Tanieri 7:25 - Kakaɨyari Niukieya

²⁵ Kakaɨyari 'Amutewi hepaɨtsita kaneuniumɨkɨ memɨpatsie hetsɨana miemete kaniwa'uximatɨamɨkɨ, katinipataxɨamɨkɨ tita 'ixɨarari mɨratineika meta 'aitsika niukiyari, meta memɨpatsie katiniwata'aitɨamɨkɨ haika wiyari heimana 'ataxewime metseri.

Tanieri 7:25 ပူးပေါင်းရင်းမြစ်များ

Matsiɨkɨtɨ kemɨratɨa 12:14

Hikɨ 'ukaratsi kaniupitɨarieni ma'anatɨkanikɨ kwixu 'amɨnena hepaɨ, makumawetsie paitɨ manuwienikɨ yuhuyeripa, mana kuu 'amɨtimariwe mɨka'ixeiyakɨ, hakewa xeiwiyari mɨremikieka, 'ariketa huta wiyari, 'ariketa merie wiyari.

2 Tetsarunikatari 2:4

Mɨkɨ neye'uniekamɨkɨ kanitawe'eriekamɨkɨ naime Kakaɨyari mɨtitewa meta naime mɨrayexeiyarie, yɨkɨmana kanayerɨmɨkɨ Kakaɨyari tukieyata meta Kakaɨyari puyuxatani.

Tanieri 12:7

»Ne nekanixeiya meta nekani'enieni tewi rinu kamixayari manakatɨkɨ, haa heima muyewiekai, yuheima yumamate hetseraxɨaka hikɨ yakatiniyɨhɨritɨani kemɨ'ane mayeniere yuheyemekɨ hɨxie, mɨpaɨ kaniutayɨni: “Haika wiyari heimana 'ataxewi metseri kaneuyewekani. 'Ikɨ naitɨ katinaye'amɨkɨ kepauka teɨteri memɨpatsie watɨrɨkariya tawariri mɨkaka'unarieni”.

Matsiɨkɨtɨ kemɨratɨa 12:6

Hikɨ 'ukaratsi kaniuyuta'una makumawetsie paitɨ, hakewa Kakaɨyari meikuha'aritɨiri mana me'ɨwiyariekakɨ xeimiriyari heimana huta tsienituyari heimana haika tewiyari tukari.

Tanieri 2:21

Mɨkɨ tukari pukupata naime kemɨtiyeyɨxime, pɨwaranuka'uitɨwa pɨwaranakaxɨrɨwa te'aitamete. Temaiwawemete memɨtemaiwawenikɨ pɨwapitɨa. Kwinie memɨteheutamaiwawe, memeitimaitɨkɨkanikɨ pɨwapitɨa.

Matsiɨkɨtɨ kemɨratɨa 18:24

'Ahetsie Kakaɨyari niukametemama meta Kakaɨyari teɨterimama waxuriya pemutayeurikɨ, meta yunaitɨ kwiepa memukwi'iwaxɨ».

Tanieri 7:20

Yaxeikɨata tamamata 'awate yumu'utsie meixeiyakai hepaɨtsita nekatinimaimɨkɨkaitɨni, meta xewitɨ muwa matine mɨkɨ tiuyurieku mɨkɨ haikatɨ mamurixɨa. Mɨkɨ 'awa matsi 'akanipakaitɨni keyuri hipatɨ, hɨxite kanexeiyakaitɨni meta pɨtikuxatakai 'uyuta'ɨretɨ.

Kitsariyaxi 37:23

¿Kemɨ'ane 'axapepɨranutahɨawixɨa? ¿Kemɨ'ane hetsiemieme 'axapeputayɨ? ¿Kemɨ'ane pepanutahiwiexɨa meta kemɨ'ane hɨxie pepuyuta'ɨrixɨ? Mɨpatsie 'Ixaheri hetsiemieme hepaɨtsita.

Tanieri 7:8

»Mexi 'awateya kwinexeiyakai, xewitɨta 'awa 'etsipetɨ watsata kanatineni. Mɨkɨ muwatinekɨ haikatɨ mexɨakate 'awate kanamurariexɨani. 'Awa 'etsimupe tewi hɨxiteya mayatsani hepaɨ katiniyuxexeiyakaitɨni meta teni kanexeiyakaitɨni mutaniukakai tiyukatawe'eriekamekɨ.

Matsiɨkɨtɨ kemɨratɨa 17:6

Hikɨ mɨkɨ 'ukaratsi nekaniuxeiya tawekame Kakaɨyari teɨterimama waxuriyakɨ, meta mɨkɨ memɨyuhekɨatakai Ketsutsi hetsɨa memiemetetɨtɨ waxuriyakɨ. Hikɨ ne'ixeiyatɨ kwinimieme nekanihɨxiyakaitɨni.

Matsiɨkɨtɨ kemɨratɨa 14:12

Mɨpaɨ metemaitɨ Kakaɨyari teɨterimama mepɨte'uka'eniwani, mɨkɨ yamemɨtekahu Kakaɨyari kemɨti'aita meta yuri memɨte'erie Ketsutsi hetsie.

Tanieri 11:28

Ti'aitame tayeta kiekame yukwieyaritsie kanakunuamɨkɨ waɨkawa piinite rexeiyatɨ, peru 'akuxi meri tuki mɨpatsie 'axakaniyurimɨkɨ, kemɨtiku'eriwakai yakatiniyurimɨkɨ, 'anake yukwieyaritsie kanakunuamɨkɨ.

