Tanieri 6:26 - Kakaɨyari Niukieya

²⁶ »Mɨpaɨ nepɨtiu'aitaxɨ naitsarie nemɨra'aitatsie teɨteri Tanieri Kakaɨyarieya mekehayexeiyani meta mariweme mekehayeitɨwani. »Mɨkɨ Kakaɨyari mayeyuri kanihɨkɨtɨni, yuheyemekɨ 'akaniuyeikani. Hakewa mɨre'aita hatsuaku pɨkaka'une, 'aitsikaya hatsuaku hawaikɨ pɨkaheu'ani.

Tanieri 6:26 ပူးပေါင်းရင်းမြစ်များ

Tanieri 4:34

Mɨkɨ wiyari 'anuyekɨneku ne, Nawukurunutsuxi, neheima muyuawitsie nepenierixɨ, 'ana tewi hepaɨ netinekɨhɨawetɨ nepatɨa. Hikɨ 'ana Kakaɨyari 'Amutewi neputanɨawaxɨ, neputihɨximake meta 'aixɨa neputayɨ yuheyemekɨ 'amuyeika hepaɨtsita: Tɨrɨkariyaya pɨkaheu'axe, pɨti'aita yuheyemekɨ.

Rukaxi 1:33

'Ixaheritsixi teɨteriyari katiniwata'aitɨamɨkɨ yuheyemekɨ. Kemɨtita'aita pɨkaheutipare hatsuaku.

Tanieri 7:14

mɨti'aitanikɨ kaniupitɨarieni, tɨrɨkariya meta xawatɨriya kaniupitɨarieni. Yunaitɨ teɨteri, nuiwarite meta yɨkɨ memɨte'uniuka me'eyexeiyatɨ mekanakɨne. Kemɨti'aita yuheyemekɨ pɨti'aitani, pɨka'anuyani, meta kemɨtita'aita hatsuaku pɨkaka'unarieni.

Tanieri 4:3

Waɨkawa 'inɨarieya pɨmamariwawe. Waɨkawamekɨ pɨtiyuhɨxiyatsitɨwa mariwemekɨ kemɨtiyurieni. Mɨra'aita kaheu'akamekɨ pɨti'aita. Kemɨti'itsɨkame tukari mɨyehane mɨkɨ 'apuwe.

Tanieri 3:29

'Ayumieme, ne mɨpaɨ nepɨti'aita, keheutiwitekiexɨani kemɨ'ane Tsatɨraki, Metsaki meta 'Awenekuxi wakakaɨyari hepaɨtsita 'axamutayɨni, kiiya ke'utataiyarieni naxi kehayani, tsepa kemɨ'ane nuiwaritsie mumieme meta tsepa kemɨtiuniuka. Tawari xewitɨ Kakaɨyari pumawe mɨpaɨ tiyuwikweitsitɨwatɨ».

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Nɨawari 29:10

Yawé, wiyeritsie yu'uweni kanexeiyani, Yawé yuheyemekɨ katini'aitani.

Nɨawari 2:11

Yawé xekenayexeiyani xeheyemakatɨ, xeyutemamawietɨ xekenenɨawani.

Matsiɨkɨtɨ kemɨratɨa 11:15

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

Xumatari 9:26

«Hakewa mɨpaɨ memɨte'utahɨawarie: “Xeme xepɨkaneteɨterima”, mana “Kakaɨyari mayeniere niwemama” mepɨteterɨwarieni».

Marakiyaxi 3:6

»Ne Yawé, nepɨkanepata. 'Ayumieme xeme Kakuwu nuiwarimama, xepɨkaheuyehɨiyawawe.

'Utseyaxi 1:10

»Peru 'uxa'atɨni warie 'ixaheritsixi teɨteriyari, yumɨiretɨ mepakɨne xiekari haramaratetsita mɨtika mɨkayu'inɨatsinɨa hepaɨ. Kepauka tukari maye'ani xeme hakewa mɨpaɨ xemɨteheterɨwarie: “Mepɨkaneteɨterimari”, mana mɨpaɨ xepɨteterɨwarieni: “Kakaɨyari mayeyuri niwemama”.

