Tanieri 5:1 - Kakaɨyari Niukieya

¹ Hikɨ ti'aitame Weritsatsaxi 'ikwai 'ixɨarariyari kaniuwewieni mariweme, kaniwaruta'inieni xeimiriyari teɨteri waɨkawa memeuyewetse mɨkɨ kwieyaritsie, mɨkɨ wahamatɨa winu kaniuti'ieni kaniutitaweni.

Tanieri 5:1 ပူးပေါင်းရင်းမြစ်များ

'Etsitexi 1:3

Hairieka wiyaritsie ti'aitatɨ 'ixɨarari kaniuwewieni yunaitɨ te'aitamete memiparewie wahetsiemieme, mekanekɨkɨnixɨani kuyaxi wa'ukiyarima Peritsiya kwieyaritsie kiekatari meta Meriya miemete, meta 'auriena memuti'u meta kwieyarite kepaɨmetɨ mana mɨrawiyatɨkatei meta kuwexinaruritsixi,

Kitsariyaxi 22:14

Yawé Naimekɨmɨtɨrɨkaɨye mɨpaɨ kanetiniu'enitsitɨiya: «'Ikɨ 'axakememɨte'uyurikɨ hatsuaku nepɨkatiwareuyehɨwirieni kepaukake memukwini. Ne nekanaineni Ti'aitame, Yawé Naimekɨnemɨtɨrɨkaɨye».

Kitsariyaxi 22:12

'Iya tukaritsie Ti'aitame, Yawé Naimekɨmɨtɨrɨkaɨye, pɨxe'utahɨawixɨ xemutitsuananikɨ xeyuhiwerietɨ, yumu'utsie xemuyukaxinikɨ meta xemuyutihiwerienikɨ.

Nahumi 1:10

Tupiriya mɨwawaki hepaɨ mekanitixɨtsitɨariekuni, xuya mayuyewiya hepaɨ, meta tarɨwekarixi winu 'iiyarikɨ memanutikɨ hepaɨ.

Keremiyaxi 51:57

Memanuyetei meta temaiwawemete neniwatitarɨwaitɨamɨkɨ, meta kuwexinaruritsixi, teparewiwamete meta kuyaxi, hikɨ mekaneukutsikuni yuheyemekɨ, hatsuakuri mepɨkahayuhɨtɨani», Ti'aitame mɨpaɨ kanaineni, Yawé Naimekɨmɨtɨrɨkaɨye mɨtitewa.

Keremiyaxi 51:39

Kepauka mɨxɨkanitsie, nekaniwarakaharitɨamɨkɨ, nekaniwatitarɨwaitɨamɨkɨ yamemɨtiyɨnikɨ kemɨtiwanake. Mɨpaɨ yuheyemekɨ mekaneukutsikuni hatsuaku mepɨka'anutaneniere —Yawé mɨpaɨ kanaineni—.

Tsutɨarika 40:20

Hikɨ haika tukari 'anukayaku, Parahuni ti'aitame yutukari kaniuwewieni yuhetsɨamiemete wahetsiemieme. Hikɨ mɨkɨ yunaime wahɨxie katiniuta'aita memanutaxɨriyakai memɨwayehapanienikɨ, tekɨxi 'uitɨwamete tiwa'aitɨwame, paa wewiwamete tiwa'aitɨwame.

Keremiyaxi 50:35

»Wawiruniyutsixi mɨɨya pɨwapitɨani. Memanuyetei meta memɨtemaiwawe mana kiekatari puwakwini —Yawé mɨpaɨ kanaineni—.

Tanieri 5:30

Mɨkɨ tɨkariyaritsie Weritsatsaxi kaniumierieni, wawiruniyutsixi tiwa'aitɨwame, hikɨ Rariyu Peritsa kiekame pɨta mana katiniuta'aita.