Tanieri 3:28 - Kakaɨyari Niukieya

²⁸ 'Ayumieme Nawukurunutsuxi mɨpaɨ kaniutayɨni: «'Aixɨa kerahɨawarɨwani 'ikɨ yuhaikatɨ temari wakakaɨyari, yuniuki tuayame meyenɨ'a mɨwarutawikweitsitɨa. Mɨkɨ yuri mepɨte'eriekai hetsiena, kenemɨtiu'aitakai yuri mekate'erietɨ, mɨkiriya hetsie mepuyuyetua, xeime kakaɨyari hɨxie mekatunuma'uikutɨ mɨkawakakaɨyari.

Tanieri 3:28 ပူးပေါင်းရင်းမြစ်များ

Memeyekɨ 20:5

Mɨkɨ wahɨxie pepɨkatitunumakekani, pepɨkawarayexeiyani. Ne, Yawé 'akakaɨyari nemɨtiyukakwerie nekanihɨkɨtɨni. Kepauka wapaapama 'axamemɨte'u'iyari kepauka memɨnetsixani'erie, ne waniwema nepɨwa'uximatɨa, wateukarima, watutsima meta mɨkɨ waniwema.

Matsiɨkɨtɨ kemɨratɨa 12:11

Mɨkɨri mekane'iwa Muxa xuriyayakɨ, meta memɨtekuxatakaikɨ meyuhekɨatatɨ, yutukari memɨka'utikwerikɨ tsepa memukwi'iwaxɨ.

Xumatari 12:1

'Ayumieme, ne'iwama, Kakaɨyari mɨtiyukanenimayakɨ, mɨpaɨ nekatinixewawirieka, xemiyetuanikɨ yuwaiyari mawari mayanikɨ mayeniere, mɨpatsie, minake Kakaɨyari. Mɨkɨ 'uximayatsikakɨ xekaneyexeiyakakuni 'iyaritsie mɨmiemekɨ.

Nɨawari 147:11

matsi kaninaki'aka kemɨ'ane memeyemakaxe wahetsiemieme, kemɨ'ane naki'eriyayatsie memɨtewiya.

Nɨ'ariekate 5:19

Matsi tɨkarikɨ niuki tuayame Yawe hetsɨa mieme katsariyanata pɨreuyepiexɨa, pɨwaranuyewitɨ.

Tanieri 3:25

Mɨpaɨ katiniuhiwa: ―Peru neuxei xekeneunenieri. Mana taipa yunaukame teɨteri nepuwaxeiya mana mepɨye'uwa, mekahɨatɨkaitɨ meta mekate'uka'eniwatɨ, matsi naurieka mieme kakaɨyari hepaɨ pɨtiyuxexeiya.

Mateu 4:10

Hikɨ Ketsutsi mɨpaɨ katinitahɨawe: ―Kenemie Kauyumarie. 'Utɨarika mɨpaɨ kanaineni: “Ti'aitame mɨ'akakaɨyari xeikɨa kenayexeiyani”.

Tanieri 2:47

mɨpaɨta katinitahɨawe: ―'Akakaɨyari kakaɨyarixi wakakaɨyari pɨhɨkɨ meta te'aitamete mɨtiwa'aitɨa pɨhɨkɨ. 'Akakaɨyari naime pɨtihekɨatawe, pemuyɨwekaxɨakɨ pemɨnetsitahekɨatɨanikɨ 'ikɨ heinɨtsika mɨkayumainɨakai mɨ'awietsiekai.

Nɨawari 62:8

Hetsiena yuheyemekɨ xeketenewiyani, teɨteri hetsɨana miemete, 'a'iyaritsie ketineuyepiri kepauka hɨxiena pemuwe. Kakaɨyari tahetsie nunuwame kanihɨkɨtɨni.

Piriputari 1:20

Mɨpaɨ yemekɨ yuri nekatini'erieka meta mɨpaɨ netita'ikwewatɨ 'uxa'atɨni warie nepɨkatewiyatsitɨarieni, tsepa nemayeniere tsepa nemumɨ, matsi Kɨritsitu kemɨtimariwe kanimatsiɨkɨkamɨkɨ yaxeikɨa meripai hepaɨ.

