Tanieri 4:35 - Kakaɨyari Niukieya

³⁵ Yunaitɨ kwiepa memɨtama nitixaɨtɨ mepɨkatehɨkɨ hɨxiena. Kakaɨyari yapɨtiyuriene kemɨtinake niuki tuayamete wahetsie meta teɨteri kwiepa memɨtama wahetsie. Pumawe xewitɨ tɨrɨkariyaya hɨxie mukeni meta pumawe titayari mɨya petiyuriene mɨrehɨawe.

Tanieri 4:35 ပူးပေါင်းရင်းမြစ်များ

Nɨawari 135:6

Yawé naime yapɨtiyuriene kemɨtinake, taheima muyuawitsie meta 'ena kwiepa, haramaratsie meta naitsarie meukatetewatsie.

Kuwi 42:2

«Ne mɨpaɨ nepɨtimate 'ekɨ naimekɨ pepɨyɨwe, xewitɨ pɨkayɨwe yamɨtiuyurieni 'ekɨ pemɨ'iyɨrienikɨ.

Nɨawari 115:3

Takakaɨyari muyuawitsie kaniuyeikani, mɨkɨ yakatiniyurieneni kemɨtinake.

'Epetsutari 1:11

Mɨkɨ meta, mɨkɨtsie tetewiyatɨ tekananayexeiyarieni. Mɨpaɨ tepɨte'ukayatsarie teɨterimama temakɨnekɨ, mɨpaɨ katiniyuriemɨkɨkaitɨni meripai, mɨpaɨ tiniyɨkɨhɨawekaitɨni kemɨ'ane naime mɨtikuyuitɨwa yatiyɨkɨhɨawetɨ kemɨtinake.

Kitsariyaxi 43:13

Meripaitɨtɨ, Ne nekanihɨkɨtɨni. Nixewitɨ nemamatsie muyuxɨna pɨkayɨwe. Kenemɨtiyurieni, nixewitɨ pɨka'itatara».

Nɨ'ariekate 4:28

mekaniyukuxeɨrieni yameteyurienike tita pemɨtiyurienikekai meripaitɨ yapɨtiyɨnikekai.

1 Kurinitutari 10:22

¿Nutsɨ Ti'aitame tepɨyehaxɨatɨani? ¿Kamɨtsɨ tame waɨkawa tetetɨrɨkawi, Ti'aitame tahepaɨ katitɨrɨkaɨyekaku?

1 Kurinitutari 2:16

«¿Kemɨ'ane pɨtimate kemɨtiku'eriwa Ti'aitame, kemɨ'ane pɨtita'ɨkitɨani?» Peru tame Kɨritsitu hepaɨ tekateniku'eriwani.

Kuwi 40:2

«¿Kemɨ'ane Naimekɨmɨtɨrɨkaɨye mɨniukima tiyɨwe mitaheitseritɨanikɨ? Kakaɨyari ke'uta'eiya kemɨ'ane hetsiena mɨtiuhɨpa».

Kuwi 23:13

»Matsi mɨkɨ Ti'aitame kanihɨkɨtɨni, ¿kemɨ'ane pɨyɨwe kemɨtiyurienekɨ mɨta'imaiya? Mɨkɨ kemɨtiyurimɨkɨ, yapɨtiyuriene.

Kuwi 34:29

¿Matsi kepaikɨ hetsiena pɨrahɨawe xɨka mɨkɨ kayuwatɨ tiuyerɨni? ¿Kepaikɨ pixeiyawe xɨka yunierika 'awietani? Mɨkɨ yunaime teɨteri meta wakiekari waheima pɨkawe,

Kuwi 9:4

Mɨkɨ waɨkawa katinimaiweni tɨrɨkariyaya kanimariweni. ¿Kemɨ'ane pɨyɨwe 'itamieme 'aixɨa 'iyari mɨyɨxɨna?

1 Tsamuheri 3:18

Tsamuheri katinitaxatɨani naime, tixaɨ karanukanatɨ, 'ana 'Eri mɨpaɨ kaniutayɨni: —Yawé mɨkɨ kanihɨkɨtɨni, yaketiɨyɨni kemɨtinake.

