Tanieri 4:16 - Kakaɨyari Niukieya

¹⁶ Tewi 'iyarieya mexeiya ke'uyupata, yeutanaka mɨtiyukɨhɨawe hepaɨ pɨta ke'uyɨni, 'atahuta wiyari ke'uyurieni”.

Tanieri 4:16 ပူးပေါင်းရင်းမြစ်များ

Tanieri 4:23

»'Ekɨ ti'aitame xeime pepuxei niukituayame mɨpatsie muyuawitsie 'akamieme, mɨmetsi'aitɨakai 'iteɨri pemɨka'unakɨ meta pemikateukukekai hetsiena mɨkawiyekɨ, tsepanetɨ kutsunuyari tepɨakɨ pemutseiriyaxɨa meta wurunitsekɨ nanayari. Mɨpaɨ yeutari wahepaɨ mɨtiyuhayewakɨ 'atahuta wiyari.

Matsiɨkɨtɨ kemɨratɨa 12:14

Hikɨ 'ukaratsi kaniupitɨarieni ma'anatɨkanikɨ kwixu 'amɨnena hepaɨ, makumawetsie paitɨ manuwienikɨ yuhuyeripa, mana kuu 'amɨtimariwe mɨka'ixeiyakɨ, hakewa xeiwiyari mɨremikieka, 'ariketa huta wiyari, 'ariketa merie wiyari.

Tanieri 4:25

'Ekɨ teɨteri watsata pekananayehaniemɨkɨ, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanitikwaimɨkɨ, 'ahetsie haɨtsi kaniupaparemɨkɨ. 'Atahuta wiyari kananuyeyeimɨkɨ, kepaukake 'Ekɨ ti'aitame mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta mɨkɨ pɨyɨwe ti'aitame meyeitɨani kemɨ'ane manayexeiya.

Kitsariyaxi 6:10

'Ikɨ teɨteri wa'iyari tsetse'ime kenayeitɨa, wa'enakareme kenanunaxɨa meta mekaheuneniereme keniwarayeitɨa, nɨkahɨrixɨa me'uneniere, me'u'enanani, meta yu'iyarikɨ meheitimaixɨani, kapa mete'uhayewame 'aixɨa meteheu'erietɨ mehayeitɨarieni».

Hepɨrayutsixi 1:11

Mɨkɨ pukumawere, 'ekɨ pɨta 'apeniuwemɨkɨ. 'Ixuriki hepaɨ mɨkɨ naitɨ kanitaye'irimɨkɨ.

Tanieri 12:7

»Ne nekanixeiya meta nekani'enieni tewi rinu kamixayari manakatɨkɨ, haa heima muyewiekai, yuheima yumamate hetseraxɨaka hikɨ yakatiniyɨhɨritɨani kemɨ'ane mayeniere yuheyemekɨ hɨxie, mɨpaɨ kaniutayɨni: “Haika wiyari heimana 'ataxewi metseri kaneuyewekani. 'Ikɨ naitɨ katinaye'amɨkɨ kepauka teɨteri memɨpatsie watɨrɨkariya tawariri mɨkaka'unarieni”.

Tanieri 11:13

karikɨ ti'aitame tayeta kiekame hipameta kuyaxi kaniwakuxeɨrimɨkɨ, matsi meyumɨireme, meta 'aixɨa ti'aneneme kuyaxa timieme mete'upikame keyuri matɨari miemete, hikɨ yapaɨmexɨa wiyari 'anuyeyayu ti'aitame tatsutɨa kiekame tawarita kanitamiemɨkɨ.

Tanieri 7:25

Kakaɨyari 'Amutewi hepaɨtsita kaneuniumɨkɨ memɨpatsie hetsɨana miemete kaniwa'uximatɨamɨkɨ, katinipataxɨamɨkɨ tita 'ixɨarari mɨratineika meta 'aitsika niukiyari, meta memɨpatsie katiniwata'aitɨamɨkɨ haika wiyari heimana 'ataxewime metseri.

2 Tsamuheri 18:32

Hikɨ ti'aitame mɨpaɨ katinita'iwawiya: —¿Neniwe 'Awitsaruni 'aixɨa kwerietɨ reu'erie? 'Etiupe tewiyari mɨpaɨ katinita'eiya: —Mɨkɨ temaikɨ hepaɨ mekete'ukwine yunaitɨ memɨmatsi'aye'unie 'ekɨ ti'aitame, meta yunaitɨ kemɨ'ane 'axamemɨmatsiyuriku.

Tanieri 7:28

»Kenemɨtiunierixɨ 'ena pu'axe. Ne, Tanieri, nepɨkanemaiwekai 'iyaritɨarika kenemɨrexeiyakai nehetsie, yɨkɨ nepɨraka'eriekai marikakɨ. Matsi naime 'ikɨ nehetsie xeikɨa nekatiniuhɨni».