Tanieri 7:14 - Kakaɨyari Niukieya

¹⁴ mɨti'aitanikɨ kaniupitɨarieni, tɨrɨkariya meta xawatɨriya kaniupitɨarieni. Yunaitɨ teɨteri, nuiwarite meta yɨkɨ memɨte'uniuka me'eyexeiyatɨ mekanakɨne. Kemɨti'aita yuheyemekɨ pɨti'aitani, pɨka'anuyani, meta kemɨtita'aita hatsuaku pɨkaka'unarieni.

Tanieri 7:14 ပူးပေါင်းရင်းမြစ်များ

Matsiɨkɨtɨ kemɨratɨa 11:15

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

Tanieri 7:27

Hikɨ 'ana memɨpatsie pɨta mekaniyetuiriyariekuni, Kakaɨyari 'Amutewi teɨterimama memɨhɨkɨ, memɨte'aitanikɨ xawatɨriya mehexeiyatɨ meta tɨrɨkariya mete'aitatɨ naitsarie kwieyaritetsie. Kemɨti'aitani yuheyemekɨ katini'aitakamɨkɨ, mekaneyexeiyakakuni meta mehei'enietɨ yunaitɨ kuwexinaruritsixi kwiepa memɨtama”.

Wani 3:35

'Ukiyarieya yuniwe kaninaki'erieka, naime katiniyetuirieni mamayatsie.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Hepɨrayutsixi 12:28

'Ayumieme pamɨpariyutsi teke'ipitɨaka mɨkatayuitɨarieni tati'aitɨwame temupitɨariekɨ, hakewa mɨre'aita mɨkɨ, mana pɨkatayuitɨarieni, mɨpaɨ tekete'uximayaka Kakaɨyari hetsiemieme pamɨpariyutsi te'ipitɨatɨ. 'Aixɨa 'anemekɨ kemɨtinake, teheyexeiyatɨ meta teheyemakatɨ.

Matsiɨkɨtɨ kemɨratɨa 17:14

Mɨkɨ Muxa mekanitamiekuni, peru Muxa kaniwara'iwamɨkɨ kutsiyarite mɨwakutsiyarikɨ meta te'aitamete mɨtiwa'aitɨwamekɨ, meta mɨkɨ hamatɨana memu'uwa meputa'inierie, mepanayexeiyarie yamemɨtekahu».

Mateu 28:18

Hikɨ Ketsutsi 'ahurawa kaniuyani, katiniwarutaxatɨani, mɨpaɨ 'utaitɨ: —Naimekɨ heitserie nepexeiya taheima meta kwiepa.

Mateu 11:27

»Ne'ukiyari naime kanetiniyetuirieni. Nixewitɨ pɨka'imate Nu'aya 'Ukiyarieya xeikɨa pimate, meta nixewitɨ pɨka'imate 'Ukiyarieya Nu'aya xeikɨa pimate meta mexɨka nu'aya yuwaɨriyani matsiɨkɨme meyeitɨani peitimani 'ukiyarieya.

Kitsariyaxi 9:7

Kemɨti'aitanikɨ kanitamɨirimɨkɨ meta kayuwatɨ kemɨtiyupitɨwakɨ, meta mɨkɨ pɨka'uye'atɨyani. Rawiri 'uwenieyatsie 'akaitɨ katinita'aitamɨkɨ meta hakewa mɨre'aitakaitsie, 'amuwenikɨ meta mituikanikɨ heitseriemekɨ meta kemɨreuyewetse hikɨ meta yuheyemekɨ. 'Ikɨ yakatinaye'atɨamɨkɨ Yawé Naimekɨmɨtɨrɨkaɨye 'ɨtetsarikaya.

Matsiɨkɨtɨ kemɨratɨa 3:21

Kemɨ'ane mɨrayu'iwa, mɨkɨ nekanipitɨamɨkɨ nehamatɨa mayerɨnikɨ ne'uwenitsie hakewa nemɨre'aita, neta ne'ukiyari hamatɨa kenemɨraya 'uwenieyatsie nerane'iwaka.

