Tanieri 5:23 - Kakaɨyari Niukieya

²³ Matsi pɨta, Kakaɨyari muyuawitsie makawe pepaye'unie, pepɨtiuta'ai tekɨxite mɨhapaniemiekɨ tukitana mieme, hetana xemɨti'ienikɨ 'ekɨ meta 'aparewiwamete, meta xe'ɨitama metatsiere xetuxexerima. 'Ekɨ pepɨ'ayetua pewanɨawatɨ kakaɨyarixi memɨwewiyatɨka, hurukɨ, pɨratakɨ, tepɨakɨ, kɨyekɨ meta tetekɨ, mɨkɨ kakaɨyarixi memɨkaheuneniere, memɨkaheu'enana meta memɨkaheti'enatɨkɨka, matsi Kakaɨyari mariweme pepɨka'ayeitɨa tukari mɨmatsipitɨa meta kepemɨti'aitani mɨmatsipitɨa.

Tanieri 5:23 ပူးပေါင်းရင်းမြစ်များ

Kuwi 12:10

Teyunaitɨ temayeyuyuri mɨkɨ tɨrɨkariyayatsie tetewiyatɨ tepɨte'ane, meta teyunaime ta'iiya pɨtatsipitɨa temɨtɨrɨkawinikɨ.

Tanieri 4:37

'Ayumieme ne, Nawukurunutsuxi, nekaninɨawani, mariweme nekaneyeitɨwani meta 'aixɨa nekanaineni Ti'aitame muyuawitsie makawe hepaɨtsita, yuheyemekɨ kemɨtiheitserie mɨtiyurienekɨ meta heitserie mexeiyakɨ, meta puyuwaɨriya memɨyuti'ɨre tixaɨtɨ mɨkatiwarayeitɨani.

Keremiyaxi 10:23

Yawé, ne nepɨtimate tewi yutukari pɨkakutsiyari, pɨkapitɨarie yeikame kemɨtinake mumieni.

Kitsariyaxi 37:23

¿Kemɨ'ane 'axapepɨranutahɨawixɨa? ¿Kemɨ'ane hetsiemieme 'axapeputayɨ? ¿Kemɨ'ane pepanutahiwiexɨa meta kemɨ'ane hɨxie pepuyuta'ɨrixɨ? Mɨpatsie 'Ixaheri hetsiemieme hepaɨtsita.

Kitsariyaxi 2:12

Yawé Naimekɨmɨtɨrɨkaɨye xeime tukaritsie kanayenemɨkɨ yunaitɨ memuyuti'ɨre meta mamariwaweme memayuyeitɨwa wahepaɨtsita, yunaime memuyuti'ukita wahepaɨtsita, tixaɨtɨ mekatehɨkɨtɨme mɨwarayeitɨanikɨ,

Keremiyaxi 50:29

»Tupikɨ temɨmɨmete xekeniwarukuxeɨri Wawiruniya memɨtamienikɨ, yunaime kemɨ'ane memɨteheutamɨiwawe, waritana xekenayaxetɨkɨni, nixeime xepɨkatayutsitɨwani. Kememɨte'uyuri mɨpaɨ xekeniwaruyuri, yaxeikɨa xeketeniwarakapitɨa kememɨxe'uyuri. Mɨkɨ Yawé muta'iwaxɨkɨ, Mɨpatsie 'Ixaheri hetsiemieme.

Temaiwawemete 20:24

Tewi kemɨtimie Yawé kaniwitɨximeni. ¿Tewi yukɨmana yuhuye keretimani?

Kuwi 31:4

¿Kamɨtsɨ Kakaɨyari kanetixeiya kenemɨtiuyeika meta kati'inɨata kenemɨtiumiekɨ?

Hepɨrayutsixi 4:13

Tsepa kemɨtitita munetɨarie pɨkayɨwe mɨ'awietsiekakɨ mɨkɨ kemɨtixeiya, naitɨri matsi pɨmatsiɨkɨ panutiyepiya kemɨ'ane mɨtatsitahɨawe 'ixeiyakaku.

Kitsariyaxi 37:19

Wakakaɨyarixima taipa mekaniwareuxɨrieni meta mekaniwaruti'una, mɨkɨ memɨkakakaɨyarixitɨkaikɨ matsi xeikɨa kɨyexi meta tetexi memɨhɨkɨtɨkaikɨ, teɨteri wawewiya.

Nɨawari 139:3

Pepɨtimate kepauka nemukuyeika meta kepauka nemu'uxipie, naime pepɨtimate nitixaɨtɨ pepɨkatitɨmaiya.

