Tanieri 7:13 - Kakaɨyari Niukieya

¹³ »Tɨkarikɨ mɨya netinieretɨ, xeime nekaniuxeiya tewi hepaɨ 'aneme muyuawitsie haitsata 'akamieme. 'Ukiratsi mɨmariwe hepa hurawa kanayani meta hɨxiena kanewitɨkieni,

Tanieri 7:13 ပူးပေါင်းရင်းမြစ်များ

Mateu 26:64

Ketsutsi mɨpaɨ katinitahɨawe: —Metsɨ 'ekɨ mɨpaɨ pekanaineni. Peru ne mɨpaɨ nepɨxerahɨawe: 'Uxa'atɨni xekanenixeiyakuni Yuri Tewi kenemɨtihɨkɨ, 'ane'akaime Naimekɨmɨtɨrɨkaɨye tserieta, meta haitsata ne'akamiekame taheima.

Matsiɨkɨtɨ kemɨratɨa 1:7

Kamɨ, haitsata pakaneni. Yunaitɨ yuhɨxikɨ mekanixeiyakuni, meta yunaitɨ memeititseixɨa mekanixeiyakuni, mekaniyutiheiweriekuni me'ixeiyatɨ yunaitɨ nuiwarite kwiepa memɨtama. Mɨpaɨ katiniyɨmɨkɨ. Mɨpaɨ xeikɨa kani'aneni.

Rukaxi 21:27

Hikɨ 'ana Yuri Tewi kenemɨtitewa mekanenixeiyakuni haitsata ne'akamieme netɨrɨkaɨyeme meta waɨkawa nexawatɨme.

Matsiɨkɨtɨ kemɨratɨa 14:14

Hikɨ nekaneutaniere, 'ana haiwitɨri tuxame nekaniuxeiya, mɨkɨ hetsie xewitɨ kanakateitɨni «Yuri Tewi hepaɨ tiyuxexeiyatɨ». Yumu'utsie huru kurunayari 'anamatɨ, meta yumamatsie kutsira makatutsi 'atamɨariekame 'akwetɨ.

Mateu 24:30

»'Ana matsiɨkɨtɨ kanayeimɨkɨ Yuri Tewi 'inɨarieya taheima, 'ana yunaitɨ nuiwarite kwiepa memɨtama mekaniyutihiweriekuni. Mekanixeiyakuni Yuri Tewi muyuawitsie haitsata 'akamiekame tɨrɨkariya hexeiyakame meta waɨkawa xawatɨme.

Marikuxi 13:26

»Hikɨ 'ana Yuri Tewi kenemɨtitewa mekanenixeiyakuni haitsata ne'akamiekame, waɨkawa netɨrɨkaɨyetɨ meta nexawatɨme.

Mateu 25:31

»Kepauka munuani Yuri Tewi yuxawatɨriyatsie, yunaime yuniuki tuayamete warawitɨtɨ, 'ana 'apayerɨni yu'uweni mɨxawatɨtsie.

Wani 3:13

Xewitɨ taheima pɨka'anutiyeiwe, mɨkɨ taheima makane Yuri Tewitɨtɨ xeikɨa pemarie.

Matsiɨkɨtɨ kemɨratɨa 1:13

Kɨxeme hixɨapa mana xewitɨ puwekai «Yuri Tewi hepaɨ tiyuxexeiyatɨ», 'etewime kamixa panakatɨkɨkai, meta huru hɨiyameyarikɨ panayɨkɨhɨakai.

Mateu 13:41

Yuri Tewi kenemɨtihɨkɨ, nepɨwatanɨ'ani neniuki tuayamete, mɨkɨ mepɨwakuxeɨrieni teɨteri hipame memɨwarukununuitɨwa 'axamemɨteyuriekakɨ, meta teɨteri kemɨkatiheitserie memɨteyurie.

Matsiɨkɨtɨ kemɨratɨa 1:18

meta nemayeniere nepɨhɨkɨ. Tsepa nemumɨkai, matsi hikɨ nepayeniere tsepa xeitsienituyari wiyari manuyekɨka, meta tiyepiwame nekana'ɨka memɨtakukuwe wahetsiemieme meta mɨkite wateukiyapa hetsiemieme.

Nɨ'ariekate 7:56

Mɨpaɨ kaniutayɨni: —Kamɨ, muyuawi nepɨxeiya 'anakayepiekame, Yuri Tewi Kakaɨyari tserieta 'utiweme netixeiya.

Hepɨrayutsixi 9:24

Kɨritsitu Tuki Mɨpatsieta pɨkaheutaha mamakɨ mɨwewiyata, yuri tuki 'ɨkiyarita, mɨkɨ 'ɨkitsikayarita pɨkaheutaha, matsi muyuawitsie miemeta pɨta kaneutahani, hikɨ Kakaɨyari hɨxie kaniuyeikani, tahetsiemieme mɨtaniunikɨ.

Tanieri 7:22

Hikɨ 'Ukiratsi kaninuani, 'aixɨa mɨtiyɨnikɨ 'Amutewi hetsɨa miemete memɨpatsie wahetsiemieme. 'Ana kwitɨ memɨpatsie memɨte'aitanikɨ mekaniupitɨarieni.

Rukaxi 21:36

Xekenayeneniereni 'aixɨa, yuheyemekɨ xeyunenewietɨ para xemɨyɨwawenikɨ, Yuri Tewi hɨxie xemaye'axɨanikɨ xetawikweme 'uximatɨarikatsata 'umɨramie».