Kitsariyaxi 37:36

Hikɨ Yawé niuki tuayameya muyuawitsie mieme kanayeyani xeitsienituyari heimana nauka tewiyari heimana 'auxɨwi miriyari (185.000) kuyaxi 'atsiriyutsixi memakutekatsie kaniwarukwini. 'Uxa'arieka ximeri memanuku'ui hipatɨ wa'iwama, mana yunatɨ mɨkite mepukuhetei.

2 Kemɨtiuyɨ 32:21

Hikɨ Yawé yuniuki tuayame kaneyenɨ'ani mɨwakwinikɨ yunaime kuyaxi meta tewa'aitɨwamete 'Atsiriyatsie ti'aitame memakuteitsie, meta kuyaximama tewa'aitɨwamete, hikɨ mɨkɨ 'ana yutewiyatɨ kanakunuani yukiekaritsie. Meta kepauka meutaha yukakaɨyari tukita, niwemamatɨtɨ mekanimieni.

2 Kemɨtiuyɨ 20:20

'Uxa'arieka, ximeri paitɨ Tekuha makumawetsie mekanekɨne. Me'uhukaku, Kutsapati 'a'utakeka mɨpaɨ kaniutayɨni: «Kuratsie kiekatari meta Kerutsareme, xekeneneu'eni: Yawé hetsie yuri xeketene'erieka, xepɨxɨnarieni. Kakaɨyari niukametemama yuri xeketeniwa'eririeka, 'aixɨa katiniyɨmɨkɨ xehetsiemieme».

1 Pekuru 1:21

Yuri xepɨte'erie Kakaɨyari Kɨritsitu hetsie yatixepitɨakaku, xeme xehetsiemieme, Kakaɨyari kanenukuketɨani mɨkite watsata, witsi'aneme kanayeitɨani yuri xemɨte'eriekakɨ, meta kexemɨteta'ikwewani.

Hepɨrayutsixi 11:37

Mepɨtituaxiwakai tetexikɨ, tsexutsukɨ mepɨtixitewakai, mepɨ'inɨatsietɨwekai, mepɨkwi'iwakai kutsirakɨ, mekaniku'uwakaitɨni muxa nawiyari meta tsipu nawiyari me'anakatɨtɨkaitɨ me'ikuteɨxɨtɨwetɨ, meteheuyehɨatɨ, me'uximatɨarietɨ, 'axame'itɨarietɨwetɨ.

Hepɨrayutsixi 1:14

¿Kamɨtsɨ niuki tuayamete yunaitɨ 'iyarite mekatehɨkɨ, Kakaɨyari memɨte'uximayatsiriwamete, memɨtanɨ'ariwa memɨwaparewienikɨ kemɨ'ane wahetsie mɨtinakirɨme memɨtawikweitsitɨarienikɨ?

Nɨ'ariekate 4:19

Peru Pekuru meta Wani mɨpaɨ mekateniwaruta'eiya: —¿'Aixɨa ti'ane Kakaɨyari hɨxie xeme pɨta temɨxe'enieka mɨkɨ teka'enietɨ? Xekeneutimaixɨa kemɨ'ane heitserie mexeiya.

Tanieri 6:26

»Mɨpaɨ nepɨtiu'aitaxɨ naitsarie nemɨra'aitatsie teɨteri Tanieri Kakaɨyarieya mekehayexeiyani meta mariweme mekehayeitɨwani. »Mɨkɨ Kakaɨyari mayeyuri kanihɨkɨtɨni, yuheyemekɨ 'akaniuyeikani. Hakewa mɨre'aita hatsuaku pɨkaka'une, 'aitsikaya hatsuaku hawaikɨ pɨkaheu'ani.