2 Te'aitamete 14:10

Metsɨ mɨpaɨ kani'aneni, 'Erumi pekana'iwa, hikɨ 'ayumieme kwinimieme pekatini'atemawieka. 'Aixɨa kani'aneni, kene'ata'ɨreni kuta, peru 'akie keneukani. Pepɨka'iwauneni 'ekɨ pemɨmierienikɨ meta Kura mɨka'unarienikɨ».

1 Timuteu 3:6

Xike yuri mɨtiuta'eri pɨkahɨkɨtɨni, kapa 'uyuta'ɨreme kauyumarie hepaɨ 'uximatɨarika 'upitɨarieni.

1 Kurinitutari 8:4

Merikɨte, 'ikwai hepaɨtsita kakaɨyarixi kememɨtemawiyarie, mɨpaɨ tepɨtemate, tete pɨkaxuawe kwiepa yuri mɨkakaɨyari, xewitɨ pɨkaxuawe kakaɨyaritɨtɨ. Kakaɨyari yuxewitɨ 'akaniuweni xeikɨa.

Nɨ'ariekate 17:25

teɨteri yumamakɨ mepɨka'eyexeiya, tixaɨtɨ mɨkareuyehɨwakɨ. Mɨkɨ yunaime tukari pɨwapitɨa, wa'iya meta naitɨ mɨtixuawe.

'Awakuki 2:4

»Memuyuti'ɨre 'iyari heitseriekame mepɨkahexeiya, peru kemɨtiheitserie 'amuyeika yuri mɨti'eriekɨ payeyurini.

'Etsekieri 31:10

»”'Ayumieme Yawé naimekɨmɨyɨwe mɨpaɨ kanaineni: ‘'Iteɨri waɨkawa mutawerixɨkɨ 'a'utewitɨ, kaniuyuta'ɨre, yɨkɨtsimeyarikɨ hai mukuyuitɨwakaikɨ,

'Etsekieri 28:17

Witsipemɨtitemaikɨkaikɨ pepu'ata'ɨrixɨ. Pemɨxawatɨriyatɨkaikɨ petimaiwetɨ pepɨkahatɨa. 'Ayumieme kwiepa nepɨmatsiheukahɨa, meta te'aitamete wahɨxie tewiyarika nepɨmatsihayeitɨa.

'Etsekieri 28:5

Kwinimieme pemɨreyutaharerutawekɨ, 'ayumieme waɨkawa xiku pepa'ayeitɨa. Waɨkawa pemɨrexeiyakɨ kwinimieme petiuyu'ɨretɨ pepatɨa.

'Etsekieri 28:2

«Tewi pemunu'aya, mɨpaɨ ketinayehɨtɨa ti'aitame Tiru kiekame, Yawé naimekɨmɨyɨwe mɨpaɨ kanaineni: »“'Ataɨta pe'uyuta'ɨreka mɨpaɨ peputayɨ: ‘Ne kakaɨyari nepɨhɨkɨ. Haramara 'amatiyewatsie nepɨyeyeika, kakaɨyarixi wa'uwenitsie ne'akaitɨ’. Peru neuxei 'ekɨ pepɨkakakaɨyari, tsepa mɨpaɨ pemɨti'amate. 'Ekɨ tewi pemɨmɨwe xeikɨa pekanihɨkɨtɨni.

Kitsariyaxi 42:5

Kakaɨyari mɨpaɨ kanaineni, Yawé, kemɨ'ane muyuawi mutawewi meta mitaweraxɨ, kemɨ'ane kwie mukama, meta tita mana mɨtixuawe, mana kiekatari teɨteri wa'iiya muwapitɨa, tukari muwapitɨa mana memu'uwa:

Kitsariyaxi 33:10

Yawé mɨpaɨ kanaineni: «Hikɨ nekananukukemɨkɨ. Hikɨ 'aixɨa nekatinitahɨawariemɨkɨ, nehetsiemieme 'aixɨa katinitaniukiemɨkɨ.

Nɨawari 146:4

Kepauka mɨmɨni tumuanari kanayeimɨkɨ xeikɨa, 'ana kemɨtiku'eriwakai naitɨ katineuyewemɨkɨ.

Nɨawari 115:16

Muyuawi Yawé katinipiinieyatɨni, peru teɨteri kwie kaniwayetuirieni.

Nɨawari 104:29

Xɨka pewaruhayewa, meputimamawe, xɨka wa'iiya pewarunawairieni mepɨtakukuwe meta tumuanari mepakɨka.

