Tanieri 4:19 - Kakaɨyari Niukieya

¹⁹ Tanieri, yaxeikɨata Werititsatsaxi memɨte'iterɨwakai, yakatineutere ka'utaniutɨ, waɨkawa kanimakaitɨni yuhɨawetɨ, 'ayumieme ti'aitame mɨpaɨ katinitahɨawe: ―Werititsatsaxi, pepɨkayu'iyaritɨaka mɨkɨ heinɨtsikɨ, keneneutahekɨatɨa kehepaɨtɨtɨ manuyɨne. Hikɨ Tanieri kanita'eiya: ―Ne mɨpaɨ nepɨtiku'eriwakaku 'Ekɨ ti'aitame memɨmetsi'aye'unie wahetsiemieme pɨhɨkɨtɨnikeyu.

Tanieri 4:19 ပူးပေါင်းရင်းမြစ်များ

Tanieri 8:27

»Ne Tanieri, nekaheutɨrɨkaɨyetɨ nekanayani, mɨixa tukari ne'utatsie nekanikakateitɨni. Manakeri ne'anukukeka ti'aitame mɨra'aitatsie nekatiniparewiekaitɨni tita mɨranierekai. Matsi heinɨtsika waɨkawa pɨnetsi 'iyaritɨakai, 'atsinemɨkareitimaiwekaikɨ 'akuxi.

Tanieri 7:28

»Kenemɨtiunierixɨ 'ena pu'axe. Ne, Tanieri, nepɨkanemaiwekai 'iyaritɨarika kenemɨrexeiyakai nehetsie, yɨkɨ nepɨraka'eriekai marikakɨ. Matsi naime 'ikɨ nehetsie xeikɨa nekatiniuhɨni».

Tanieri 4:24

»'Ipaɨtɨtɨ kananuyɨneni heinɨtsika, mɨpaɨ katiniu'aita Kakaɨyari 'Amutewi 'Ekɨ ti'aitame 'ahepaɨtsita:

Keremiyaxi 4:19

Waɨkawa nepɨnehiwerie, nepɨtiuka'eniwa. Kukuiniya pɨnetsi'uta'ɨimura. Ne 'iyari puwatayuane. Xɨa'ui ne'iyari. Kayuwatɨ nemɨtiuyerɨni nepɨkayɨwe. Nepi'enie 'awa metahɨtsieriwa meta hiwari mɨrayukwine mieme.

1 Tsamuheri 3:17

'Eri mɨpaɨ katinita'iwawiya: —¿Yawé kemeretahɨawixɨ 'aku? Nepɨmatsiwawirie pepɨkaneti'awitsirieka. Kakaɨyari 'axakematsi'uyurieni kematiukwinitɨani, xɨka xeiniukiyari pekanetsi'utaxatɨani naime kemɨmatiutahɨawixɨ.

'Awakuki 3:10

hɨrite mematsixeiyatɨ mekaniutimamani. Waɨkawa wiyeri 'ekamatɨ kaniukaxɨrieni, meta hamewari 'amatiyewatsie mieme kaniuyutihaxɨatɨwani, hamewariyari 'anenetɨ muyuawitsie paitɨ kaneutimemeni.

Tanieri 7:15

»Ne, Tanieri, waɨkawamekɨ nematɨ nekaniyuhayewa, meta mɨyanemɨtiunierixɨkɨ nenehɨawetɨ.

Tanieri 5:12

Mɨkɨ tewi kwinimieme katinimaiweni, waɨkawa katinakumaika, meta katinimateni metatsiere kaniyɨweni heinɨtsika mɨtahekɨata, mɨranukaname mutaxata kaniyɨweni meta mɨtikwaniwetɨka 'aixɨa katinakayuruwani. Mɨkɨ tewi ketineutanɨ'airi, mɨkɨ yakametinitaxatɨamɨkɨ kehepaɨtɨtɨ mɨre'uxa. Tanieri katinitewaka, tsepanetɨ 'ekɨ ti'aitame 'apaapa Werititsatsaxi mɨtiterɨwakai.

Tanieri 2:26

Ti'aitame Tanieri kaniuta'iwawiya, wawiruniyatari Werititsatsaxi mekateniterɨwakaitɨni: ―¿Penetiutaxatɨawe neheinɨtsita tita nemɨtiuxei meta kehepaɨtɨtɨ manuyɨne?

Tanieri 1:7

mɨkɨ te'uximayatamete wa'ukiyari kememɨtetetewakai kaniwarupatsirieni: Tanieri Werititsatsaxi katiniuterɨwa, 'Ananiyaxi Tsatɨraki katiniuterɨwa, Mitsaheri Metsaki katiniuterɨwa meta 'Atsariyaxi 'Awerineku katiniuterɨwa.