Tanieri 7:27

Hikɨ 'ana memɨpatsie pɨta mekaniyetuiriyariekuni, Kakaɨyari 'Amutewi teɨterimama memɨhɨkɨ, memɨte'aitanikɨ xawatɨriya mehexeiyatɨ meta tɨrɨkariya mete'aitatɨ naitsarie kwieyaritetsie. Kemɨti'aitani yuheyemekɨ katini'aitakamɨkɨ, mekaneyexeiyakakuni meta mehei'enietɨ yunaitɨ kuwexinaruritsixi kwiepa memɨtama”.

Keremiyaxi 10:10

Peru Yawé xeikɨa yuri Kakaɨyari kanihɨkɨtɨni, Kakaɨyari mayeyuri, yuheyemekɨ Ti'aitame. Kepauka muyeha'arɨwe, kwie kanewatayuaneni, nuiwarite haxɨaya memunewieni mepɨkayɨwawe.

Matsiɨkɨtɨ kemɨratɨa 5:14

Memayeneniere yunaukatɨ mɨpaɨ mekaniutiyuanekaitɨni: «Mɨpaɨ ketiɨyɨni» me'utiyuatɨ, meta 'ukirawetsixi metihɨxima'utɨ nenewieri mekanipitɨakaitɨni kemɨ'ane yuheyemekɨ mayeniere.

Matsiɨkɨtɨ kemɨratɨa 4:10

xeitewiyari heimana nauka 'ukirawetsixi hɨxiena mepukahɨxima'uwekai meta nenewieri me'ipitɨatɨ kemɨ'ane 'uwenitsie maka, tsepanetɨ xeitsienituyari wiyari manuyekɨka ke'ayeniereni yuheyemekɨ. Yukurunate hɨxiena mekanitimanakaitɨni mɨpaɨ me'utiyuatɨ:

Tsatiyaku 1:17

Naitɨ 'imikieri 'aixɨa mɨ'ane, meta naime temɨte'umikie mɨraye'axe mɨkɨ taheima kanimiemetɨni, hakewa makawe wa'ukiyari taheima miemete hekɨariwiwamete mɨwarutiwewi, mɨkɨ pɨkayupata, 'etɨriya hepaɨ, tau 'akayunirɨmekaku.

Hepɨrayutsixi 12:29

Metsɨ «Takakaɨyari tai naime mɨtitixɨtsitɨwa hepaɨ kani'aneni».

Mateu 6:13

Pepɨkatatsipitɨaka temɨta'inɨatsienikɨ, matsi ketaneutawikweitsitɨa 'axatemɨka'itɨarienikɨ. 'Ekɨtsɨ 'aheyemekɨ pekatini'aitametɨni pekanitɨrɨkaɨyeni witsipekani'aneni 'aheyemekɨ. Mɨpaɨ xeikɨa kani'aneni”.

Tanieri 6:20

Mana 'ahurawa 'umietɨ, yuhiwerietɨ mɨpaɨ katiniuhiwa: ―Tanieri, Kakaɨyari mayeyuri ti'uximayatsiriwame, ¿'Akakaɨyari, yuheyemekɨ pemeyexeiya, reyɨwekaxɨa mayetsi watsata mɨmatsihetawikweitsitɨani?

Kitsariyaxi 9:7

Kemɨti'aitanikɨ kanitamɨirimɨkɨ meta kayuwatɨ kemɨtiyupitɨwakɨ, meta mɨkɨ pɨka'uye'atɨyani. Rawiri 'uwenieyatsie 'akaitɨ katinita'aitamɨkɨ meta hakewa mɨre'aitakaitsie, 'amuwenikɨ meta mituikanikɨ heitseriemekɨ meta kemɨreuyewetse hikɨ meta yuheyemekɨ. 'Ikɨ yakatinaye'atɨamɨkɨ Yawé Naimekɨmɨtɨrɨkaɨye 'ɨtetsarikaya.

Nɨawari 146:10

Kerutsareme 'aku, Yawé keti'aitani yuheyemekɨ. 'Akakaɨyari keti'aitani yuheyemekɨ. Yawé kenɨawarieka.