'Itsɨkate 16:23

Piritsiteutsixi wa'ukiyarima mekaniuyukuxeɨrieni 'ixɨarari mewewienike meta mawari me'iwewirienike yukakaɨyari Rakuni, mɨpaɨ me'utiyuatɨ: «Takakaɨyari pɨtatsiyetuiri Tsanitsuni mɨtatsi'aye'uniekai».

Tsutɨarika 14:19

Hikɨ Kakaɨyari kaniutawawirieni 'Apɨrami 'aixɨa muyurienikɨ, mɨpaɨ 'utaitɨ: «Kakaɨyari 'Amutewi, muyuawi mutawewi meta kwie, 'Apɨrami 'aixɨa keyurieka.

Tsutɨarika 2:7

Hikɨ Yawé Kakaɨyari tewi kaniutawewieni kwiekɨ. Tsurieyatsie 'ihɨtsieka tukari kanipitɨani mayenierenikɨ muta'iwenikɨ. 'Ana 'ayeyuritɨ tewi kanayani.

Matsiɨkɨtɨ kemɨratɨa 9:20

Hipatɨ teɨteri memɨka'ukwi'iwaxɨ mewakwikaku, mɨkɨ mepɨkatehayewakai mete'ayexeiyatɨ tita yumamakɨ memɨtewewie. Mepɨkatehayewakai nenewieri mewapitɨatɨ kakaɨyarixi 'axamemɨ'anene, huru, pɨrata, wurunitse, tete, kɨye kakaɨyarixiyari tsepa memɨkaheuneniere, memɨkaheu'enana, meta memɨka'ukɨniwawe.

Kitsariyaxi 13:11

Kwiepa memɨtama 'axakememɨteyuriekɨ nepɨtiwakwinitɨani, meta 'axateyuruwamete 'axamemɨteyuriekɨ. Memɨteyukananaima kememɨte'uyuti'ɨre nekaneutiparitɨamɨkɨ memamariwaweme memuyuxata memuyuti'ɨre tixaɨtɨ nepɨkatiwarayeitɨani.

Kitsariyaxi 14:13

'A'iyaritsie mɨpaɨ peputainekai: «Muyuawitsie paitɨ nepanutiyani. Ne'uweni mana paitɨ nepɨtakeni Kakaɨyari xurawetsiximama waheima. Tayeta mutiniere paitɨ nepɨtita'aita, kakaɨyarixi wahɨritsie paitɨ.

Keremiyaxi 48:26

»Muhawi xekeneuhayewa matiwenikɨ tawekame hepaɨ, Yawé hɨxie mariweme mayuyeitɨakɨ. Yuhayaritsie ke'ukaweni, 'atsieriwame kehayani.

1 Tsamuheri 17:26

Hikɨ Rawiri kaniwaruta'iwawiya hamatɨana memɨti'ukai: —¿Keme'utiyuane xɨka 'ikɨ piritsiteu tewiyari 'umieni tita tiyetuiriyarieni meta 'ixaheritsixi kemɨtatinanaima mɨtihayewakɨ? ¿Ketita 'ikɨ tiyu'erie piritsiteu tewiyari Kakaɨyari mɨkamate, Kakaɨyari mayeniere kuyaximama mɨwananaima wakwimɨtɨ?

1 Tsamuheri 17:36

Xɨka ne mati'uximayatsiriwame nehɨkɨtɨtɨ mayetsi hutseri newatakukuyani, 'ikɨta yaxeikɨa piritsiteu tewiyari nepɨyurieni, Kakaɨyari mɨkamate hikɨ Kakaɨyari mayeniere kuyaximama mɨwananaima.

Keremiyaxi 50:28

Yu'unamete wahiwari pa'eniuriukɨ, Wawiruniyatsie memayuye'unaxɨa, Tsiyuni mekatenikuxatatɨweni Yawé kemɨtiwarakapitɨa, takakaɨyari, tukieya memuka'unaxɨkɨ.

Tanieri 8:11

matsi waɨkawa mariweme kaniyu'eriekaitɨni keyuri kuyaxi muyuawitsie miemete tiwa'aitɨwame. Mɨkɨ tiuyurieku mawari xexuime tukaritsie mieme kaneutipare meta tuki ka'itiyatɨ kanayani.

Tanieri 11:12

'Ikɨ rayu'iwame, ti'aitame tatsutɨa kiekame waɨkawa kaniyuta'ɨrimɨkɨ meta yumɨireme kaniwakwimɨkɨ, matsi rayu'iwatɨ pɨkareutere,