Keremiyaxi 29:7

Yaxeikɨa hakewa nemɨxehenɨ'a, mana kiekariyaritsie 'aixɨa 'iyari xeketene'uximayaka meta Yawé xekenewawirieka hetsiena mieme, 'aixɨa 'iyari xe'u'uwakaku, xeme kiekaritsie 'aixɨa 'anemekɨ xepu'uwani».

1 Te'aitamete 18:7

Hikɨ 'Awiriyaxi huyeta 'umietɨ 'Eriyaxi kananukunake. 'Awiriyaxi heitimaika, 'anakatutsireka kwiepa, mɨpaɨ katinita'iwawiya: —'Eriyaxi neti'aitɨwame, ¿yurikɨ 'ekɨ petiyɨane?

1 Tsamuheri 26:15

Merikɨte Rawiri kanita'eiya: —'Awinexi, heiwa xeniu 'ekɨ kuya 'aixɨa pemɨ'ane petihɨkɨtɨni 'Ixaheri kwieyaritsie pemɨmariwa. ¿Titayari hikɨ mati'aitɨwame pekati'ɨwiyakai? Matsi nematinitaxatɨamɨkɨ xewitɨ kuya mana 'ahetsɨa kanitahani ti'aitame miemɨtɨ.

1 Tsamuheri 24:8

Peru Rawiri pitaxeiyakai huyeta 'uyeneyuke mitahiwienikɨ, mɨpaɨ katinitahɨawe 'ehiwiwatɨ: —Neti'aitɨwame, Neti'aitɨwame. Tsahuri yu'utɨma kananakuniere, 'ana Rawiri kwiepa kaniukahɨximakeni titunumawetɨ,

1 Tsamuheri 1:15

Hana kanita'eiya: —Neti'aitɨwame, netawekame pepɨka'erieka, ne matsi winu meta nawa nepɨka'anu'iwe, ne matsi 'ukaratsi nemɨhiweritɨarie nepɨhɨkɨ, 'uwa nepeyetɨa ne'ukiyari Yawé hɨxie mɨnetsinɨtɨanikɨ.

Memeyekɨ 32:32

Peru, nepɨmatsiwawirie wahetsiemieme pemɨtiwareuyehɨwirienikɨ 'axakememɨte'uyuri. Peru xɨka 'ekɨ pekatiwareuyehɨwirieni, neta kenenakayeitɨa 'axapatsie pemɨraka'utuatsie.

Tsutɨarika 32:18

mɨpaɨ pepɨreita'eiya: “'Ikɨ 'imikieri 'ahetsie pɨtimieme neti'aitɨwame 'Etsahu, Kakuwu mati'uximayatsiriwame pɨmatsiheyenɨ'airi yutewama wahetsie waranuyeteɨxɨka, mɨkɨtatsiere ta'utɨma kanamieni”».

Tsutɨarika 31:35

Hikɨ Xakeri yupaapa mɨpaɨ katiniutahɨawe: —Neuxeitsɨ, nepɨtikuye, nepaapa, 'ukarawetsixi ketemɨyɨtɨka mɨpaɨ nepɨ'ane, nepɨkayɨwe 'anemutakeni pepɨkaha'aka. Rawani kakaɨyarixi kaniwarutiwauni, peru pɨkawarutaxei.

Tsutɨarika 40:12

Kutse mɨpaɨ katinitahɨawe: —Kepemɨtiuheinɨ mɨpaɨ pɨtimatsiɨkɨ: Kaxie manuhaika, haika tukari pɨ'inɨariyari.

Tanieri 2:37

'Ekɨ ti'aitame te'aitamete watsata pekatini'aitametɨni, Kakaɨyari muyuawitsie makawe mɨpaɨ kametiniupitɨani pemɨti'aitanikɨ, meta tɨrɨkariya pɨmetsi'upitɨa meta pemɨmariwenikɨ.

Tanieri 5:18

»Kakaɨyari 'Amutewi 'apaapa Nawukurunutsuxi kaniupitɨani, mɨmariwenikɨ, xawatɨriya mexeiyanikɨ, mɨti'aitanikɨ 'aixɨa rahɨawarɨwatɨ.

Tanieri 5:19

Kakaɨyari 'ipitɨaku mɨti'aitanikɨ, hɨxiena yunaitɨ teɨteri mekaniutiyɨyɨakakaitɨni, nuiwarite meta yunaitɨ yɨkɨ memɨte'uniuka. Kemɨ'ane meumiemɨkɨkai puwatakukuyakai, kemɨ'ane mɨreuyehɨwiriemɨkɨkai pɨtiwareuyehɨwiriwakai, kemɨ'ane mariweme mauyeitɨamɨkɨkai mariweme puwarayeitɨwakai, meta xɨka xeime tixaɨtɨ katihɨkɨtɨme heuyeitɨamɨkɨni, mɨkɨ tixaɨtɨ katihɨkɨtɨme payeitɨwakai.