Tanieri 3:25 - Kakaɨyari Niukieya

²⁵ Mɨpaɨ katiniuhiwa: ―Peru neuxei xekeneunenieri. Mana taipa yunaukame teɨteri nepuwaxeiya mana mepɨye'uwa, mekahɨatɨkaitɨ meta mekate'uka'eniwatɨ, matsi naurieka mieme kakaɨyari hepaɨ pɨtiyuxexeiya.

Tanieri 3:25 ပူးပေါင်းရင်းမြစ်များ

Kitsariyaxi 43:2

Kepauka hapa pemuyani, ne 'ahamatɨa nekaniumiemɨkɨ, kepauka hatuxametsie pemanuyani, haa 'aheima pɨka'uyeuriweni, kepauka taipa pemumieni, pepɨkakwaxe pepɨkatatani,

Nɨ'ariekate 28:5

Matsi Papuru yumama kaniutatsike, kuu taipa kaneuweni, mɨkɨ 'atsipɨka'uyɨ pɨkatiukwinixɨ.

Marikuxi 16:18

kuterixi xɨka mewaranuku'ɨni, mɨmɨya xɨka me'anu'ieni, tixaɨtɨ 'atsipɨkatiwayurieni, tekwikwikate wahetsie xɨka me'utimeni mɨkɨ 'aixɨa meteheu'erietɨ mepakɨne».

Kuwi 1:6

'Ana tukari kanaye'akaitɨni Kakaɨyari niwemama Yawé hɨxie memɨ'axɨanikɨ, mɨkɨ wahamatɨata Kauyumarie kaninuani.

Tanieri 3:28

'Ayumieme Nawukurunutsuxi mɨpaɨ kaniutayɨni: «'Aixɨa kerahɨawarɨwani 'ikɨ yuhaikatɨ temari wakakaɨyari, yuniuki tuayame meyenɨ'a mɨwarutawikweitsitɨa. Mɨkɨ yuri mepɨte'eriekai hetsiena, kenemɨtiu'aitakai yuri mekate'erietɨ, mɨkiriya hetsie mepuyuyetua, xeime kakaɨyari hɨxie mekatunuma'uikutɨ mɨkawakakaɨyari.

Nɨawari 34:7

Yawé niuki tuayameya tihɨweme kaneyenɨ'awani memeyexeiya mɨwa'ɨwiyanikɨ, wa'aurie kaniuyeikani waparewienike.

1 Pekuru 3:13

Mɨkɨ meta, ¿kepaikɨtsɨ 'axapɨxeyurieni xɨka xeyuwaɨriyani hikɨ xemɨyumexɨitɨakakɨ tita 'aixɨa mɨti'ane hepaɨtsita?

Tanieri 3:18

Yatɨ takakaɨyari tsepa mɨpaɨ mɨkatiuyuri, 'ekɨ mɨpaɨ ketinemaika tame hatsuaku 'akakaɨyarixi wahɨxie tepɨkakahɨxima'uni meta yaxeikɨa 'ɨkiya pemuta'ai hɨxie tepɨkakatunuma'uni.

Kuwi 38:7

mexixi me'utikwikakai xurawetsixi ximeri miemete meta yunaitɨ niuki tuayamete meyutemamawietɨ me'utihiwakai?

Xumatari 1:4

Mɨkite watsata manukukekɨ, tɨrɨkariyakɨ kaniukayerieni Kakaɨyari Nu'ayatɨtɨ, 'Iyari Kakaɨyaritsie mieme mɨtatsipata kemɨtikaye. Ketsutsi Kɨritsitu kanixatakaitɨni mɨtati'aitɨwame.

Rukaxi 1:35

Niuki tuayame mɨpaɨ katinitahɨawe: —'Iyari Mɨtiyupata 'ahetsie kaninuamɨkɨ, kemɨ'ane 'Amutewi yutɨrɨkariyakɨ kamani'etɨriwiyamɨkɨ. 'Ayumieme nunutsi mɨtinuiwa kanipatsiemɨkɨ Kakaɨyaritsie mieme, Kakaɨyari Nu'aya katiniuterɨwarɨwamɨkɨ.

Temaiwawemete 30:4

»¿Muyuawitsie kemɨ'ane panutitɨari meta kemɨ'ane mana pakane? ¿Kemɨ'ane 'eka puwiyawe yumamakɨ, yatɨni kemɨ'ane haramara pakawimawe? ¿Kemɨ'ane kwie manuye'atɨkanitsie pu'inɨataxɨ? ¿Kemɨ'ane yapɨtimate kepemɨtitewa yatɨni 'aniwe kemɨtitewa?

Keremiyaxi 1:8

Ne 'ahamatɨa nepuyeikani 'aheima nemɨtanuanikɨ, nixeimetɨma pepɨkahaumakaka». Yawé mɨpaɨ nekanaineni.

Keremiyaxi 1:19

Mepɨmatsitamieni peru mepɨkamatsikemakaxɨani, karikɨ ne 'ahamatɨa nekaniuyeikamɨkɨ nematsixɨnake», Yawé mɨpaɨ nekanaineni.

Keremiyaxi 15:21

Nepɨmatsixɨna 'axamemɨte'u'iyari wahetsie, nepɨmatsitawikweitsitɨani memayu'eririya waxɨtetetsie».

Tanieri 3:24

'Ana kwitɨwa Nawukurunutsuxi kananukukeni, hikɨ hɨxiyatɨ 'ɨxatsitamete yuhetsɨa miemete mɨpaɨ katiniwaruta'iwawiya: ―¿Tamɨ teɨteri mekateyuhaikakai temɨwarutihɨa meta taipa temɨwareukaxɨri? Mɨkɨ mɨpaɨ mekatenita'eiya: ―Huu mɨpaɨ pɨ'ane 'Ekɨ ti'aitame.

Tanieri 6:23

Ti'aitame waɨkawamekɨ puyukatemawi, katiniuta'aita Tanieri muwatihanienikɨ. Kepauka muwatihanie, hawaikɨ tɨma pɨkahaxutsinikai, Tanieri yukakaɨyari hetsie yuri mɨti'eriekaikɨ.

Kuwi 5:19

Kamaniparewiemɨkɨ 'ataxewimexɨa pe'uximatɨariekaku, meta 'atahutarieka 'axapepɨkaranuyeyani.