Matsiɨkɨtɨ kemɨratɨa 16:6

Mɨkɨ 'ateɨterima meta 'aniukamete waxuriya memutayeuri, 'ekɨta xuriya pepɨwaranu'itɨa, mɨyamemɨte'uyurikɨ mɨkɨkɨ pepɨtiwarakapitɨa».

Tanieri 4:25

'Ekɨ teɨteri watsata pekananayehaniemɨkɨ, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanitikwaimɨkɨ, 'ahetsie haɨtsi kaniupaparemɨkɨ. 'Atahuta wiyari kananuyeyeimɨkɨ, kepaukake 'Ekɨ ti'aitame mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta mɨkɨ pɨyɨwe ti'aitame meyeitɨani kemɨ'ane manayexeiya.

Tanieri 4:32

Teɨteri watsata pepanayehanieni, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanikwakamɨkɨ, 'atahuta wiyari kananuyeyeimɨkɨ kepaukake mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta kename mɨkɨ yɨwe ti'aitame meyeitɨani kemɨ'ane mɨkɨ manayexeiya».

2 Tetsarunikatari 2:3

Xepɨkatepitɨaka nɨkahɨrixɨa xewitɨ xe'ukwamana, karikɨ meri hipatɨ Kakaɨyari me'aye'unietɨ mekanakɨnikuni meta matsiɨkɨme kanayuyeitɨamɨkɨ mɨkɨ tewi 'axamɨtiyuruwame, kemɨ'ane mɨka'unarieni.

2 Tetsarunikatari 2:8

'Anakeri, matsiɨkɨtɨ kanayeimɨkɨ 'iya 'axamɨtiyuruwame, mɨkɨ Ti'aitame Ketsutsi kanimiemɨkɨ yu'iyakɨ yuteta miemekɨ meta kanika'unamɨkɨ matsiɨkɨtɨ mayuyeitɨanitsie kepauka munuanitsie.

Tanieri 3:26

Mɨpaɨ 'utayɨka, Nawukurunutsuxi hurawa kaniuyani huxunu mɨta'a kitenieyaritsie meta mɨpaɨ katiniuhiwa: ―Tsatɨraki, Metsaki meta 'Awenekuxi, Kakaɨyari 'Amutewi te'uximayatsiriwamete, muwa xekenewayekɨni, 'ena xekenakɨni. Kepauka temari yuhaikatɨ huxunuta memɨwayekɨ,

Tanieri 4:2

Ne nepɨnewaɨriya nemɨxetaxatɨanikɨ xemeitimanikɨ 'inɨari meta mariwemekɨ kemɨtiyuriene nehetsiemieme Kakaɨyari 'Amutewi.

Tanieri 4:17

»Niuki tuayamete memɨpatsie yamekaniutiyuani kemɨtikwinitɨarieni, yunaitɨ kwiepa memɨtama mɨpaɨ memɨtehetimanikɨ kename Kakaɨyari 'Amutewi 'itsɨkame hɨkɨ yunaime te'aitamete kwiepa memɨtama wahetsie, mɨkɨ pɨyɨwe ti'aitame meyeitɨani kemɨ'ane manayexeiya, meta 'atsita tixaɨtɨ memɨkatehayuyeitɨa pɨwaranuka'uitɨwa memɨteta'aitakɨ teɨteri wahetsie.

Tanieri 7:18

matsi Kakaɨyari 'Amutewi muwaranayexei memɨpatsie memɨteta'aitakɨ mekaniyetuiriyariekuni, yuheyemekɨ wahetsie pɨmiemetɨni, yemekɨ yuheyemekɨ”.

Tanieri 8:14

'Iya mɨpatsie mɨpaɨ kanetiniutahɨawe: “Huta miriyari heimana haika tsienituyari tukari meta tɨkari kaniyuriemɨkɨ. 'Anake mɨkɨ tukari 'anuyeyayu tuki 'aixɨa 'itɨarietɨ kanayeimɨkɨ”.

'Utseyaxi 7:16

Kakaɨyari 'Amutewi hetsɨa mepɨka'axɨaku, tupi tiyu'irɨwiyame hepaɨ mepɨ'anene. Peru wa'itsɨkate 'ixiparakɨ mepɨka'unarieni waniuki 'axamanuyɨnekɨ, meta 'Ekipitu kiekatari mepuwatinanaimani.

Tanieri 8:9

Xeime 'awatsieta xewitɨ 'awa kananeni, matɨari 'etsipupekai, tɨrɨkariyaya tatsutɨa kanikayune meta tau manatineikatsie, metatsiere takwiepa witsimɨraku'anetsie.

Tanieri 8:11

matsi waɨkawa mariweme kaniyu'eriekaitɨni keyuri kuyaxi muyuawitsie miemete tiwa'aitɨwame. Mɨkɨ tiuyurieku mawari xexuime tukaritsie mieme kaneutipare meta tuki ka'itiyatɨ kanayani.

Tanieri 9:27

Mɨkɨ ti'aitame 'atahuta tukari tɨratu kaniwewimɨkɨ yumɨireme wahamatɨa, peru hixɨapa tiuweiyatɨ 'atahuta tukari ka'aye'awekaku katinita'aitamɨkɨ mɨtihayewarienikɨ timawarienetɨ meta 'imikieri yetuiwatɨ tukita. Tuki 'amanutitewatsie waɨkawa 'axakatiniyuriemɨkɨ 'axati'aneme katipatsiekame katinitimawamɨkɨ, kepaukake hetsiena mieme kemɨre'uxa maye'ani kemɨtika'unarieni kemɨreutipare”».