Nɨ'ariekate 5:39

Mexɨka Kakaɨyari hetsɨa miemetɨni, xepɨkayɨwawe xemɨwata'imaiya, tietɨtsɨ Kakaɨyari xe'aye'unieka». Merikɨtsɨ mekani'enieni.

Temaiwawemete 21:30

Tewi kemɨtimaiwe Yawé hɨxie tixaɨtɨ pɨkatihɨkɨ, meta tiuyemaitɨ, 'ɨxatsitawetɨ tixaɨtɨ pɨkatihɨkɨ kemutaine.

Nɨ'ariekate 9:5

Mɨkɨ rehɨawe: —¿'Ekɨ Ti'aitame kemɨ'ane pepetaine? Mɨkɨ mɨpaɨ kaniutayɨni: —Netsɨ Ketsutsi nekanihɨkɨtɨni pemɨnetsikuweiyane. Pɨmatsi'ukukuine pemɨka'awaɨriyakɨ, pemɨti'aketsinakɨ pe'anatseiwatɨ titsewemekɨ.

Kitsariyaxi 26:9

Tɨkarikɨ naime ne'iyarikɨ nepɨmatsi heuyehɨwa, ximeri ne'iyari pɨmatsi'utiwawa. Kepauka 'aixɨa pemɨtiyuriene kwiepa, kwiepa memɨtama mepɨtehetimamateke tita mɨtiheitserie.

Nɨ'ariekate 11:17

'Ayumieme, xɨka Kakaɨyari wayetuirieni mɨkɨ 'imikieri yaxeikɨa tame kemɨtatiupitɨa Ti'aitame Ketsutsi Kɨritsitu hetsie yuri tete'uta'erieku, ¿Ne ketsɨ netiyɨwekai Kakaɨyari nema'imaiyanikɨ?

Nɨawari 49:1

'Ikɨ xeketeneu'eni, yunaitɨ teɨteri: xekeneu'enana, kwiepa xemɨtama naitsarie,

Nɨawari 33:14

mɨkɨ pɨwataxeiya yu'uwenitsie paitɨ 'akaitɨ, yunaime teɨteri kwiepa memɨtama.

Nɨawari 39:5

Netukari pɨkawaɨkawa pemɨnetsi'upitɨa, 'akɨmana, kepaɨmeme wiyari nemuyurieni tixaɨtɨ pɨkatihɨkɨ. Xeihɨtsiyari xeikɨa pɨhɨkɨ tewi mɨmɨwe.

Ti'ɨkitame 8:4

Ti'aitame niukieya kani'enierieka, xewitɨ pɨkayɨwe mita'iwawiyakɨ kemɨtiuyuri hepaɨtsita.

Kitsariyaxi 19:17

Kura kwieyari 'ekipitutari mepimakaxeni. Yawé Naimekɨmɨtɨrɨkaɨye kemɨtiyurimɨkɨ wahepaɨtsita mieme, Kura kwieyari xɨka haterɨwarɨwani kemɨ'ane memi'enieni me'enaname waɨkawa meputimamaweni.

Tanieri 6:27

Mɨkɨ pɨtiyuwikweitsitɨwa, mariweme muyuawitsie pɨtiyuriene meta kwiepa. Tanieri kaniutawikweitsitɨani mayetsi me'itaxutsiximekaku».

Kunatsi 1:14

Hikɨ 'ayumieme Yawé mekaniutahɨawe Kunatsi Kakaɨyarieya, karima mɨpaɨ me'utiyuatɨ: «Neuxei Yawé, 'ekɨ yapepɨtiyurieni kemɨmatinake. Pepɨkatatsipitɨaka tame temɨkwinikɨ 'ikɨ 'axamɨtiuyurikɨ xeikɨa meta tahetsie pepɨkarahɨpani 'ikɨ tewi xɨka tematsiyetuirieni xɨka hetsiena pemɨrahɨpa kahɨkɨtɨni».

Kutsuhexi 2:2

Hikɨ Kerikutsie ti'aitame katinetimani kename yuhutatɨ 'ixaheritsixi 'awienenieremete mɨkɨ tɨkaritsie kiekaritsie me'u'axɨakai mekunieretɨwetɨ.