Tanieri 4:34 - Kakaɨyari Niukieya

³⁴ Mɨkɨ wiyari 'anuyekɨneku ne, Nawukurunutsuxi, neheima muyuawitsie nepenierixɨ, 'ana tewi hepaɨ netinekɨhɨawetɨ nepatɨa. Hikɨ 'ana Kakaɨyari 'Amutewi neputanɨawaxɨ, neputihɨximake meta 'aixɨa neputayɨ yuheyemekɨ 'amuyeika hepaɨtsita: Tɨrɨkariyaya pɨkaheu'axe, pɨti'aita yuheyemekɨ.

Tanieri 4:34 ပူးပေါင်းရင်းမြစ်များ

Matsiɨkɨtɨ kemɨratɨa 4:10

xeitewiyari heimana nauka 'ukirawetsixi hɨxiena mepukahɨxima'uwekai meta nenewieri me'ipitɨatɨ kemɨ'ane 'uwenitsie maka, tsepanetɨ xeitsienituyari wiyari manuyekɨka ke'ayeniereni yuheyemekɨ. Yukurunate hɨxiena mekanitimanakaitɨni mɨpaɨ me'utiyuatɨ:

Tanieri 12:7

»Ne nekanixeiya meta nekani'enieni tewi rinu kamixayari manakatɨkɨ, haa heima muyewiekai, yuheima yumamate hetseraxɨaka hikɨ yakatiniyɨhɨritɨani kemɨ'ane mayeniere yuheyemekɨ hɨxie, mɨpaɨ kaniutayɨni: “Haika wiyari heimana 'ataxewi metseri kaneuyewekani. 'Ikɨ naitɨ katinaye'amɨkɨ kepauka teɨteri memɨpatsie watɨrɨkariya tawariri mɨkaka'unarieni”.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Keremiyaxi 10:10

Peru Yawé xeikɨa yuri Kakaɨyari kanihɨkɨtɨni, Kakaɨyari mayeyuri, yuheyemekɨ Ti'aitame. Kepauka muyeha'arɨwe, kwie kanewatayuaneni, nuiwarite haxɨaya memunewieni mepɨkayɨwawe.

Nɨawari 145:13

Kepemɨti'aitani yuheyemekɨ hawaikɨ pɨkaheu'aka, 'ekɨ pepɨti'aitani naime wiyaritsie. Yawé yuniuki paye'atɨa, meta 'aixɨa pɨtiuka'iyari naime yu'uximayatsikatsie.

Tanieri 6:26

»Mɨpaɨ nepɨtiu'aitaxɨ naitsarie nemɨra'aitatsie teɨteri Tanieri Kakaɨyarieya mekehayexeiyani meta mariweme mekehayeitɨwani. »Mɨkɨ Kakaɨyari mayeyuri kanihɨkɨtɨni, yuheyemekɨ 'akaniuyeikani. Hakewa mɨre'aita hatsuaku pɨkaka'une, 'aitsikaya hatsuaku hawaikɨ pɨkaheu'ani.

Tanieri 4:32

Teɨteri watsata pepanayehanieni, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanikwakamɨkɨ, 'atahuta wiyari kananuyeyeimɨkɨ kepaukake mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta kename mɨkɨ yɨwe ti'aitame meyeitɨani kemɨ'ane mɨkɨ manayexeiya».

Rukaxi 1:33

'Ixaheritsixi teɨteriyari katiniwata'aitɨamɨkɨ yuheyemekɨ. Kemɨtita'aita pɨkaheutipare hatsuaku.

Tanieri 5:21

teɨteri watsata kananayehanieni meta yeutanaka 'iyarieya kaniupitɨarieni, puxuri yeutari watsata kaniuyeikakaitɨni meta tewaxi wahepaɨ 'ɨxa kaniutikwani, tɨkarikɨ haɨtsiya hetsiena kaniupaparekaitɨni. Mɨkɨ naitɨ hetsiena mɨpaɨ katiniuyɨni, 'anake mɨpaɨ katinetimani kename Kakaɨyari 'Amutewi kwiepa yunaime te'aitamete kwiepa memɨtama tiwa'aitɨwame hɨkɨ meta kename mɨkɨ xeikɨa te'aitamete waranuka'uitɨwa.

