Tanieri 5:11 - Kakaɨyari Niukieya

¹¹ 'Ekɨ ti'aitame pemɨra'aitatsie xewitɨ 'apuyeika kakaɨyarixi memɨpatsie wa'iyari hexeiyatɨ. Kepauka ti'aitame 'amuyeikakai Nawukurunutsuxi, 'ekɨ 'apaapa, mɨkɨ tewi pukaxeiyarie timaiwetɨ, yapauka retimamateketɨ, kakaɨyarixi 'iyari memexeiya hepaɨ 'aneme hexeiyame. 'Ekɨ ti'aitame 'apaapa penukake temaiwawemete, mara'akate, muyuawitsie timiemekɨ memɨteyu'ukitɨa meta memɨtehetimamateke wa'ukiyari mɨhɨkɨtɨnikɨ.

Tanieri 5:11 ပူးပေါင်းရင်းမြစ်များ

Tanieri 4:18

»Ne, Nawukurunutsuxi, mɨpaɨ nekatiniuheinɨni. Hikɨta 'ekɨ, Werititsatsaxi, kenetineutaxatɨa kehepaɨtɨtɨ mɨti'inɨariyari, 'ikɨ nixewitɨ mɨtimaiwe nemɨra'aitatsie kiekame pɨkanetsi'utahekɨatɨa. Peru 'ekɨ pekaniyɨweni, kakaɨyarixi wa'iyari mɨpatsie 'ahetsie mɨyekakɨ».

Tanieri 5:14

Mɨpaɨ nepɨtikuxaxatɨariwa kename 'ekɨ kakaɨyarixi wa'iyari pehexeiya, kename kwinimieme petimate meta waɨkawa perakumate.

Matsiɨkɨtɨ kemɨratɨa 3:9

Kamɨtsɨ mɨpaɨ nepɨtiwapitɨaka mɨkɨ Kauyumarie tukitana memɨmiemete, mɨkɨ huriyutsixi teɨteriyari memɨte'uyuterɨwa peru memɨkahɨkɨ, memɨte'itawa xeikɨa, kamɨtsɨ mɨkɨ nepɨwarahapani, me'a'iwarieme memɨtihɨxima'unikɨ 'ahetɨa. 'Ana mɨpaɨ mepɨtehetimani, nemɨmatsinaki'eriekɨ 'ekɨ.

Nɨ'ariekate 12:22

Teɨteri mɨpaɨ mekateniuhiwakaitɨni: «Tewi pɨka'utaine, kakaɨyari putaine».

Tanieri 2:11

'Ekɨ ti'aitame kepemɨtatiwawirie pɨkayɨwe, nixewitɨ pɨkayɨwekaxɨani mɨmatsitahekɨatɨani, hɨrixɨa kakaɨyarixi. Peru mɨkɨ tahamatɨa mepɨka'u'uwa.

2 Tsamuheri 14:17

»Metatsiere mɨpaɨ nepɨre'eri, niukieya xɨari 'aixɨa netiku'eriwame pɨnetsi'ayeitɨani, 'ekɨtsɨ ti'aitame niuki tuayame Kakaɨyari hetsɨa mieme hepaɨ pekani'aneni, pemɨtimaiwe tita 'aixɨa mɨti'ane meta 'axamɨti'ane hepaɨtsita. Yawé 'akakaɨyari 'aixɨa kematsiyurieka.»

Nɨ'ariekate 16:16

Hikɨ mɨrayutinenewitɨre teheukɨneka, 'ɨimari waɨriyarika mɨti'uximayatame katananukunake, 'iyari 'axamɨ'ane minɨkai kɨmana mɨtimaiwekai. Mɨkɨ tikuxatatɨ kemɨtiyɨnikekai waɨkawa pɨti'iwakai yukutsiyarima wahetsiemieme.

Nɨ'ariekate 14:11

Teɨteri me'ixeiyaka Papuru kemɨtiuyuri, me'utihiwatɨ rikahuniyatari waniukikɨ, mɨpaɨ mekaniutiyuani: —Kakaɨyarixi tahetsɨa mepu'axɨa teɨteri wahepaɨ meteyuxexeiyatɨ.

Tsutɨarika 41:38

Hikɨ Parahuni mɨpaɨ katiniwaruta'iwawiya memiparewiekai: —Kamɨtsɨ hakewa tepeikaxeiya xeime 'ikɨ hepaɨ 'anekame, Kakaɨyari 'iyarieya hexeiyame.

'Etsekieri 28:3

¿Kamɨtsɨ Tanieri reuyeta petimaiwe? ¿Kamɨtsɨ naime tita mɨti'awie petimate?

Tanieri 1:4

Temari mepɨhɨkɨtɨnikekai 'aixɨa memɨteyuxexeiya meta yuwaiyaritsie mekatekukuyeme, naime memɨtehetimanikɨ meyɨwaweme, metemaiwaweme meta paratsiyuta meteheuta'uximayatawaweme, mɨkɨ 'Atsipenatsi pɨtiwati'ɨkitɨanikekai wawiruniyutsixi waniukikɨ meta wa'utɨarikakɨ.

Tanieri 2:22

Mɨkɨ meukatewatsie timieme pɨtihekɨata meta tita mɨti'awietɨ, yapɨtimate tita 'etɨripa mɨti'awietsie. Hetsiena hekɨariya pɨyeka.

Tanieri 5:7

Hikɨ katiniuta'aita mara'akate, muyuawitsie timiemekɨ memɨteyɨ'ukitɨa meta memɨtehetimamateke hɨxiena memɨ'axɨanikɨ, mɨkɨ temaiwawemete Wawiruniya kiekatari mɨpaɨ katiniwarutahɨawe: ―Kemɨ'ane huta ma'uxa makaterɨwa meta mɨnetsitahekɨatɨani kehepaɨtɨtɨ manɨyɨne, ne 'ixuriki mɨyɨtsikimaɨyekɨ nekanitikemaritɨamɨkɨ, huru kukayari nekanekatɨtɨamɨkɨ meta hairieka mieme kuwexinarurikɨ nekanenayexeiyamɨkɨ.

'Etsekieri 28:4

'Ekɨ kepemɨtimaiwekɨ meta kepemɨtimatekɨ 'axikutɨriya pepɨtiukuxeɨri, 'akakuni pemexeiyatsie pepeikayatsaxɨ waɨkawa huru meta pɨrata.

Tanieri 4:5

kepauka nemɨtiuheinɨ waɨkawa pɨnetsi'utimariu. Nemuwakahuputsie nekakaitɨ, kenemɨtiunierixɨ waɨkawa 'axanetiku'eriwame pɨnetsi'ayeitɨa.

Tanieri 4:6

Hikɨ nekatiniuta'aita yunaitɨ temaiwawemete Wawiruniyatari nehɨxie memɨ'axɨanikɨ neheinɨtsi memɨnetsitahekɨatɨanikɨ.