Tanieri 4:27 - Kakaɨyari Niukieya

²⁷ 'Ayumieme, 'Ekɨ ti'aitame hikɨ ne waɨkawamekɨ nekamaniwawirieka yapemɨtikayanikɨ kenemɨmatitahɨawe: 'Axapetiyurienetɨ ketineuhayewa, 'aixɨa pɨta ketineyurieneni, 'axamɨti'ane kenehɨwa, memɨteheuyehɨwa wahetsiemieme 'aixɨa ketineuka'iyarini. Heiwatɨ 'ana 'aixɨa 'anemekɨ pe'uyeikamɨkɨ meta peyutemawietɨ».

Tanieri 4:27 ပူးပေါင်းရင်းမြစ်များ

Kunatsi 3:9

'Atsitepɨkatemate. Heiwatɨ Kakaɨyari tareuyehɨwirieni, heiwatɨ 'uhaxɨapieni, mɨpaɨ 'ana temɨkakwinikɨ».

Nɨ'ariekate 8:22

Ketineuhayewa kepemɨtiyuriene, pe'iku'eirieme 'ikɨ tita 'axapemɨtiyuriene, Ti'aitame keneutawawiri tsiparatsɨ xɨka pereuyehɨwiyariemɨkɨ mɨpaɨ pemɨti'akɨhɨawekɨ.

Rukaxi 11:41

Matsi taɨtana miemekɨ xeketeneyumikwani xeteyukanenimayatɨ, mɨkɨkɨ naitɨ 'itiyatɨ kanayeimɨkɨ xehetsiemieme.

'Epetsutari 4:28

Kemɨ'ane mɨtinawayakai ketiuhayewa tinawanetɨ, ketikumaɨwani matsi yumamakɨ 'aixɨa tiyurienetɨ, mɨrexeiyanikɨ mɨkɨ memɨteheuyehɨwa mɨtiwayetuiriwanikɨ.

Karatsiyatari 5:13

Xeme ne'iwama, xekaniuta'inierieni xemɨyunɨ'akakɨ. Perutsɨ xeikɨa, kexemɨteyunɨ'a, xepɨka'ipitɨani yuwaiyari mitsutɨanikɨ xekuyuitɨwatɨ. Matsi xeteyukanaki'erietɨ xeketene'uximayaka yuxexuitɨ, yunaime wahetsiemieme.

Temaiwawemete 16:6

Xeyunaki'erietɨ meta yuri xehaitɨkaitɨ xekateneuyuyehɨwiriekakuni, Yawé 'ayemakatɨ xeikɨa pɨyɨwe 'axamɨti'ane mɨnewienikɨ.

1 Pekuru 4:8

'Ikɨ naimekɨ, xekeneyunaki'erieka yuheyemekɨ, naki'eriya naime katinanuyeitɨwani waɨkawa 'axamɨti'anene.

Mateu 3:8

Yaxeketeneu'uwani xematsiɨkɨtɨ xemɨte'uhayewaxɨkɨ 'axaxeteyurietɨ.

'Etsekieri 18:7

Xeime waɨriyarika pɨkati'aitɨa, pɨkatinawaya, matsi kemɨ'ane mɨrapikai 'ixurikieya kaniyetuiriemɨkɨ miyetuakai, kemɨ'ane meuhakamɨkɨ pɨtimikwa meta kemɨ'ane meumawe pɨtiketɨa.

Temaiwawemete 28:13

Kemɨ'ane 'axamɨti'ane mɨti'awieta hatsuaku 'aixɨa pukatiyeyani, matsi kemɨ'ane muyutahekɨata 'axamɨti'ane mɨtiku'eirieni mɨkɨ katineuyehɨwiyariemɨkɨ.

1 Te'aitamete 21:29

«¿'Akawi petixeiya kehapaɨ mɨtiuhayewaxɨ 'axatiyurienetɨ? Tixaɨtɨ mɨkarayuyeitɨakɨ nehɨxie, 'ayumieme mɨpaɨ nepɨkatiyurieni nepɨka'i'uximatɨani, 'atsitake kepauka nu'aya ti'aitame mayanitsie 'ana mɨpaɨ nepɨtiyurieni».