Hepɨrayutsixi 2:14

Merikɨtsɨ, raniwema 'axeikɨa mekaniyuxewini xeixuriyayari meta xeiwaiyari mehɨtɨtɨtɨ, 'ayumieme mɨkɨta yaxeikɨa tahamatɨa yuxewitɨ kanayani, tahepaɨ yemekɨ, mɨpaɨ mɨtiuyurikɨ mumɨkɨ meta pɨyɨwekai mika'unanikɨ kemɨ'ane tɨrɨkariya mexeiya yemekɨ mɨtatsikwinikɨ Kauyumarietɨtɨ.

1 Timuteu 6:16

kemɨ'ane yuxewitɨ mɨkamɨwe, hekɨaripa meka hakewa mɨkayɨwe 'ahurawa mayanikɨ xewitɨ, kemɨ'ane tewi mɨka'ixeiyawe mɨkayɨwe mixeiyakɨ, mɨkɨ mariweme kexatsiwani, kehetɨrɨkaɨyeni yuheyemekɨ. Mɨpaɨ xeikɨa kani'aneni.

Tanieri 7:9

»Ne mexi 'akuxi 'ikɨ netixeiyakai, yapaɨmetɨ 'uwenite mana 'aniku'uni, meta xewitɨ 'Ukiratsi mariwetɨ mana kanayerɨni. 'Ixurikieya kanituxakaitɨni 'ɨwi hepaɨ, meta kɨpateya, muxa huxarieya mutuxa hepaɨ kani'anenekaitɨni. 'Uwenieya meta xikɨrawime hexeiyatɨ tai hepaɨ katiniyuxexeiyakaitɨni.

'Etsekieri 1:26

Mɨkɨ heima mana nepɨtiuxei muyuawitsie 'uweni hepaɨ ti'anekame tete mutimerɨka hepaɨ, mana makatei tewi hepaɨ pɨtiyuxexeiyakai.

Nɨawari 47:5

Kakaɨyari Yawé yu'uwenitsie kanayerɨni, temawierika hiwariyaritsata meta kuxineta yuariyaya.

Wani 12:34

Teɨteri 'ayumieme mɨpaɨ mekatenita'eiya: —Tame 'inɨari niukiyari tekaniu'enieni kename Kɨritsitu yuheyemekɨ yuhayewa, ¿ketitayari petiutaine kename heuyewetse Yuri Tewi manukuhanienikɨ pe'utaitɨ? ¿Kemɨ'ane pɨhɨkɨ Yuri Tewi mɨtitewa?

Wani 5:27

Heitserie kanipitɨanita 'itsɨkame hepaɨ 'aixɨa mɨtiyurienikɨ Yuri Tewi mɨhɨkɨkɨ.

Keremiyaxi 49:19

»Kurutani mɨ'ɨtsiyata maye mayeneika makutsiɨraɨye 'ɨxapa yapauka mɨ'axe hepaɨ, yapauka neniwatimariutamɨkɨ 'erumitsixi, wahetsiemieme xeime nekananayexeiyamɨkɨ. Tawari Kakaɨyari pumawe nehepaɨ 'anetɨ. Xewitɨ mɨnetsita'iwa pɨkayɨwe. Nixewitɨ muxatsi wahɨweme netsi 'aye'unietɨ pɨka'ayeiwe».

Mateu 8:20

Ketsutsi mɨpaɨ katinita'eiya: —Kauxaitsi yuterɨ mepexeiya, wikixi yu'itua mepexeiyata, peru ne, Yuri Tewi kenemɨtitewa, nepɨkaheixeiya hakewa nemeyukamuritɨani.

Mateu 28:18

Hikɨ Ketsutsi 'ahurawa kaniuyani, katiniwarutaxatɨani, mɨpaɨ 'utaitɨ: —Naimekɨ heitserie nepexeiya taheima meta kwiepa.

Rukaxi 24:27

'Ana Muitsexi xapaya xatatɨ meri yunaime texaxatamete waxapa xatatɨ, kanitsutɨani tiwahekɨatsitɨiyatɨ kemɨre'ukai hepaɨtsitana naime 'utɨarikatsie.

1 Tetsarunikatari 4:17

Hikɨ tameta temayeyuyuri, temɨtahayewatɨweni, 'ana kwitɨ tekananutiwitɨkiekuni wahamatɨa 'axeikɨa haitsata, Ti'aitame temanunakekɨ taheima, mɨpaɨ tiyɨyu, taheyemekɨ 'ateniu'uwakuni Ti'aitame matɨa.

Nɨawari 110:2

Yawé kemetsi'uparewieni pemɨtita'aitakɨ naitsarie Kerutsareme pe'ukaitɨ. Mana 'ekɨ ketine'aitani memɨmetsi'aye'unie wahixɨata.

Tanieri 7:2

'ikɨ kanihɨkɨtɨni kemɨraka'utɨa: «Tɨkarikɨ mɨpaɨ nekatiniuniere, haramara mɨmariwe nekaniuxeiya, kaniutayuanekaitɨni nauka 'ekayari muyuawitsie miemekɨ.

Tanieri 7:12

Hipatɨta 'ɨrawetsixi yutɨrɨkariya mekaniunawaiyarieni, peru yapaɨmexɨa memu'uwanikɨ mekaniupitɨarieni.

Tanieri 8:15

»Ne Tanieri, mexi kenemɨtiunierekai ne'iti'eriwakai ne'imaimɨtɨ, yapauka xewitɨ tewi hepaɨ tiyuxexeiyatɨ nehɨxie kaniutakeni.

Nɨawari 2:8

Kenetineutawawiri, nepɨmatiyetuirieni, nuiwarite nepɨmatsiyetuirieni, 'ahetsiemieme pɨrayani naitɨ kwie manuye'atɨka.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.