɨ tukita naitɨ puyenɨkakai.

Keremiyaxi 49:38

Ne'uweni 'Erami nepɨtakeni, meta ti'aitame mana kiekame nekanika'unamɨkɨ meta 'iparewiwametemama —Yawé mɨpaɨ kanaineni—.