Rukaxi 1:33

'Ixaheritsixi teɨteriyari katiniwata'aitɨamɨkɨ yuheyemekɨ. Kemɨtita'aita pɨkaheutipare hatsuaku.

Mikeyaxi 4:7

Muxatsi memɨwitekietɨka memuyuhayewaxɨ nekaniwarayeitɨamɨkɨ, meta 'ateewa memehapanie, xeinuiwariyari metɨrɨkaɨyeme nepɨwarayeitɨani. Yawé mɨkɨ wahetsie katini'aitakamɨkɨ Tsiyuni hɨriyaritsie hikɨ 'ena mɨtiyehane meta yuheyemekɨ.

'Awiriyaxi 1:21

memɨtehayu'iwaxɨta mekananutikɨnikuni Tsiyuni hɨriyaritsie paitɨ, 'Etsahu hɨriyaritsie memɨtama memɨtewata'aitɨanikɨ. Meta mana Yawé pɨti'aitametɨni.

Tanieri 3:4

Hikɨ niukamete mɨpaɨ mekateniuhiwa: «Xeme teɨteri, nuiwarite yunaitɨ meta tsepa kexemɨte'uniuka, mɨpaɨ xekateni'aitɨarieka:

Tanieri 2:35

Naitɨ mɨkɨ tepɨa meta haxu tumuanari kanayani meta wurunitse, pɨrata metatsiere huru. Tewi 'ɨkiyari naitɨ tumuanari kanayani, kepauka tɨriku mutikatsiwatsie manuye'eke hepaɨ. 'Eka kaniukuyani tewi 'ɨkiyari naime kane'enitsitɨani, nitixaɨtɨ pɨkatiyuhayewaxɨ. Peru tete tewi 'ɨkiyari hetsie mukawe hɨri kanayani mariwetɨ kwie naime kanakuhɨniya.

Kitsariyaxi 60:12

Kemɨ'ane nuiwari mɨkameti'uximayatsirie, pɨkumawere, naitɨ pɨka'unarieni.

Nɨawari 146:10

Kerutsareme 'aku, Yawé keti'aitani yuheyemekɨ. 'Akakaɨyari keti'aitani yuheyemekɨ. Yawé kenɨawarieka.

Nɨawari 145:13

Kepemɨti'aitani yuheyemekɨ hawaikɨ pɨkaheu'aka, 'ekɨ pepɨti'aitani naime wiyaritsie. Yawé yuniuki paye'atɨa, meta 'aixɨa pɨtiuka'iyari naime yu'uximayatsikatsie.

Nɨawari 45:6

Kakaɨyari, 'a'uweni yuheyemekɨ 'apuwe, 'a'itsɨ pemɨti'aitame hetsiemieme, mɨkɨ 'itsɨ 'aixɨa mɨti'anekɨ mɨti'aita kanihɨkɨtɨni.

Nɨawari 8:6

mɨti'aitanikɨ pepipitɨa naime tita pemɨtiutawewitsie, naime pepɨtiyetuiri mɨtiwata'aitɨanikɨ,

Wani 12:34

Teɨteri 'ayumieme mɨpaɨ mekatenita'eiya: —Tame 'inɨari niukiyari tekaniu'enieni kename Kɨritsitu yuheyemekɨ yuhayewa, ¿ketitayari petiutaine kename heuyewetse Yuri Tewi manukuhanienikɨ pe'utaitɨ? ¿Kemɨ'ane pɨhɨkɨ Yuri Tewi mɨtitewa?

Rukaxi 10:22

»Ne'ukiyari naime netiniyetuirieni. Xewitɨ 'atsipɨkatimate kemɨpaikɨ Nu'aya, 'ukiyarieya xeikɨa mɨpaɨ katinimaika, xewitɨ 'atsipɨkatimate kemɨpaikɨ 'ukiyarieya, nu'aya xeikɨa mɨpaɨ katinimaika, meta nu'aya xɨka yuwaɨriyani mixeitsitɨanikɨ xeime, mɨkɨta mɨpaɨ katinimaikamɨkɨ».