Tanieri 4:26

Kepemɨtiuta'aitɨarie pemihayewakɨ 'iteɨri kutsunuyari meta nanari mɨkɨta pɨ'inɨariyari 'Ekɨ ti'aitame hekwamekɨ ti'aitame pekanayeimɨkɨ, kepauka mɨpaɨ pemɨretimani kename yurikɨ ti'aita Kakaɨyari muyuawitsie makawe.

1 Timuteu 6:16

kemɨ'ane yuxewitɨ mɨkamɨwe, hekɨaripa meka hakewa mɨkayɨwe 'ahurawa mayanikɨ xewitɨ, kemɨ'ane tewi mɨka'ixeiyawe mɨkayɨwe mixeiyakɨ, mɨkɨ mariweme kexatsiwani, kehetɨrɨkaɨyeni yuheyemekɨ. Mɨpaɨ xeikɨa kani'aneni.

Mikeyaxi 4:7

Muxatsi memɨwitekietɨka memuyuhayewaxɨ nekaniwarayeitɨamɨkɨ, meta 'ateewa memehapanie, xeinuiwariyari metɨrɨkaɨyeme nepɨwarayeitɨani. Yawé mɨkɨ wahetsie katini'aitakamɨkɨ Tsiyuni hɨriyaritsie hikɨ 'ena mɨtiyehane meta yuheyemekɨ.

Tanieri 4:3

Waɨkawa 'inɨarieya pɨmamariwawe. Waɨkawamekɨ pɨtiyuhɨxiyatsitɨwa mariwemekɨ kemɨtiyurieni. Mɨra'aita kaheu'akamekɨ pɨti'aita. Kemɨti'itsɨkame tukari mɨyehane mɨkɨ 'apuwe.

Hiwerika 3:38

¿Tamɨ Kakaɨyari xeikɨa yahainekaku yakatikuyɨne, mɨtiutixuxuawere 'axati'anetɨ meta 'aixɨati'anetɨ?

Kitsariyaxi 24:15

'Ayumieme, tau manatineikatsie, Yawé 'aixɨa xeketenekuxatani, Yawé kemɨtitewa, 'Ixaheri Kakaɨyarieya, haramara tetsita mɨtiuyehanetsie mɨpaɨ xekenaitɨkani.

Nɨawari 146:10

Kerutsareme 'aku, Yawé keti'aitani yuheyemekɨ. 'Akakaɨyari keti'aitani yuheyemekɨ. Yawé kenɨawarieka.

Nɨawari 123:1

Ne 'ahetsɨa xeikɨa nepautiniere, muyuawitsie 'a'uweni 'apuwe, mana xeikɨa nepeuti'ikwewa.

Nɨawari 121:1

Hɨrite 'amutɨtɨ kwi nepautixeiya, nepɨneku'iwawiya: ¿Keraneni netsiparewiwame?

Nɨawari 107:31

Yawé naki'eriyaya mɨmariwekɨ, pamɨpariyutsi xekenepitɨaka, mariweme mɨtiyurienekɨ teɨteri wahetsiemieme.

Nɨawari 102:24

'Ayumieme mɨpaɨ nekaniutayɨni: «Nekakaɨyari, pepɨkanetsihewitɨkɨni, netukari hixɨapa, 'ekɨ 'aheyeme pepuyeika.

Nɨawari 92:1

Yawé, 'aixɨa pɨ'ane pamɨpariyutsi mɨmatsipitɨaka meta nɨawari mexeiyani 'ahetsiemieme, 'Amutewi 'aku,

Nɨawari 10:16

Yawé ti'aitame kanihɨkɨtɨni yuheyemekɨ, matsi 'iya memɨkametsimate mepeuyehɨiyani yukwietsie.

Matsiɨkɨtɨ kemɨratɨa 11:15

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

1 Timuteu 1:17

Kemɨ'ane kwiepa naime mɨti'aitame yuheyemekɨ, kemɨ'ane mɨkapɨniwe, mɨkaxeiyariewe, yuxewitɨ timaiwetɨ Kakaɨyari, mɨkɨ mariweme kexatsiwani meta witsiketixeiyarieka yuheyemekɨ tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

Wani 5:26

Ne'ukiyari yɨkɨmana tukari kemɨrexeiya, mɨpaɨ yaxeikɨa katinipitɨani yuniwe tukari mexeiyanikɨ yɨkɨmana.

