Tanieri 4:21 - Kakaɨyari Niukieya

²¹ Mɨkɨ 'iteɨri xawarieya witsimɨ'anenekai meta 'ikwaxi waɨkawa mexeiyakai, meta yunaime kwiepa memɨtama mɨtiwamikwakai, hetɨana yeutari memɨti'etɨpiwekai meta wikixi muyuawitsie memu'uwa mamateyatsie memɨyu'ituatɨakai.

Tanieri 4:21 ပူးပေါင်းရင်းမြစ်များ

'Etsekieri 31:6

Yunaitɨ memɨte'awɨwawe 'amamatetsie mepuyuti'ituatɨa. Yunaitɨ yeutari 'ahetɨa mepɨtiniweyakai. Yunaitɨ nuiwarite 'a'etɨritɨa mepu'uwakai.

Tanieri 2:38

Meta matsi, 'Ekɨ ti'aitame yunaime teɨteri kwiepa memu'uwa kameniyetuirieni, yeutari meta muyuawitsie memɨte'uwɨtɨkɨka. Tsepa hakewa meme'uwa, Kakaɨyari kameniupitɨani yunaime mɨkɨ pemɨtiwa'aitɨwametɨnikɨ. 'Ekɨ ti'aitame, mɨkɨ mu'u hurukɨ mɨwewiya 'ekɨ pekanihɨkɨtɨni.

Tanieri 4:11

'Iteɨri kaniutawere meta tɨrɨkaɨyetɨ kanayani, kɨtsitana miemeyari muyuawi kanikuyuitɨwakaitɨni, kwiepa 'uyeikatɨ tsepa hakewa mixeiya kaniyɨwekaitɨni 'amutewikaikɨ.

Tanieri 4:20

'Ekɨ ti'aitame 'iteɨri pemuxei kwinimieme 'utewime mariweme meta tse'ime, muyuawitsiepai ye'akame, naitsarie kwiepa mɨhekɨakai.

Tanieri 4:22

Mɨkɨ 'iteɨri 'Ekɨ ti'aitame pekanihɨkɨtɨni, petɨrɨkaɨyeme pema'ayeitɨa meta pemariweme, meta pemariwetɨ muyuawitsie paitɨ pekaneuti'ani. Pekatini'aitani naitsarie kwie manu'axetsie paitɨ.

Nɨawari 104:17

Mɨkɨtsie wikixi mepuyu'ituatɨa, huku 'amutɨtɨtsie kwaxuri 'amemɨnene mekaniyukitɨaka.

'Etsekieri 17:23

'Ixaheri hɨriyaritsie nekanika'iteɨtamɨkɨ, 'amanutitewatsie, mana mɨtayɨrakɨ meta 'ikwaxi mɨkaxuawitɨanikɨ, kariuxa witsi'anetɨ mayanikɨ. Yunaitɨ wikixi hetsiena mekaniyuti'ituatɨakuni, 'etɨriyayatɨa xeikɨa mekaniu'uwakuni.

Rukaxi 13:19

Mutsitatsa 'imɨariyari hepaɨ kani'aneni tewi xei 'imɨariyari 'anutɨka yuharawerita meika'e. 'Utawereka kɨye kanayani, wikixi taheima miemete mekaniyuti'ituatɨatɨkɨne mamateyatsie.