Tanieri 4:30 - Kakaɨyari Niukieya

³⁰ mɨpaɨ kaniutayɨni: «Wawiruniya xekeneuxeiya mɨmariwe nemitawewi nemɨra'aita kwieyaritsie wamu'u mɨhɨkɨtɨnikɨ. Nekanitawewieni netɨrɨkariya mɨmariwekɨ, ne 'aixɨa nemɨrahɨawarɨwanikɨ».

Tanieri 4:30 ပူးပေါင်းရင်းမြစ်များ

Temaiwawemete 16:18

Kemɨ'ane mɨtiyukatawe'erie tiyu'uname hetsiena pɨye'ani, kemɨ'ane muyuta'ɨre pekaweni.

Matsiɨkɨtɨ kemɨratɨa 18:10

Waɨkawa memamatɨ kemɨtikwinitɨariekai, 'ateewa paitɨ mekaniti'uikuni meta mɨpaɨ mekatenihiwakuni: «Xɨa'ui, xɨa'ui, kiekari mɨmariwe, Wawiruniya, kiekari mɨtɨrɨkaɨye, xeihurayaritsie 'a'uximatɨarika munuakɨ».

Matsiɨkɨtɨ kemɨratɨa 17:5

Yukanata pɨra'utɨakai kayumainɨakamekɨ: Wawiruniya mɨmariwe, Tuminikɨ memuyumayɨinɨa wamaama, meta 'axamɨti'ane mɨtixani'eriwa kwiepa.

Rukaxi 14:11

Yunaitɨ yuxaɨta mariweme memayuyeitɨwa tixaɨtɨ mekatehɨkɨtɨtɨ mekanayeitɨariekuni, peru kemɨ'ane tixaɨtɨ katihɨkɨtɨme mayuyeitɨwa mɨkɨ mariweme kanayeitɨariemɨkɨ.

'Etsekieri 29:3

Mɨpaɨ ketinaye'eritɨa, kename Yawé naimekɨmɨyɨwe mɨpaɨ nehaine: »“'Ekɨ Parahuni 'Ekipitutsie ti'aitame, kuu pemɨmariwe 'ahapa pemɨyeyeika, mɨpaɨ pemutaine: ‘Niru hatuxameyari katininepiinitɨni, Niru ne nekaniutawewieni’, 'ayumieme yanekametinahɨaweni nekamanaye'unieka.

Matsiɨkɨtɨ kemɨratɨa 16:19

Hikɨ kiekari mɨmariwe kaniutaxɨne haikatɨ kanayani, meta nuiwarite wakiekarite kaniuka'unixɨani. Kakaɨyari Wawiruniya kiekariyari mɨmariwe kanaye'erieni, meta yutekɨxita yuhaxɨa hɨneme kaniwaru'itɨani memɨ'uximatɨarienikɨ.

1 Pekuru 5:5

Mɨpaɨta xeme temari yaxeikɨa, kememutiyuane 'ukirawetsixi yaxeketenekahuni. Tixaɨtɨ xekatehayuyeitɨatɨ xekeneyɨaka yunaime wahepaɨtsita, «Kakaɨyari kaniwaraye'unieka mɨkɨ memuyuti'ɨre, matsi pɨta 'aixɨa pɨtiuka'iyari tixaɨtɨ memɨkatehɨkɨ wahetsiemieme».

Nɨawari 73:8

Mepɨteyukatawe'erie, 'ayehutamekɨ meputiniuka, meha'atɨ mepɨteyu'aitɨwa meta mepɨteyute'a.

Nɨawari 49:20

Tsepa xiku xewitɨ mayuyeitɨa, peru mɨkɨ 'apɨkareutere, yeutari wahepaɨ mepɨtakukuwe xeikɨa.

Matsiɨkɨtɨ kemɨratɨa 18:21

Hikɨ niuki tuayame mɨtɨrɨkaɨye tete murinayari xikɨraɨyeme kananuku'ɨni, haramaratsie kaneikahɨani mɨpaɨ 'utaitɨ: «Yaxeikɨata 'ekɨ, Wawiruniya, kiekari mɨmariwe, pekatinikwinitɨariemɨkɨ, meta mɨpaɨ pekatinakumaweriyariemɨkɨ 'ena kwiepa.

1 Kurinitutari 10:31

Merikɨtsɨ, tsepa xemɨtekwa'a, tsepa xemɨte'ie, tsepa tita xemɨteyurie, naime xeketeneyurieka Kakaɨyari witsimɨtikuxaxatsiwanikɨ.

Nɨawari 104:1

Ne'iyarikɨ Yawé nepɨnɨawani. Yawé nekakaɨyari, 'ekɨ pepɨmariwe, witsi'aneme pepanakatɨ ti'aitame kamixaya.

'Etsitexi 1:4

xeitsienituyari heimana nauka tewiyari tukari 'aye'aku, yunaime wahɨxie katiniwaruxeitsitɨani waɨkawa witsiti'anenekame kemɨrexeiyakai meta mariwemekɨ kemɨti'aitametɨkai.

Tsutɨarika 10:10

Kiekarieya 'amɨtimamariwawekai mɨra'aitakaitsie kanihɨkɨtɨkaitɨni Waweri, 'Ereki, 'Akari, meta Karine, Tsinaxi kwieyaritsie.

Matsiɨkɨtɨ kemɨratɨa 14:8

Kaniweiyakaitɨnita hutarieka mieme niuki tuayame mɨpaɨ tiuhiwatɨ: «'Ari kaniuka'une. Wawiruniya mɨmariwe 'ari kaniuka'une, yunaime nuiwarite winu mɨwa'itɨakai memikumaɨwanikɨ».

Temaiwawemete 29:23

Kemɨ'ane muyuta'ɨre tixaɨtɨ pɨkarayani, matsi kemɨ'ane tixaɨtɨ mɨkarayuyeitɨa matsi mariwetɨ kanayeitɨariemɨkɨ.

Kitsariyaxi 13:19

Wawiruniya, witsimɨtiyuxexeiya te'aitamete wahetsiemieme, karireutsixi memiheiwe'erie meta memuyuta'ɨrenikɨ mɨ'ayumieme, Tsuruma meta Kumuxa wahepaɨ katinanuyeyeimɨkɨ kepauka mɨkɨ Kakaɨyari mɨwaruka'unaxɨ.

Tanieri 4:31

'Akuxi pɨkatitahayewawekai tikuxatatɨ, kepauka muyuawitsie, niuki mu'enierie mɨpaɨ 'utaitɨ: «'Ikɨ 'aitsika kanihɨkɨtɨni 'ahetsiemieme, ti'aitame Nawukurunutsuxi. 'Ena mɨtiyehane ti'aitame pepɨkahɨkɨtɨniri.

'Awakuki 1:11

'Eka naime mɨtiye'unatɨyeika hepaɨ mekani'aneni, peru waɨkawa 'axamekateniuyurieni, yutɨrɨkariyatɨme yukakaɨyari memayeitɨakɨ».

Temaiwawemete 11:2

Kemɨ'ane mɨtiyukatawe'erie kaniyutewiyatsitɨamɨkɨ, kemɨ'ane mariweme mɨka'ayuyeitɨa, timaiwetɨ payani.

Rukaxi 14:9

'Ahetsɨa nuame kemɨ'ane mɨxe'uta'ini mɨpaɨ pɨmatikɨhɨaweni: “Keneupitɨa 'ikɨ pɨta 'ena mayerɨnikɨ”. 'Ana 'ekɨ pe'atewiyatɨ 'imatɨreme 'ɨparieyatsie pe'akaitɨ pepayani.