Tanieri 4:32 - Kakaɨyari Niukieya

³² Teɨteri watsata pepanayehanieni, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanikwakamɨkɨ, 'atahuta wiyari kananuyeyeimɨkɨ kepaukake mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta kename mɨkɨ yɨwe ti'aitame meyeitɨani kemɨ'ane mɨkɨ manayexeiya».

Tanieri 4:32 ပူးပေါင်းရင်းမြစ်များ

Tanieri 5:21

teɨteri watsata kananayehanieni meta yeutanaka 'iyarieya kaniupitɨarieni, puxuri yeutari watsata kaniuyeikakaitɨni meta tewaxi wahepaɨ 'ɨxa kaniutikwani, tɨkarikɨ haɨtsiya hetsiena kaniupaparekaitɨni. Mɨkɨ naitɨ hetsiena mɨpaɨ katiniuyɨni, 'anake mɨpaɨ katinetimani kename Kakaɨyari 'Amutewi kwiepa yunaime te'aitamete kwiepa memɨtama tiwa'aitɨwame hɨkɨ meta kename mɨkɨ xeikɨa te'aitamete waranuka'uitɨwa.

Keremiyaxi 27:5

Ne, waɨkawa netɨrɨkariyakɨ mumariwekɨ, kwie neputawewi, teɨteri meta yunaime yeutari hetsiena memɨ'uwa, nepɨyɨwe nemuwayetuanikɨ kemɨ'ane hetsɨa mɨnetsinakeni.

Kutsuhexi 4:24

'Ikɨ mɨyapɨtiuyɨ yunaitɨ nuiwarite memɨtehetimanikɨ Yawé mɨmariwe, xeme xemitsutɨanikɨ xeheyemakatɨ yuheyemekɨ xemeyexeiyanikɨ».

Memeyekɨ 9:29

Mɨpaɨ kaniutayɨni Muitsexi: —Kepauka nemayeyani 'ikɨ kiekaritsie, Yawé nenewieri nepɨpitɨani, 'anari kayuwatɨ tɨranari kanitamarimɨkɨ meta tee wiyerimatɨ, mɨpaɨ pepɨretimani kename kwie Yawé tipiinieya.

Memeyekɨ 8:10

Parahuni mɨpaɨ katinita'eiya: —'Uxa'a kwitɨwa. Muitsexi mɨpaɨ kaniutayɨni: —Mɨpaɨ kaniyɨmɨkɨ, pekatinetimaimɨkɨ xewitɨ kakaɨyari kaniumaweni Yawé takakaɨyari hepaɨ 'anetɨ.

Kitsariyaxi 37:20

Merikɨte hikɨ, Yawé, takakaɨyari, ketaneutawikweitsitɨa mɨkɨ memɨtatsi'uniekɨ, yunaitɨ nuiwarite kwiepa memɨtama mɨpaɨ memɨtehetimanikɨ kename 'ekɨ xeikɨa Yawé, Kakaɨyari pehɨkɨ».

Memeyekɨ 9:14

Hikɨri 'imatɨrieka waɨkawa mariwemekɨ nepɨmatsi'anunɨ'airieni kwiniya 'ahetsiemieme, yaxeikɨata te'a'uximayatsiriwamete wahetsie, para mɨpaɨ pemɨretimanikɨ kename xewitɨ 'umawe 'ena kwiepa nehepaɨ tiyurienetɨ.

Kitsariyaxi 45:3

Yɨwita timieme mɨraye'axe nepɨmatipitɨani, meta piinitɨarika 'awie mɨti'utsie, ne Yawé nemɨhɨkɨ mɨpaɨ pemɨtimaikakɨ, 'Ixaheri Kakaɨyarieya, kepemɨtitewakɨ mɨmatsihaterɨwa.

2 Kemɨtiuyɨ 33:13

Yawé nenewieri kaniupitɨani, mɨkɨta kani'enieni waɨkawamekɨ kemɨtiwawiriekai kanipitɨani Kerutsareme makunuani meta kanipitɨani tawarita mɨtita'aitakɨ. Mɨpaɨ 'ana Manatsexi katinetimani kename Yawé Kakaɨyari xeikɨa hɨkɨ.

Tanieri 2:21

Mɨkɨ tukari pukupata naime kemɨtiyeyɨxime, pɨwaranuka'uitɨwa pɨwaranakaxɨrɨwa te'aitamete. Temaiwawemete memɨtemaiwawenikɨ pɨwapitɨa. Kwinie memɨteheutamaiwawe, memeitimaitɨkɨkanikɨ pɨwapitɨa.

Tanieri 4:31

'Akuxi pɨkatitahayewawekai tikuxatatɨ, kepauka muyuawitsie, niuki mu'enierie mɨpaɨ 'utaitɨ: «'Ikɨ 'aitsika kanihɨkɨtɨni 'ahetsiemieme, ti'aitame Nawukurunutsuxi. 'Ena mɨtiyehane ti'aitame pepɨkahɨkɨtɨniri.

Kuwi 9:12

Xɨka tixaɨtɨ yupiini rayeitɨani, ¿kepaikɨ pɨyɨwe mita'imaiyakɨ? ¿Kepaikɨ pɨyɨwe mita'iwawiyakɨ kemɨtiuyurikɨ?

Kuwi 42:2

«Ne mɨpaɨ nepɨtimate 'ekɨ naimekɨ pepɨyɨwe, xewitɨ pɨkayɨwe yamɨtiuyurieni 'ekɨ pemɨ'iyɨrienikɨ.

Nɨawari 115:3

Takakaɨyari muyuawitsie kaniuyeikani, mɨkɨ yakatiniyurieneni kemɨtinake.

Nɨawari 135:6

Yawé naime yapɨtiyuriene kemɨtinake, taheima muyuawitsie meta 'ena kwiepa, haramaratsie meta naitsarie meukatetewatsie.

Kitsariyaxi 40:15

Kakaɨyari hɨxie, haa tsuniyari wariteta meukatsuke hepaɨ nuiwarite mepɨ'anene, ti'inɨnɨatame mɨranuyewɨwɨtɨwatsie tumuanari 'etsipetɨ matikani hepaɨ. Yawé kwie haa hixɨapa mɨyetei ti'inɨnɨatemetsie kananuyewɨwɨtɨwani kwie kwi mɨmiyuanini mɨhɨkɨtɨni hepaɨ.

Kitsariyaxi 40:17

Yunaitɨ nuiwarite hɨxiena tixaɨtɨ mepɨkatehɨkɨ, mepɨkate'aye'atɨka hetsiena mieme.