Tanieri 4:34

Mɨkɨ wiyari 'anuyekɨneku ne, Nawukurunutsuxi, neheima muyuawitsie nepenierixɨ, 'ana tewi hepaɨ netinekɨhɨawetɨ nepatɨa. Hikɨ 'ana Kakaɨyari 'Amutewi neputanɨawaxɨ, neputihɨximake meta 'aixɨa neputayɨ yuheyemekɨ 'amuyeika hepaɨtsita: Tɨrɨkariyaya pɨkaheu'axe, pɨti'aita yuheyemekɨ.

Nɨawari 34:22

Yawé te'i'uximayatsiriwamete wahetsie kaninuaka, mepɨka'anutaxɨriyani hetsiena memɨtewiya.

Nɨawari 33:21

Ta'iyari puyutemawie hetsiena mieme, mɨpatsietsie temɨtewiyakɨ.

Nɨawari 33:18

Matsi Yawé pɨwa'ɨwiya memeyemakaxe, naki'eriyayatsie memɨtewiya,

'Etsitɨraxi 6:11

Mɨpaɨta meta nekanaineni, kemɨ'ane 'ikɨ 'aitsika mɨkahaye'atɨani, mɨkɨ kɨyetsie kekaxuiyani, kɨye kiiya hetsie 'anuyehanieme meta kiiya ke'uka'unarieni.

'Etsitɨraxi 1:3

Hikɨ 'ayumieme, kemɨ'ane Kura mɨkiekame, Kerutsareme keheyani Yawé tukieya metawewienikɨ, 'Ixaheri Kakaɨyarieya, mɨkɨ Kakaɨyari Kerutsareme muyeika, merikɨte mɨkɨ Kakaɨyari kewareparewieka nekanaineni.

1 Kemɨtiuyɨ 5:20

Kakaɨyari hetsie memɨtewiyakaikɨ, mekanitawawirieni mɨwaparewienikɨ meyukwitɨwetɨ, hikɨ Kakaɨyari kaniwaruparewieni memɨwara'iwakɨ 'akarenutsixi meta memɨwanɨkai.

Tsutɨarika 9:26

Mɨpaɨta kaniutayɨni: «'Aixɨa ketikɨhɨawarɨwani Yawé Tsemi Kakaɨyarieya. Kanani ke'ayani waɨriyarika ti'uximayatsiriwame.

Nɨawari 103:20

Yawé xekenenɨawani, xeme niukieya tuayametemama, xemɨtɨrɨkawi niukieya xemaye'atɨa meta kemɨti'aita yaxemɨtekahu.

1 Kurinitutari 13:3

Xɨka tixaɨtɨ memɨkatehexeiya nepiinite naime netiwaruminike, xɨka neneyetuanike newaiyari mɨtataiyarienikɨ, peru xɨka nekatinekanaki'eriekake, tixaɨtɨ nepɨkara'iwakeyu.

Kitsariyaxi 12:2

Kakaɨyari netsiwikweitsitɨwame kanihɨkɨtɨni. Hetsiena yuri nepɨti'erieka meta nepɨkaheumaka. Yawé netɨrɨkariya kanihɨkɨtɨni, Yawé nekwikari pɨhɨkɨ, mɨkɨ netsiwikweitsitɨwame kanihɨkɨtɨni».

Kitsariyaxi 50:10

¿Kemɨ'ane xeme Yawé payemakaxe meta kemɨ'ane xeme tiyu'uximayatsiriwame peu'enie? Tsepanetɨ yɨwikɨta mumie, 'etsiwa tɨma kahekɨariwiyarietɨ, Yawé hetsie yuri keti'erieka, meta Kakaɨyari hetsie ketiwiyani.

Tanieri 6:16

Hikɨ 'ayumieme ti'aitame katiniuta'aita, Tanieri mayetsi memuye'ɨneta kaneukahɨiyani. 'Ana ti'aitame Tanieri mɨpaɨ katinikɨhɨawekaitɨni: ―'Akakaɨyari, yuheyemekɨ pemeyexeiya, kematsi'utawikweitsitɨani.