Tanieri 4:18 - Kakaɨyari Niukieya

¹⁸ »Ne, Nawukurunutsuxi, mɨpaɨ nekatiniuheinɨni. Hikɨta 'ekɨ, Werititsatsaxi, kenetineutaxatɨa kehepaɨtɨtɨ mɨti'inɨariyari, 'ikɨ nixewitɨ mɨtimaiwe nemɨra'aitatsie kiekame pɨkanetsi'utahekɨatɨa. Peru 'ekɨ pekaniyɨweni, kakaɨyarixi wa'iyari mɨpatsie 'ahetsie mɨyekakɨ».

Tanieri 4:18 ပူးပေါင်းရင်းမြစ်များ

Tanieri 5:15

Temaiwawemete meta mara'akate nehɨxie mepu'axɨa 'utɨarika me'akaterɨwake meta memɨnetsitahekɨatɨanikɨ kehepaɨtɨtɨ manuyɨne, matsi mepɨka'uyɨwekaxɨa.

Tsutɨarika 41:8

Nutuixietɨ yu'iyaritɨatɨ ximeri kananukukeni. Katiniwarutanɨ'airieni 'awie temaiwawemete 'ekipitutari. Katiniwarutaxatɨani kemɨtiuheinɨ, peru nixewitɨ pɨka'itahekɨatɨa heinɨtsikaya.

Tanieri 5:8

Temaiwawemete yunaitɨ mɨra'aita kiekatari mekaniu'axɨani, matsi mepɨka'uyɨwekaxɨa memekaterɨwa meta ti'aitame yamemɨtetahɨawe ketɨtɨ manɨyɨne.

Tsutɨarika 41:15

Ti'aitame mɨpaɨ katinitaxatɨani: —Ne nepɨtiuheinɨ, xewitɨ pɨka'ihekɨatawe. Peru xewitɨ pɨnetiutaxatɨa, kename 'ekɨ peyɨwe pemitahekɨata heinɨtsi.

'Amuxi 3:7

Yurikɨ, Yawé naimekɨmɨyɨwe yɨkɨ pɨkatiyurieni yuniukamete katiwataxatɨawetɨ kemɨtiyurieni.

Tanieri 2:7

Muyuawitsie timiemekɨ memɨteyɨ'ɨkitɨa mɨpaɨ mekaniutiyuani: ―Matsi xɨka 'Ekɨ ti'aitame tame te'uximayatamete 'ahetsɨa miemete petatiutaxatɨani kepemɨtiuheinɨ, tame kehepaɨtɨtɨ manuyɨne tekanitahekɨatakuni.

Kitsariyaxi 19:3

'Ekipitutari mekayuwaɨriyatɨ mepakɨne meta yukakaɨyarixi mekaniwatahɨawikuni: meta mɨkite wa'iyarite, teyukewaiyamete meta mɨkite wahamatɨa memɨtekuxata meta memɨtehetimamateke, ne matsi kememɨteku'eriwa nepɨkawapitɨani.

Tsutɨarika 40:12

Kutse mɨpaɨ katinitahɨawe: —Kepemɨtiuheinɨ mɨpaɨ pɨtimatsiɨkɨ: Kaxie manuhaika, haika tukari pɨ'inɨariyari.

Tanieri 1:20

Ti'aitame kaniwaruti'iwawiya naime kememɨtemaiwawekai meta wa'inɨatanetɨ wahetsie kanikaxeiya tamamata mexɨa matsi kwinimieme mekatenimaiwawekaitɨni keyuri yunaitɨ memɨtemaiwawe meta memɨteyukewaiya mɨra'aitatsie memuxuawekai.

Tanieri 2:38

Meta matsi, 'Ekɨ ti'aitame yunaime teɨteri kwiepa memu'uwa kameniyetuirieni, yeutari meta muyuawitsie memɨte'uwɨtɨkɨka. Tsepa hakewa meme'uwa, Kakaɨyari kameniupitɨani yunaime mɨkɨ pemɨtiwa'aitɨwametɨnikɨ. 'Ekɨ ti'aitame, mɨkɨ mu'u hurukɨ mɨwewiya 'ekɨ pekanihɨkɨtɨni.