Nɨ'ariekate 26:20

Nekanitsutɨani Ramatsiku kiekatari wahetsɨa meri, kwitɨwa Kerutsareme meta naitsarie Kureya kwieyaritsie, yaxeikɨata memɨkahuriyutsi watsata nekatiniwahekɨatɨakaitɨni memɨtehayewanikɨ 'axakememɨteyurie Kakaɨyari hetsie memɨtewiyanikɨ, yameteyurietɨ kememɨte'uhayewaxɨ wahetsie mɨmatsiɨkɨnikɨ.

Nɨawari 119:46

Ne te'aitamete nepɨtiwataxatɨani 'a'aitsika hepaɨtsita, hawaikɨ nepɨkanetitewiya,

Karatsiyatari 5:22

Matsita 'Iyari kemɨtixuaweriya, 'ipaɨ pɨta tewi katiniyurienemɨkɨ. Katiniyukanaki'eriekamɨkɨ, kaniyutemawiekamɨkɨ, yu'iyaritsie pɨka'uximatɨarieka, katiniuka'eniwamɨkɨ, 'aixɨa katiniuka'iyarikamɨkɨ, 'aixɨa kaniwayurienemɨkɨ hipame, yakatinikamiemɨkɨ kemaine,

Karatsiyatari 5:6

Kɨritsitu Ketsutsi hetsie xɨka tiwiyani, yatɨni xitekiya 'inɨariyari tsepa mexeiya, matsi pɨta kaneuyeweka yuri mɨti'erieka xeikɨa, tiyukanaki'erietɨ muyeikanikɨ.

2 Kurinitutari 5:11

'Ayumieme mɨpaɨ tetemaitɨ, mɨpaɨ kemɨreuyewetse Ti'aitame te'ayemakatɨ, yuri teɨteri tekateniwa'eritɨaka. Tekanimatsiɨkɨni Kakaɨyari kemɨtatixeiya. Yuri tepɨte'erie kename tematsiɨkɨ xemeta kexemɨtatexeiya, kexemɨteyumate yu'iyaritsie.

Nɨ'ariekate 24:25

Tikuxatakaku tita mɨtiheitserie hepaɨtsita, tewi kemɨtiyɨnɨ'a hepaɨtsita meta tewi kemɨtita'iwawiyarieni 'uxa'atɨniwarie, Perixi kaniutimani, mɨpaɨ katinitahɨawe: «Hikɨri mɨpaɨ xeikɨa kenemie. Kepaukaketa tukari nemɨhɨka nepɨmatitanɨ'airieni».

Kuheri 2:14

Heiwatɨ Kakaɨyari 'aixɨa mɨtinixe'uxei kemɨtiku'eriwakai mɨnipataxɨ, 'aixɨa mɨti'ane mɨtatiniuhayewi. 'Imikieri hatsite mɨkɨ meta kaxie winuyari mɨtiyeuriwa Yawé xekakaɨyari hetsɨa katinimiemetɨni.

Hutarieka 'inɨari 24:13

Ke'ihuritɨani tau ka'akayuniwekaku 'akuxi, mɨkɨ tɨkarikɨ meyuta'eimakɨ. Mɨpaɨ mɨkɨ 'aixɨa paineni 'ahepaɨtsita, 'ekɨta heitseriekamekɨ pepɨtiyurieneni Yawé xekakaɨyari hɨxie.

Keremiyaxi 29:7

Yaxeikɨa hakewa nemɨxehenɨ'a, mana kiekariyaritsie 'aixɨa 'iyari xeketene'uximayaka meta Yawé xekenewawirieka hetsiena mieme, 'aixɨa 'iyari xe'u'uwakaku, xeme kiekaritsie 'aixɨa 'anemekɨ xepu'uwani».

Keremiyaxi 38:20

Keremiyaxi mɨpaɨ katinita'eiya: —Ti'aitame Yawé niukieya keneu'enieka ne kenemetikuxaxatɨwa, 'ana wawiruniyutsixi wahetsɨa pepɨkayetuiyani. 'Ekɨ 'ana 'atsipepɨkaranuyeyani, 'atukari pepɨtawikweitsitɨani.

Hutarieka 'inɨari 8:17

Hatsuaku mɨpaɨ xepɨkateku'eriwani. “'Ikɨ piinitɨarika nemɨrexeiya nekɨmana nemamakɨ nepɨtiukaxei”.