Rukaxi 18:13

Hikɨ tiwawame yatewa 'uwetɨ pɨkayuwaɨriyakai tsikere yuheima meutinierekɨ, matsi yutawitsie yukuhutsunatɨ hiwerikakɨ mɨpaɨ kaniutainekaitɨni: “Kakaɨyari 'aku, kene'awaɨriya 'aixɨa pemɨnetixeiyakɨ, 'axanetiyuruwametɨme”.

Tanieri 7:14

mɨti'aitanikɨ kaniupitɨarieni, tɨrɨkariya meta xawatɨriya kaniupitɨarieni. Yunaitɨ teɨteri, nuiwarite meta yɨkɨ memɨte'uniuka me'eyexeiyatɨ mekanakɨne. Kemɨti'aita yuheyemekɨ pɨti'aitani, pɨka'anuyani, meta kemɨtita'aita hatsuaku pɨkaka'unarieni.

Nɨawari 107:22

Mawari meke'iyetuirieka pamɨpariyutsi me'ipitɨatɨ, 'uximayatsikaya mekekuxatani me'utihiwatɨ temawierikakɨ.

Nɨawari 107:15

Yawé naki'eriyaya mɨmariwekɨ, pamɨpariyutsi xekenepituaka, mariweme mɨtiyurienekɨ teɨteri wahetsiemieme.

Nɨawari 107:8

Yawé naki'eriyaya mɨmariwekɨ, pamɨpariyutsi xekenepitɨaka, mariweme mɨtiuyurikɨ teɨteri wahetsiemieme.

Nɨawari 50:14

Kakaɨyari kenexatɨaka kepemɨti'awaɨriyakɨ, 'Amutewi hetsɨa kepemɨti'ahɨritɨa ketinaye'atɨa.

Nɨawari 9:2

Nepɨnetemawieka 'ahetsie netiwiyatɨ, kwikari 'ahetsiemieme nekwikatɨ, 'aku 'Apemutewi.

Nɨawari 7:17

Yawé nepɨnɨawani 'aixɨa mɨtiuka'iyarikɨ. Yawé 'amutewi nepɨtemawieritɨani kwikarikɨ.

Kuwi 1:21

Hikɨ mɨpaɨ kaniutayɨni: «Nemawetɨ nemaama hetsie nepayene meta nemawetɨ nepɨyemie. Yawé pɨnetiyetuiriekai Yawé kanetiniunawairieni. Yawé hepaɨtsita 'aixɨa keraniuwani».

Matsiɨkɨtɨ kemɨratɨa 10:6

Kaniuyuhɨritɨani mayeniere hɨxie tsepanetɨ xeitsienituyari wiyari manuyekɨka, kemɨ'ane muyuawi, kwie, haramara meta tita naitɨ mana mɨtixɨawe, meta mɨpaɨ kaniutayɨni: «'Ari tukari kananayexɨni.

Matsiɨkɨtɨ kemɨratɨa 4:9

Kepauka mɨpaɨ memutiyuanekai mɨkɨ memayeneniere, 'aixɨa ketikuxaxatsiwani, mariwetɨ kemariwani, pamɨpariyutsi kepitɨarieka kemɨ'ane 'uwenitsie maka, tsepanetɨ xeitsienituyari wiyari manuyekɨka ke'ayeniereni yuheyemekɨ me'utiyuatɨ,

Tanieri 4:2

Ne nepɨnewaɨriya nemɨxetaxatɨanikɨ xemeitimanikɨ 'inɨari meta mariwemekɨ kemɨtiyuriene nehetsiemieme Kakaɨyari 'Amutewi.

Tanieri 4:36

Kepauka tewi hepaɨ netinekɨhɨawetɨ nematɨa, tawarita nekaniupitɨarieni mariwemekɨ kenemɨti'aitakai. Netsi'ɨxatsitɨwamete meta memanuyetei nemɨra'aitatsie miemete mekanenekuwauni, tawarita 'uweni nekaniuhanitɨarieni. Matsi waɨkawa netɨrɨkaɨyetɨ nekanayani keyuri meripaitɨ.

Tanieri 5:18

»Kakaɨyari 'Amutewi 'apaapa Nawukurunutsuxi kaniupitɨani, mɨmariwenikɨ, xawatɨriya mexeiyanikɨ, mɨti'aitanikɨ 'aixɨa rahɨawarɨwatɨ.

