Tanieri 7:10 - Kakaɨyari Niukieya

¹⁰ Hɨxiena tai haixayari kanetineikakaitɨni. Miyuni meyupaɨmetɨ mekaneyexeiyakaitɨni, meyumɨiretɨ mekaniparewiekaitɨni. Kepauka 'itsɨkame 'amayerɨ, 'aixɨa mɨtiyɨnikɨ, xapate nanutayepiyaxɨani.

Tanieri 7:10 ပူးပေါင်းရင်းမြစ်များ

Kitsariyaxi 30:27

Neuxei. Yawé kemɨtitewa 'ateewa kanamieni, haxɨakɨ tatɨ waɨkawa kɨtsi 'anawietɨ, tenieyatsie pɨhɨpɨne haxɨa, nenieya tai mɨtiyuxɨtsitɨwa hepaɨ pɨ'ane.

Hutarieka 'inɨari 33:2

«Yawé Tsinahi heyeyaka kaninuani: Yuteɨterima wahetsie punua, tau 'ɨrɨya hepaɨ 'anetɨ Tsehixi kwieyaritsie, puhekɨarixɨ Parani hɨriyaritsie paitɨ, meta kaninuani Meriwa-Karetsi yutserie tau 'ɨrɨya hexeiyatɨ.

Matsiɨkɨtɨ kemɨratɨa 5:11

Hikɨ neheutaniereka nekani'enieni tita yumɨireme niuki tuayamete waniuki hepaɨ mɨti'eniɨriɨkɨkai, 'uweni 'aurie memayeneniere wa'aurie 'ukirawetsixi wa'aurie mekaniti'ukaitɨni mɨireme miyuniyari meyupaɨmetɨ.

Nɨawari 50:3

Takakaɨyari 'ukanamieni, peru kayuwatɨ hexeiyatɨ 'upɨkahamie, tai kananuyekani hɨxiena naime tititaiyatɨ, waritana katiniutatɨrarɨkani.

Nɨawari 68:17

Kaxetate kuyaxa mieme Kakaɨyari tipiinieya xeimiriyaritsixi mekaniyu'inɨatani, Tsinahi paitɨ yeyaka Ti'aitame wahamatɨa kaninuani yutukita meutahanikɨ.

Kura 1:14

Mɨya memɨ'anene meripai katiniwakuxaxatɨwakaitɨni 'Enuki 'Arani mɨxiɨyarieyatɨkai 'atahutarieka mieme, mɨpaɨ 'utaitɨ: «Ti'aitame nekaniuxeiya nuaximeme yuteɨterima warawitɨtɨ yumɨireme miriyari meyupaɨmeme,

Mateu 25:31

»Kepauka munuani Yuri Tewi yuxawatɨriyatsie, yunaime yuniuki tuayamete warawitɨtɨ, 'ana 'apayerɨni yu'uweni mɨxawatɨtsie.

Kitsariyaxi 30:33

Tupeti meripaitɨri kaniyukuha'aritɨani, ti'aitame hetsiemieme kanihɨkɨtɨni. Teeka kaniwati'inierieni heukatewatɨ 'awatiyeutɨ, waɨkawa tai meta kɨyexi hexeiyame, Yawé 'ihɨtsieyu kanitaimɨkɨ, tai hayari hatɨa muhaneni hepaɨ.

1 Te'aitamete 22:19

Tawarita Mikahiyaxi mɨpaɨ kaniutayɨni: —Keneu'eni 'ekɨ Yawé niukieya: Yawé nepuxei yu'uwenitsie 'akaime 'auriena yunaitɨ kuyaxi muyuawitsie miemete mepɨti'ukai, tserietana meta 'utatana.

Tanieri 7:22

Hikɨ 'Ukiratsi kaninuani, 'aixɨa mɨtiyɨnikɨ 'Amutewi hetsɨa miemete memɨpatsie wahetsiemieme. 'Ana kwitɨ memɨpatsie memɨte'aitanikɨ mekaniupitɨarieni.

Hepɨrayutsixi 12:22

Xeme matsi xepu'axɨa Tsiyuni yemuriyari hakewa mewe, Kakaɨyari mayeniere kiekariena, Kerutsareme taheima mieme hakewa maniere, yumɨireme wahetsɨa xepu'axɨa, taheima miemete niuki tuayamete wa'ixɨararipa,

Tsakariyaxi 14:5

Hikɨ xeme xekaniyuta'unakuni mayeweritsie, karikɨ mɨkɨ 'Atsari mɨrakutewa paitɨ kaniye'atɨyeimɨkɨ. Xekaniyuta'unakuni kexemɨteyuta'unaxɨ kwie mutayuatsie 'Utsiyaxi ti'aitakaku, Kura kwieyaritsie. Hikɨ 'ana Yawé kaninuamɨkɨ takakaɨyari, hetsɨana miemete memɨpatsie yunaime warawitɨtɨ.

Tanieri 7:26

'Itsɨkate 'ɨparitsie mekanayaxikuni, mɨkɨ 'awa tɨrɨkariya kaninawaiyariemɨkɨ meta yuheyeme kanika'unariemɨkɨ.

Hepɨrayutsixi 1:14

¿Kamɨtsɨ niuki tuayamete yunaitɨ 'iyarite mekatehɨkɨ, Kakaɨyari memɨte'uximayatsiriwamete, memɨtanɨ'ariwa memɨwaparewienikɨ kemɨ'ane wahetsie mɨtinakirɨme memɨtawikweitsitɨarienikɨ?

Matsiɨkɨtɨ kemɨratɨa 11:18

Nuiwarite mekaniha'akaitɨni, peru 'ahaxɨa kanaye'ani pemɨtiwakwinitɨanikɨ, tukari raye'a mɨkite pemɨwatahɨawekɨ, wa'iwarika pemɨwaminikɨ 'ahetsɨa miemete te'uximayatamete, Kakaɨyari niukametemama, Kakaɨyari teɨterimama memɨpatsie, mɨkɨ memɨmatsi'ayemakaxe kepemɨtitewakɨ, tɨɨri meta 'ukirawetsixi yunaitɨ, meta kanaye'ani pemɨwakwinikɨ kemɨ'ane kwie memɨtsewiximakai».

2 Kemɨtiuyɨ 18:18

Tawarita Mikahiyaxi mɨpaɨ kaniutayɨni: —Xekeneu'eni Yawé niukieya: Yawé nepuxei yu'uwenitsie 'akaime 'auriena yunaitɨ kuyaxi muyuawitsie miemete mepɨti'ukai, tserietana meta 'utatana.

Nɨawari 18:8

Tsuritana kɨtsi kanewakaneikakaitɨni, tetanata tai watixɨtsitɨwatɨ, tɨɨ xawawatɨme kaniwayenenetɨwakaitɨni.

Tanieri 12:1

»”Hikɨ Miyeri kaninuamɨkɨ, ti'aitame mɨmariwe 'ateɨterima wa'ɨwiyame. Yapaɨmexɨa tukari 'uximatɨarika kanitixuawerimɨkɨ, hatsuaku mɨkatiyɨwe hepaɨ nuiwarite memuyukama tsiepaitɨtɨ. 'Ateɨterima mekanitawikweitsitɨariekuni, xapatsie memaye'uxa kememɨtetetewa,

Kuwi 25:3

¿Kamɨtsɨ kuyaximama meteyu'inɨatsinɨa? ¿Kemɨ'ane hetsie hekɨariyaya pɨkaye'axe?

Nɨawari 103:21

Yunaitɨ kuyaximama, Yawé xekenenɨawani, te'i'uximayatsiriwamete kemɨtinake yaxemɨtekahu.