Tanieri 4:3 - Kakaɨyari Niukieya

³ Waɨkawa 'inɨarieya pɨmamariwawe. Waɨkawamekɨ pɨtiyuhɨxiyatsitɨwa mariwemekɨ kemɨtiyurieni. Mɨra'aita kaheu'akamekɨ pɨti'aita. Kemɨti'itsɨkame tukari mɨyehane mɨkɨ 'apuwe.

Tanieri 4:3 ပူးပေါင်းရင်းမြစ်များ

Nɨawari 145:13

Kepemɨti'aitani yuheyemekɨ hawaikɨ pɨkaheu'aka, 'ekɨ pepɨti'aitani naime wiyaritsie. Yawé yuniuki paye'atɨa, meta 'aixɨa pɨtiuka'iyari naime yu'uximayatsikatsie.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Kitsariyaxi 25:1

Yawé, 'ekɨ pepɨnekakaɨyari, 'aixɨa nepaineni kepemɨtitewakɨ meta nepɨmetsinɨawani mariweme pemɨtiyurienekɨ. Meripaitɨ kepemɨtiyɨhɨawixɨ mɨpaɨ pepɨtiyuriene heitseriemekɨ.

Tanieri 7:14

mɨti'aitanikɨ kaniupitɨarieni, tɨrɨkariya meta xawatɨriya kaniupitɨarieni. Yunaitɨ teɨteri, nuiwarite meta yɨkɨ memɨte'uniuka me'eyexeiyatɨ mekanakɨne. Kemɨti'aita yuheyemekɨ pɨti'aitani, pɨka'anuyani, meta kemɨtita'aita hatsuaku pɨkaka'unarieni.

Matsiɨkɨtɨ kemɨratɨa 11:15

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

Hepɨrayutsixi 1:8

Yuniwe pɨta xatatɨ mɨpaɨ paine: «'Ekɨ, Kakaɨyari, 'a'uweni hakewa pemɨra'aita yuheyemekɨ 'apuwe, kanixeuraɨyeni 'a'itsɨ pemakwe'e pemɨti'aitamekɨ 'inɨari kanihɨkɨtɨni heitseriemekɨ kepemɨtikamie 'ekɨ.

1 Timuteu 1:17

Kemɨ'ane kwiepa naime mɨti'aitame yuheyemekɨ, kemɨ'ane mɨkapɨniwe, mɨkaxeiyariewe, yuxewitɨ timaiwetɨ Kakaɨyari, mɨkɨ mariweme kexatsiwani meta witsiketixeiyarieka yuheyemekɨ tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

Tanieri 7:27

Hikɨ 'ana memɨpatsie pɨta mekaniyetuiriyariekuni, Kakaɨyari 'Amutewi teɨterimama memɨhɨkɨ, memɨte'aitanikɨ xawatɨriya mehexeiyatɨ meta tɨrɨkariya mete'aitatɨ naitsarie kwieyaritetsie. Kemɨti'aitani yuheyemekɨ katini'aitakamɨkɨ, mekaneyexeiyakakuni meta mehei'enietɨ yunaitɨ kuwexinaruritsixi kwiepa memɨtama”.

1 Pekuru 4:11

Xɨka niukametɨni, Kakaɨyaritsie mieme 'utaniutɨ ketikuxatani. Xɨka tiparewiwametɨni, mɨpaɨ ketiwaparewieka Kakaɨyari kemɨtitɨrɨkariya. Mɨpaɨ xeteyuriekaku, Ketsutsi Kɨritsitu yatixepitɨakaku, Kakaɨyari witsikatinikuxaxatsiwamɨkɨ naimekɨ. Mɨkɨ witsiketikɨhɨawarɨwani, tɨrɨkariya kepitɨarieka yuheyemekɨ tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

Hepɨrayutsixi 2:4

Kakaɨyari meta 'axeikɨa wahamatɨa mɨpaɨ katinihekɨatakaitɨni 'inɨari wewietɨ mamariwaweme, tɨrɨkaɨyemekɨ tiyurienetɨ mɨiremekɨ, 'Iyari Mɨtiyupata yatiwapitɨakaku yuxexuime, kemɨtinakekai Kakaɨyari.

Keremiyaxi 10:10

Peru Yawé xeikɨa yuri Kakaɨyari kanihɨkɨtɨni, Kakaɨyari mayeyuri, yuheyemekɨ Ti'aitame. Kepauka muyeha'arɨwe, kwie kanewatayuaneni, nuiwarite haxɨaya memunewieni mepɨkayɨwawe.

