Tanieri 6:22 - Kakaɨyari Niukieya

²² Nekakaɨyari yuniuki tuayame kaneyenɨ'ani mayetsi watenie kaniuwiere. Yɨkɨ mepɨkanetsi'uyuri, Kakaɨyari yamɨtimatekɨ 'axanemɨkatiuyuri. Metatsiere 'Ekɨ ti'aitame 'ahepaɨtsita 'axanepɨkatiyuriwe.

Tanieri 6:22 ပူးပေါင်းရင်းမြစ်များ

2 Timuteu 4:17

Ti'aitame matsi ne'aurie puwekai netsitɨrɨkariyatɨ 'ikɨ xatsikaya yemekɨ mɨkuxaxatsiwanikɨ yanetikuxatakaku, yunaitɨ nuiwarite memi'enienikɨ. Neputawikweitsitɨarie maye pɨkanetsi'utakwai.

Hepɨrayutsixi 11:33

Mɨkɨ yuri memɨte'eriekaikɨ mepɨwara'iwaxɨ kwiepa te'aitamete, heitseriemekɨ mepɨte'aitakai, meheixeiyatɨ mepakɨ kememɨte'utahɨawarie, mekaniwaruta'imaiya mayetsi memɨkawatikwanikɨ,

Nɨ'ariekate 12:11

Hikɨ Pekuru yutamaixɨaka mɨpaɨ kaniutayɨni: «Hikɨrixɨa yurikɨ nepɨretima Ti'aitame yuniuki tuayame meyenɨ'a mɨnetsitawikweitsitɨanikɨ, Herurexi mɨkanetsimienikɨ meta huriyutsixi yunaitɨ kememɨteta'ikwewakai».

Nɨ'ariekate 24:16

'Ikɨ naime hepaɨtsita yanekatiniyurieneni ne'iyari kanetsi'utate'akaku, Kakaɨyari hɨxie meta teɨteri wahepaɨtsita.

Nɨawari 84:11

Yawé tau hepaɨ kani'aneni meta tepɨa tahetsie nunuwame, Kakaɨyari tahetsiemieme witsipɨtikuxata. Yawé kaniwareu'enieka heitseriemekɨ memu'uwa wahetsie karahɨpatɨ.

Mikeyaxi 7:7

Matsi ne Yawé hetsie netiwiyatɨ nepɨta'ikwewa, nepɨta'ikwewani Kakaɨyari hetsie netsiwikweitsitɨwame. Nekakaɨyari kaneni'eniemɨkɨ.

Tanieri 3:28

'Ayumieme Nawukurunutsuxi mɨpaɨ kaniutayɨni: «'Aixɨa kerahɨawarɨwani 'ikɨ yuhaikatɨ temari wakakaɨyari, yuniuki tuayame meyenɨ'a mɨwarutawikweitsitɨa. Mɨkɨ yuri mepɨte'eriekai hetsiena, kenemɨtiu'aitakai yuri mekate'erietɨ, mɨkiriya hetsie mepuyuyetua, xeime kakaɨyari hɨxie mekatunuma'uikutɨ mɨkawakakaɨyari.

Nɨawari 31:14

Yawé, netsietɨ 'ahetsie nekatiniwiyani, mɨpaɨ nekaniutaineni: «'Ekɨ pepɨnekakaɨyari».

1 Tsamuheri 17:37

Kepauka maye meta hutse mɨnetsikuwiwiyakaitsie Yawé kemɨnetiutawikweitsitɨa, hikɨta yaxeikɨa 'ikɨ piritsiteu tewiyari hepaɨtsita kaneniparewimɨkɨ. Tsahuri mɨpaɨ katinitahɨawe: —Kenemietsɨ Yawé kematsihe'ɨwiyani.