Tanieri 7:18

matsi Kakaɨyari 'Amutewi muwaranayexei memɨpatsie memɨteta'aitakɨ mekaniyetuiriyariekuni, yuheyemekɨ wahetsie pɨmiemetɨni, yemekɨ yuheyemekɨ”.

Tanieri 6:26

»Mɨpaɨ nepɨtiu'aitaxɨ naitsarie nemɨra'aitatsie teɨteri Tanieri Kakaɨyarieya mekehayexeiyani meta mariweme mekehayeitɨwani. »Mɨkɨ Kakaɨyari mayeyuri kanihɨkɨtɨni, yuheyemekɨ 'akaniuyeikani. Hakewa mɨre'aita hatsuaku pɨkaka'une, 'aitsikaya hatsuaku hawaikɨ pɨkaheu'ani.

Tanieri 4:3

Waɨkawa 'inɨarieya pɨmamariwawe. Waɨkawamekɨ pɨtiyuhɨxiyatsitɨwa mariwemekɨ kemɨtiyurieni. Mɨra'aita kaheu'akamekɨ pɨti'aita. Kemɨti'itsɨkame tukari mɨyehane mɨkɨ 'apuwe.

Nɨawari 102:22

kepauka yunaitɨ teɨteri meta te'aitamete memɨyukuxexeɨriwa Yawé metahɨaweke.

Nɨawari 72:17

Kekuxaxatsiwani yuheyemekɨ, tau hepaɨ kereutere ku'eriwatɨ. Hetsiena mieme nuiwarite 'aixɨa mekeyuyurieka, yunaitɨ mɨkɨ 'aixɨa mekete'ikɨhɨaweni.

Nɨawari 72:11

Yunaitɨ te'aitamete hɨxiena meke'ukahɨxima'uni, yunaitɨ nuiwarite mekete'i'uximayatsirieka.

1 Pekuru 3:22

Mɨkɨ Kakaɨyari tserieta 'apuwe muyuawitsie paitɨ heyaka, niuki tuayamete, heitserie hexeiyamete meta tɨrɨkariya hexeiyamete yunaitɨ yamepɨtekahu kemaine.

Matsiɨkɨtɨ kemɨratɨa 1:6

te'aitamete mɨtatsi'ayeitɨa, mawari wewiwamete Kakaɨyari 'ukiyarieyatsie mieme temɨte'uximayakakɨ mɨtatsi'ayeitɨa, mɨkɨ witsiketikuxaxatsiwani meta kemɨtitɨrɨkaɨye, tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

Kitsariyaxi 16:5

Heitseriemekɨ 'uweni 'apuweni, xewitɨ Rawiri nuiwarieyatɨtɨ mana katinita'aitamɨkɨ 'aixɨa 'anemekɨ: 'itsɨkame mɨ'ɨtetsa heitserie mɨtikuxatani kanayeimɨkɨ meta 'inaketɨ 'aixɨa mɨtiyurieneni.

Tanieri 2:37

'Ekɨ ti'aitame te'aitamete watsata pekatini'aitametɨni, Kakaɨyari muyuawitsie makawe mɨpaɨ kametiniupitɨani pemɨti'aitanikɨ, meta tɨrɨkariya pɨmetsi'upitɨa meta pemɨmariwenikɨ.

Nɨawari 103:19

Yawé muyuawitsie yu'uweni kaniukakeni, kemɨti'aita yakatiniyɨaneni yunaime wahetsie.

Kitsariyaxi 9:6

Matsi nunutsi tahetsɨa mutinuiwaxɨkɨ, 'uki xeime tekaniutuitɨarieni, tɨrɨkariya naiparieyatsie kanika'uxipimɨkɨ, meta 'ipaɨ katiniterɨwariemɨkɨ: 'Ɨxatsitame, mɨmariwe, Kakaɨyari mɨtɨrɨkaɨye, Yuheyemekɨ mɨtapaapa, Ti'aitame kayuwatɨ tiyupitɨwame.