Nɨawari 119:120

Marikakɨ 'ahɨxie nepɨyɨyɨaka, yaxeikɨata 'a'aitsika ne'ayemakatɨ.

1 Tsamuheri 17:36

Xɨka ne mati'uximayatsiriwame nehɨkɨtɨtɨ mayetsi hutseri newatakukuyani, 'ikɨta yaxeikɨa piritsiteu tewiyari nepɨyurieni, Kakaɨyari mɨkamate hikɨ Kakaɨyari mayeniere kuyaximama mɨwananaima.

1 Tsamuheri 17:26

Hikɨ Rawiri kaniwaruta'iwawiya hamatɨana memɨti'ukai: —¿Keme'utiyuane xɨka 'ikɨ piritsiteu tewiyari 'umieni tita tiyetuiriyarieni meta 'ixaheritsixi kemɨtatinanaima mɨtihayewakɨ? ¿Ketita 'ikɨ tiyu'erie piritsiteu tewiyari Kakaɨyari mɨkamate, Kakaɨyari mayeniere kuyaximama mɨwananaima wakwimɨtɨ?

Hutarieka 'inɨari 5:26

Xewitɨ tewitɨtɨ pɨka'uyeikanikeyu Kakaɨyari mayeniere 'u'enieka tai hetsie paitɨ, tame hikɨ ketemɨte'i'eni hepaɨ.

1 Tetsarunikatari 1:9

Mɨkɨtɨtɨ tahepaɨtsita mekatenikuxatani ketɨtɨ reyɨ kepauka tame xehetsɨa temeta'axɨa, kereyɨ kepauka xemɨte'uhayewaxɨ, kepauka Kakaɨyari hetsie xemɨte'uwiyaxɨ kakaɨyarixi xewaruku'eirieka, xemɨte'uximayakakɨ Kakaɨyari mayeyuri yurikɨ 'amuyeika hetsiemieme,

Nɨ'ariekate 17:25

teɨteri yumamakɨ mepɨka'eyexeiya, tixaɨtɨ mɨkareuyehɨwakɨ. Mɨkɨ yunaime tukari pɨwapitɨa, wa'iya meta naitɨ mɨtixuawe.

Rukaxi 12:5

Nepɨtixetaxatɨani kemɨ'ane matsi xemɨmakarɨka: xekenemakarɨka kemɨ'ane, ramieme, heitserie mexeiya tai yamɨtita'atsie mɨreukahɨani. Huu, mɨpaɨ nepɨtixekɨhɨawe, mɨkɨ xekenemakarɨka.

Kitsariyaxi 66:2

Netɨrɨkariya katiniuyurieni naime 'ikɨ mɨtiutawewi: mɨpaɨ tiɨyɨku 'ayumieme katiniuneni ―Yawé mɨpaɨ kanaineni―. »Ne nepuwaxeiya tixaɨtɨ memɨkateheuxeiya meta yu'iyaritsie memɨte'uka'eniwa, kemɨ'ane neniuki memayemakaxe.

'Etsitɨraxi 1:3

Hikɨ 'ayumieme, kemɨ'ane Kura mɨkiekame, Kerutsareme keheyani Yawé tukieya metawewienikɨ, 'Ixaheri Kakaɨyarieya, mɨkɨ Kakaɨyari Kerutsareme muyeika, merikɨte mɨkɨ Kakaɨyari kewareparewieka nekanaineni.

'Etsitɨraxi 7:21

Meta mɨpaɨ nekanaineni, ne ti'aitame 'Aritakexiketsi, mɨpaɨ nekatina'aitani, yunaitɨ tumini 'ɨwemete 'Eupɨrate 'anutaɨye xemɨtama tau makayuyuipike hepatsie, yapauka xeteneyutuakuni kepaɨmeme meta'iwauni yatɨni tita mɨreta'iwauni 'Etsitɨraxi mawari wewiwame meta ti'ɨkitame Kakaɨyari taheima makawe 'aitsikaya kemaine hepaɨtsita.

Nɨawari 42:2

Nepeuharimɨkɨ Kakaɨyari hetsie timiemekɨ, Kakaɨyari mayeyuri hetsie. ¿Kepauka Kakaɨyari hɨxie nepɨtakeni?