Nɨawari 105:27

mɨkɨ 'inɨari mepuwewi watsata, mariweme mepɨte'uyuri Kami kwieyaritsie.

Tanieri 4:17

»Niuki tuayamete memɨpatsie yamekaniutiyuani kemɨtikwinitɨarieni, yunaitɨ kwiepa memɨtama mɨpaɨ memɨtehetimanikɨ kename Kakaɨyari 'Amutewi 'itsɨkame hɨkɨ yunaime te'aitamete kwiepa memɨtama wahetsie, mɨkɨ pɨyɨwe ti'aitame meyeitɨani kemɨ'ane manayexeiya, meta 'atsita tixaɨtɨ memɨkatehayuyeitɨa pɨwaranuka'uitɨwa memɨteta'aitakɨ teɨteri wahetsie.

Kitsariyaxi 28:29

'Ikɨtsiere Yawé Naimekɨmɨtɨrɨkaɨye hetsie katinayeneikani, kanimariweni yu'ɨxatsikɨ meta waɨkawa katinimaika.

Kitsariyaxi 9:7

Kemɨti'aitanikɨ kanitamɨirimɨkɨ meta kayuwatɨ kemɨtiyupitɨwakɨ, meta mɨkɨ pɨka'uye'atɨyani. Rawiri 'uwenieyatsie 'akaitɨ katinita'aitamɨkɨ meta hakewa mɨre'aitakaitsie, 'amuwenikɨ meta mituikanikɨ heitseriemekɨ meta kemɨreuyewetse hikɨ meta yuheyemekɨ. 'Ikɨ yakatinaye'atɨamɨkɨ Yawé Naimekɨmɨtɨrɨkaɨye 'ɨtetsarikaya.

Nɨawari 104:24

Yawé 'aku, pɨtimɨire tita pemɨtiutiwewi. Mɨkɨ tinaime pepɨtiutiwewi petimaiwetɨ. Kwiepa kemakuyewa mekanihɨneni pemɨtiwarutiwewi.

Nɨawari 92:5

Yawé 'aku, waɨkawa pɨmamariwawe 'awewiya, meta pɨkayumatiwanɨa kepemɨtiku'eriwa.

Nɨawari 86:10

'Ekɨ pemɨmariwekɨ meta mariwemekɨ pemɨtiyurienekɨ, 'ekɨ xeikɨa pepɨkakaɨyari.

Nɨawari 77:19

Haramaratsie 'ahuye pepanuwewi, haa waɨkawa 'apametsie pepɨtɨa, peru 'aketate pɨka'uhekɨarixɨ.

Nɨawari 72:18

Yawé Kakaɨyari 'aixɨa ketikɨhɨawarɨwani, 'Ixaheri Kakaɨyarieya, muyuxewi xeikɨa mariweme mɨtiyuriene.

Nɨawari 66:7

Yutɨrɨkariyakɨ pɨti'aita yuheyemekɨ, naitsarie nuiwarite puwaxeiya. 'Axamemɨte'u'iyari hetsiena mepɨkate'uhɨpani.

Kuwi 25:2

«Kakaɨyari kanitɨrɨkaɨyeni kanimakaxiwani, mɨkɨ yakatini'aitani muyuawi meutitewatsie.

Hutarieka 'inɨari 4:34

Xewitɨ tawari kakaɨyaritɨtɨ meutahanikɨ xeime nuiwaritsie pumawe, muwarayewitɨnikɨ yuhetsiemieme wata'inɨatame, 'inɨarite tiwewietɨ, kwinimieme yemekɨ mamariwawemekɨ, kuyaxa wewietɨ, yumamá tɨrɨkaɨyemekɨ tatseratɨ, waɨkawamekɨ makaxiwame, Yawé xekakaɨyari xehetsiemieme mɨtiuyuri hepaɨ 'Ekipitu, xeme xenenierekaku.

Xumatari 11:33

Ketimariwe, Kakaɨyari waɨkawa kemɨrexeiya, kemɨtimaiwe, waɨkawa kemɨtimate. Ketiyutexie tewi 'i'inɨatatɨ kemɨtiyɨkɨhɨawe yamɨtiyurienikɨ Kakaɨyari, yatɨni huyeteya metimani pɨkayɨwe.

Tanieri 2:2

Hikɨ katiniuta'aita temaiwawemete, mara'akate, memɨtehetimamateke meta muyuawitsie timieme memɨteyɨ'ɨkitɨa memɨyukuxeɨrienikɨ mɨra'aitatsie memɨtamakai, kemɨtiuheinɨkai memɨte'itaxatɨanikɨ. 'Ariri meyuxeɨriekaku ti'aitame hɨxie,