Tanieri 4:22 - Kakaɨyari Niukieya

²² Mɨkɨ 'iteɨri 'Ekɨ ti'aitame pekanihɨkɨtɨni, petɨrɨkaɨyeme pema'ayeitɨa meta pemariweme, meta pemariwetɨ muyuawitsie paitɨ pekaneuti'ani. Pekatini'aitani naitsarie kwie manu'axetsie paitɨ.

Tanieri 4:22 ပူးပေါင်းရင်းမြစ်များ

2 Tsamuheri 12:7

Merikɨte Natani Rawiri mɨpaɨ katiniutahɨawe: —'Ekɨtsɨ mɨkɨ tewi pekanihɨkɨtɨni. Yawé mɨpaɨ kanaineni, 'ixaheritsixi wakakaɨyari: “Ne ti'aitame nekamanayeitɨani 'Ixaheri kwieyaritsie pemɨtita'aitakɨ meta nekamaniutawikweitsitɨani Tsahuri matsimiemɨkɨkaku.

Matsiɨkɨtɨ kemɨratɨa 18:5

tita 'axamemɨte'uyuri kaniukuxeɨriyani muyuawitsie paitɨ, meta Kakaɨyari pɨkahetɨmai heitseriemekɨ kememɨkate'uyuri.

Mateu 14:4

Meripaitɨ Wani kawiyariewetɨ 'akuxi, mɨpaɨ Herurexi katiniutahɨawe: «Pɨkayɨwe pemewitɨkɨni, 'inɨari niukiyari mɨpaɨ paine».

Nɨawari 108:4

'Anaki'eriyatsɨ kanimariweni muyuawi kana'iwani, muyuawitsie paitɨ kaniye'axeni 'aniuki yuri maine.

Nɨawari 36:5

Yawé, 'anaki'eriya muyuawitsie paitɨ pɨye'axe, kepemɨkatiyupata haitsie paitɨ pɨye'axe.

2 Kemɨtiuyɨ 28:9

Tewi 'Ureri titewatɨ mana kaniukateitɨni, Yawé niukameya kanihɨkɨtɨkaitɨni. Kepauka kuyaxi 'ixaheritsixi Tsamariyatsie memuti'axekai, mɨkɨ Kakaɨyari niukameya kanayeyani waranukunakeke mɨpaɨ katiniwarutahɨawe: —Yawé, xe'ukiyarima wakakaɨyari, Kuratsie kiekatari xehetsɨa kaniwayetuani, mɨkɨ mɨha'akaikɨ wahepaɨtsita. Peru xeme xekananutikɨne, xekawanenimayatɨ xekaniwarukwini, Kakaɨyari kaniuniere muyuawitsie paitɨ.

Tsutɨarika 28:12

Mana katiniuheinɨni, 'imɨmui 'ahatayeume kaniuxeiya kwiepa yuwetɨkaime muyuawitsie heutiyuneme, mɨkɨ 'ɨtɨma mekananutikɨkaitɨni niuki tuayamete Kakaɨyari hetsɨa miemete me'anutikɨkame me'anakakɨkame.

'Etsekieri 17:3

Mɨpaɨ ketiniwaraye'eritɨa kename ne Yawé nehaine: »Riwanu kaninuani Kwixɨ 'anetɨ, 'a'anateyeyeutɨ, waɨkawa heuhuxatɨ, witsiheu'anetɨ. Kariuxa yekɨrita kaniuyeyerɨni,

Tanieri 4:11

'Iteɨri kaniutawere meta tɨrɨkaɨyetɨ kanayani, kɨtsitana miemeyari muyuawi kanikuyuitɨwakaitɨni, kwiepa 'uyeikatɨ tsepa hakewa mixeiya kaniyɨwekaitɨni 'amutewikaikɨ.

Tanieri 4:21

Mɨkɨ 'iteɨri xawarieya witsimɨ'anenekai meta 'ikwaxi waɨkawa mexeiyakai, meta yunaime kwiepa memɨtama mɨtiwamikwakai, hetɨana yeutari memɨti'etɨpiwekai meta wikixi muyuawitsie memu'uwa mamateyatsie memɨyu'ituatɨakai.

Tanieri 4:36

Kepauka tewi hepaɨ netinekɨhɨawetɨ nematɨa, tawarita nekaniupitɨarieni mariwemekɨ kenemɨti'aitakai. Netsi'ɨxatsitɨwamete meta memanuyetei nemɨra'aitatsie miemete mekanenekuwauni, tawarita 'uweni nekaniuhanitɨarieni. Matsi waɨkawa netɨrɨkaɨyetɨ nekanayani keyuri meripaitɨ.

Keremiyaxi 27:5

Ne, waɨkawa netɨrɨkariyakɨ mumariwekɨ, kwie neputawewi, teɨteri meta yunaime yeutari hetsiena memɨ'uwa, nepɨyɨwe nemuwayetuanikɨ kemɨ'ane hetsɨa mɨnetsinakeni.

Tanieri 2:21

Mɨkɨ tukari pukupata naime kemɨtiyeyɨxime, pɨwaranuka'uitɨwa pɨwaranakaxɨrɨwa te'aitamete. Temaiwawemete memɨtemaiwawenikɨ pɨwapitɨa. Kwinie memɨteheutamaiwawe, memeitimaitɨkɨkanikɨ pɨwapitɨa.

Tanieri 4:29

'Arike tamamata heimana huta metseri 'anukayaku, yuparatsiyu 'amupa heima mexi 'uyeikakai Wawiruniyatsie,