Hutarieka 'inɨari 32:27

Peru neputima 'axakemɨtiyurimɨkɨkaikɨ mɨnetsi'aye'unie, neputima neneɨkixiwi kaheti'enatɨyanikɨ meta mɨpaɨ tiu'erienikɨ: ‘Tame tekatenayu'iwa, Yawé tixaɨtɨ 'atsipɨkatiuyuri.’ ”

Temaiwawemete 11:2

Kemɨ'ane mɨtiyukatawe'erie kaniyutewiyatsitɨamɨkɨ, kemɨ'ane mariweme mɨka'ayuyeitɨa, timaiwetɨ payani.

Kitsariyaxi 10:13

Mɨpaɨtsɨ kaniutaineni: «'Ikɨ netɨrɨkariyakɨ nekatiniuyurieni, kenemɨtimaiwe nekatiniuyurieni, netsɨ kwinimieme nekatineuta'eriweni. Hipame teɨteri wakwie manuka'atɨkatsie nekaniupataxɨani, kwinimieme mɨraye'atɨka memɨtehexeiyakai nekatiniwarunawairieni, kwinimieme mɨreuyutamiewe hepaɨ ne'anetɨ tewa'aitɨwamete nekaniwaruka'una.

Kitsariyaxi 47:8

»Hikɨ 'ikɨ keneu'eni, pemɨtiukahiwe'erie, 'ekɨ kayuwatɨ pemuyeika, mɨpaɨ pemuti'akɨhɨawe: “Ne nekanihɨkɨtɨni, tawarita xewitɨ kaniumaweni. Hatsuaku wiura nepɨkahayani meta neniwema nekawarexeiyatɨ nepɨka'ayani”.

Kitsariyaxi 47:10

'Ekɨ 'axapemɨtiyurienetsie pepɨtiwiya, mɨpaɨ pekaniutaineni: “Nixewitɨ pɨkanetsixeiya”. Kepemɨtimaiwe meta kepemɨtimate pɨmati'itaiya kepauka 'axɨata mɨpaɨ pemutaine: “Ne nekanihɨkɨtɨni, tawarita xewitɨ kaniumaweni”.

'Etsekieri 29:3

Mɨpaɨ ketinaye'eritɨa, kename Yawé naimekɨmɨyɨwe mɨpaɨ nehaine: »“'Ekɨ Parahuni 'Ekipitutsie ti'aitame, kuu pemɨmariwe 'ahapa pemɨyeyeika, mɨpaɨ pemutaine: ‘Niru hatuxameyari katininepiinitɨni, Niru ne nekaniutawewieni’, 'ayumieme yanekametinahɨaweni nekamanaye'unieka.

'Etsekieri 29:9

'Ekipitu kwieyari 'akumawetɨ kaniyuhayewamɨkɨ. Hikɨ 'ana mɨpaɨ mepɨtehetimani kename ne, Yawé nehɨkɨ. 'Ekɨ mɨpaɨ pemutayɨ: ‘Niru hatuxameyari katininepiinitɨni, Niru ne nekaniutawewieni’.

'Amuxi 6:13

Xeme xepɨyutemamawie Ru-Rewaxi kiekariyari xema'iwaxɨkɨ, mɨpaɨ xeputiyuane: «¿Tatɨrɨkariyakɨ tepɨte'uyuri Kaxinahini tema'iwaxɨ?»

'Awakuki 1:11

'Eka naime mɨtiye'unatɨyeika hepaɨ mekani'aneni, peru waɨkawa 'axamekateniuyurieni, yutɨrɨkariyatɨme yukakaɨyari memayeitɨakɨ».

Tsupuniyaxi 2:15

'Ikɨ kiekari muyutemawiekai kanihɨkɨtɨni, yu'iyarikɨ 'aixɨa 'iyari 'amukumakai, yukɨmana mɨpaɨ mutainekai: «Ne xeikɨa nepɨhɨkɨ, xewitɨ tawari pumawe». Matsi neuxei puka'unarie meta yeutari wakie patɨa. Kehate mana memuyekɨne me'ixeiyame mepuyukatemamawieni me'inanaimatɨ.