'Inɨatsie 20:16

Metatsiere pepɨtimate Yawé ketemɨte'utawawiri tatsi'u'enieka, yuniuki tuayame kataneyenɨ'airieni 'Ekipitu mɨtatsi'ayewitɨ. »”'Enari tekaniuhuni Karetsi, hakewa 'akwie meka'atɨka.

Nɨ'ariekate 27:23

Tɨkarikɨ Kakaɨyari niukieya tuayame kaneyuhekɨata nehɨxie kemɨ'ane hetsie nemɨtiwiya meta nemɨti'uximayatsirie,

Tanieri 6:23

Ti'aitame waɨkawamekɨ puyukatemawi, katiniuta'aita Tanieri muwatihanienikɨ. Kepauka muwatihanie, hawaikɨ tɨma pɨkahaxutsinikai, Tanieri yukakaɨyari hetsie yuri mɨti'eriekaikɨ.

Kitsariyaxi 63:9

naime kememɨte'uka'eniwakaikɨ. Mɨkɨtɨtɨ puwarutawikweitsitɨa, xeime pɨkaheyenɨ'a meta nixeime niuki tuayame. Yunaki'eriyakɨ meta yunenimayatsikakɨ kaniwarutawikweitsitɨani, kaniwaranukutɨkɨ, kaniwaretɨkɨ yumamatetsie meripaitɨ hepaɨ.

Kitsariyaxi 3:10

Heitseriemekɨ yamɨtikamie mɨpaɨ xeketeneutahɨawi kename 'aixɨa 'anemekɨ yeyani, kemɨtiuyurikɨ kaniyutemawiekamɨkɨ 'ikwaxi xeiyatɨ.

Nɨawari 118:28

'Ekɨ pepɨnekakaɨyari, 'ayumieme pamɨpariyutsi nepɨmetsipitɨa, 'ekɨ pepɨnekakaɨyari, 'ayumieme nepɨmetsinɨawa.

Nɨawari 38:21

Yawé, pepɨkanetsi'uku'e'eiriwani, nekakaɨyari, nexaɨtame pepɨkanetsikuhayeikawani.

Nɨawari 34:7

Yawé niuki tuayameya tihɨweme kaneyenɨ'awani memeyexeiya mɨwa'ɨwiyanikɨ, wa'aurie kaniuyeikani waparewienike.

2 Kemɨtiuyɨ 32:21

Hikɨ Yawé yuniuki tuayame kaneyenɨ'ani mɨwakwinikɨ yunaime kuyaxi meta tewa'aitɨwamete 'Atsiriyatsie ti'aitame memakuteitsie, meta kuyaximama tewa'aitɨwamete, hikɨ mɨkɨ 'ana yutewiyatɨ kanakunuani yukiekaritsie. Meta kepauka meutaha yukakaɨyari tukita, niwemamatɨtɨ mekanimieni.

Tanieri 6:20

Mana 'ahurawa 'umietɨ, yuhiwerietɨ mɨpaɨ katiniuhiwa: ―Tanieri, Kakaɨyari mayeyuri ti'uximayatsiriwame, ¿'Akakaɨyari, yuheyemekɨ pemeyexeiya, reyɨwekaxɨa mayetsi watsata mɨmatsihetawikweitsitɨani?

2 Tsamuheri 22:7

Waɨkawa ne'uximatɨarietɨ Yawé nekaniutahiwieni, nekakaɨyari neputahɨawixɨ mɨnetsiparewienikɨ, mɨkɨ yutukita paitɨ kaneniu'enieni, nehiwari nakatana paitɨ kaneye'ani.

2 Kurinitutari 1:12

'Aixɨa temutiyuanenikɨ mɨpaɨ tepaitɨka tahepaɨtsita, ta'iyaritsie 'aixɨa tepɨtetamate ketemɨyɨa 'ena kwiepa. Mɨpaɨ tepɨtemate, Kakaɨyari hetsiemieme tepatsietɨ tepɨyɨa, 'aixɨa tetehekɨatsietɨ Kakaɨyari kemɨtatipitɨa. Teɨteri wahepaɨ kememɨtemaiwawe tepɨkayɨa, matsi Kakaɨyari yatatipitɨakaku 'aixɨa kemɨtiuka'iyari, mɨpaɨ 'ayumieme tekaniyɨaka kwiepa memɨtama wahetsɨa, xehetsɨa matsi yemekɨ mɨpaɨ tekaniyɨaka.