Tanieri 7:27

Hikɨ 'ana memɨpatsie pɨta mekaniyetuiriyariekuni, Kakaɨyari 'Amutewi teɨterimama memɨhɨkɨ, memɨte'aitanikɨ xawatɨriya mehexeiyatɨ meta tɨrɨkariya mete'aitatɨ naitsarie kwieyaritetsie. Kemɨti'aitani yuheyemekɨ katini'aitakamɨkɨ, mekaneyexeiyakakuni meta mehei'enietɨ yunaitɨ kuwexinaruritsixi kwiepa memɨtama”.

Kunatsi 1:14

Hikɨ 'ayumieme Yawé mekaniutahɨawe Kunatsi Kakaɨyarieya, karima mɨpaɨ me'utiyuatɨ: «Neuxei Yawé, 'ekɨ yapepɨtiyurieni kemɨmatinake. Pepɨkatatsipitɨaka tame temɨkwinikɨ 'ikɨ 'axamɨtiuyurikɨ xeikɨa meta tahetsie pepɨkarahɨpani 'ikɨ tewi xɨka tematsiyetuirieni xɨka hetsiena pemɨrahɨpa kahɨkɨtɨni».

Hutarieka 'inɨari 32:4

Mɨkɨ tete kanikɨtɨni, 'uximayatsikaya pɨheitserie, naitɨ huyeya 'aixɨa pɨ'anene. Kakaɨyari yapɨtikamie, 'axapɨkatiyuriene. Mɨkɨ heitserie pexeiya meta 'aixɨa pɨtiuka'iyari.

2 Tsamuheri 22:31

»Kakaɨyari huyeya matsi yemekɨ 'aixɨa kani'aneni, Yawé niukieya tixaɨtɨ pɨkareuyewetse. Kakaɨyari rahetsie tinunuwame pɨhɨkɨ kemɨ'ane hetsɨana memuyu'awieta.

1 Kemɨtiuyɨ 29:10

Merikɨte Rawiri Yawé 'aixɨa katiniutahɨawe yunaime teɨteri wahɨxie, mɨpaɨ 'utaitɨ: «'Aixɨa peketikɨhɨawarɨwani Yawé, ta'ukiyari 'Ixaheri Kakaɨyarieya, yemekɨ yuheyemekɨ.

1 Kemɨtiuyɨ 29:13

'Ayumieme, takakaɨyari, pamɨpariyutsi tepɨmatsipitɨa, meta witsipemɨ'anetsie mieme 'aixɨa tepaitɨka.

Nɨawari 66:7

Yutɨrɨkariyakɨ pɨti'aita yuheyemekɨ, naitsarie nuiwarite puwaxeiya. 'Axamemɨte'u'iyari hetsiena mepɨkate'uhɨpani.

Nɨawari 111:7

'Uximayatsikateya 'aixɨa pɨ'anene, kemɨtiheitserie pɨtiyuriene, naitɨ 'aitsikaya yuri putiyuane, 'aixɨa pɨ'ane hetsiena temɨtewiyanikɨ,

Kitsariyaxi 2:11

Kwinimieme mɨtiyuta'ɨre hɨxiteya tixaɨtɨ pɨkarayeitɨarieni teɨteri kememɨteyuti'ɨre kanititunariexɨariemɨkɨ. 'Iya tukaritsie Yawé xeikɨa 'aixɨa katinikuxaxatsiwamɨkɨ.

Kitsariyaxi 13:11

Kwiepa memɨtama 'axakememɨteyuriekɨ nepɨtiwakwinitɨani, meta 'axateyuruwamete 'axamemɨteyuriekɨ. Memɨteyukananaima kememɨte'uyuti'ɨre nekaneutiparitɨamɨkɨ memamariwaweme memuyuxata memuyuti'ɨre tixaɨtɨ nepɨkatiwarayeitɨani.

Tanieri 9:14

»”'Ekɨ, Yawé meta takakaɨyari, 'ikɨ 'uximatɨarika pepukuha'aritaxɨ meta pepipitɨa tahetsie mɨkawenikɨ, 'ekɨ kemɨtiheitserie yapepɨtiyuriene naimetsie kepemɨtiyuriene. Peru mɨyatɨtɨ, yatepɨkatekakɨniwawe kemɨmetinake.