Mateu 27:46

Hikɨ tau kɨa kawiekaku Ketsutsi karima kaniutahiwa mɨpaɨ 'utaitɨ: —Herí, Herí, ¿rama tsawatani? (taniukikɨ manuyɨne: “Nekakaɨyari, nekakaɨyari, ¿titayari penetiuku'eiri?”)

Nɨawari 26:6

Neheu'itiyatɨkaitɨ meta nehetsie karahɨiwakaku, Yawé, 'amawari taiyame warita nepayeika,

1 Tsamuheri 26:18

¿Titayari neti'aitɨwame mati'uximayatsiriwame penetiuweiya? ¿Kekuta netiuyuri? ¿Ketitakɨkuta 'axanetiuyuri?

Tsutɨarika 40:15

Hepɨrayutsixi takwieyaritsie paitɨ waɨriyarika nepeyehanie 'ena nepɨ'atɨarie, tixaɨtɨ 'atsinekareyurieka 'uwa nepayewe.

Hepɨrayutsixi 1:14

¿Kamɨtsɨ niuki tuayamete yunaitɨ 'iyarite mekatehɨkɨ, Kakaɨyari memɨte'uximayatsiriwamete, memɨtanɨ'ariwa memɨwaparewienikɨ kemɨ'ane wahetsie mɨtinakirɨme memɨtawikweitsitɨarienikɨ?

Keremiyaxi 37:18

Hikɨta, Keremiyaxi ti'aitame Tserekiyaxi kaniuta'iwawiya: —¿Ketita 'axanetiuyuri 'ahepaɨtsita ti'aitame, yatɨni pemɨtiwa'aitɨa wahepaɨtsita, yatɨni 'ateɨterima wahepaɨtsita, ketitayari peneranutahɨa?

Tanieri 6:4

Hikɨ ti'aitame parewiwametemama meta waxexeiyamete tixaɨtɨ mekateniutiwauni Tanieri memɨtaxanetakɨ 'axa'uximayatsika hepaɨtsita ti'aitame mɨra'aitatsie mieme. Matsi tixaɨtɨ mepɨkate'ukaxei memitaxanetakɨ, Tanieri 'aixɨa mɨtiuka'iyarikaikɨ, nitixaɨtɨ pɨkatihiwe'eriekai meta pɨkaheuyewautsekai.

1 Te'aitamete 13:28

Kakaɨyari niukameya kaneyani, hikɨ kaneitaxeiya kaxari huyeta hekaikame, puxuya 'auriena meta maye 'auriena. Maye pɨka'itakwaiwekai kaxari meta puxu 'atsipɨka'uyuri.

Tanieri 6:7

Tame ti'aitame 'ahetsiemieme te'uximayatamete, meta kuyaxi tewa'aitɨwamete, metsiparewiwamete, 'ɨxatsitamete meta kuwexinaruritsixi teyunaitɨ, mɨpaɨ tepɨtehexa 'Ekɨ ti'aitame 'aitsika hekwame pepɨtawewieni. Mɨpaɨ paineni mɨkɨ 'aitsika, xeimetseritsie xewitɨ pɨkayɨweni kakaɨyari mɨnenewiyani yatɨni xeime tewi, matsi 'ekɨ xeikɨa ti'aitame. Mɨkɨ 'aitsika naitsarie 'ikɨ kwieyaritsie pɨmiemetɨni, kemɨ'ane yamɨkatikayani 'ayenieretɨ putsuta mayetsi memuye'uwa keheukahɨiyani.