Tanieri 3:17 - Kakaɨyari Niukieya

¹⁷ Xɨka huxunuta mɨwatita'atsie teheukaxɨriyani, Kakaɨyari temeyexeiya kaniyɨweni mɨtatsitawikweitsitɨani huxunuta meta 'Ekɨ ti'aitame 'ahetsie.

Tanieri 3:17 ပူးပေါင်းရင်းမြစ်များ

Xumatari 8:31

¿Keri te'utiyuaneni xɨka mɨpaɨ 'aneni? Xɨka Kakaɨyari tatsinaki'erieka, ¿kepaikɨ pɨtatsi'uxiwe'erieka?

Rukaxi 1:37

Kakaɨyari pɨkayutatexieni, naimekɨ kaniyɨweni.

Hepɨrayutsixi 7:25

'Ayumieme kaniyɨweni mɨwatawikweitsitɨanikɨ yuheyemekɨ mɨkɨ 'ahurawa memakɨka Kakaɨyari hetsɨa mɨkɨ waparewiekaku, yuheyemekɨ 'ayenieretɨ pɨyɨwe yamɨtiwawiriekakɨ wahetsiemieme.

Keremiyaxi 1:8

Ne 'ahamatɨa nepuyeikani 'aheima nemɨtanuanikɨ, nixeimetɨma pepɨkahaumakaka». Yawé mɨpaɨ nekanaineni.

Nɨ'ariekate 21:13

Papuru mɨpaɨ katatiniuta'eiya: —¿Titayari xe'utitsuatɨ ne'iyari xeteweranariya? Ne nepɨha'aritsie Kerutsaremetsie nemɨhɨiyanikɨ meta nemɨmɨnikɨ Ti'aitame Ketsutsi hetsiemieme.

Kuwi 5:19

Kamaniparewiemɨkɨ 'ataxewimexɨa pe'uximatɨariekaku, meta 'atahutarieka 'axapepɨkaranuyeyani.

Kitsariyaxi 12:2

Kakaɨyari netsiwikweitsitɨwame kanihɨkɨtɨni. Hetsiena yuri nepɨti'erieka meta nepɨkaheumaka. Yawé netɨrɨkariya kanihɨkɨtɨni, Yawé nekwikari pɨhɨkɨ, mɨkɨ netsiwikweitsitɨwame kanihɨkɨtɨni».

Nɨawari 115:3

Takakaɨyari muyuawitsie kaniuyeikani, mɨkɨ yakatiniyurieneni kemɨtinake.

Nɨ'ariekate 20:24

Matsi, netukari raye'akame nepɨka'erie nehetsiemieme. Nepinɨni xeikɨa nehɨritɨarika nenetemawietɨ, 'uximayatsikatsie yanepɨtiyurieni Ti'aitame Ketsutsi kemɨnetiuhɨritɨa, nemɨtihekɨatanikɨ niuki 'aixɨa manuyɨne hepaɨtsita Kakaɨyari 'aixɨa kemɨtiuka'iyari.

Tanieri 6:27

Mɨkɨ pɨtiyuwikweitsitɨwa, mariweme muyuawitsie pɨtiyuriene meta kwiepa. Tanieri kaniutawikweitsitɨani mayetsi me'itaxutsiximekaku».

Tanieri 4:35

Yunaitɨ kwiepa memɨtama nitixaɨtɨ mepɨkatehɨkɨ hɨxiena. Kakaɨyari yapɨtiyuriene kemɨtinake niuki tuayamete wahetsie meta teɨteri kwiepa memɨtama wahetsie. Pumawe xewitɨ tɨrɨkariyaya hɨxie mukeni meta pumawe titayari mɨya petiyuriene mɨrehɨawe.

1 Tsamuheri 17:46

Yawé hikɨ kwitɨwa kamaniyetuamɨkɨ, nemɨmatsimienikɨ 'amu'u nekananutixitemɨkɨ. Hikɨ kwitɨwa kuyaxi piritsiteutsixi wawaiyari nekaniwatimimɨkɨ wirɨkɨxi meta yeutari, 'ana mɨpaɨ mekatenetimaikuni naitsarie kwiepa memɨtama kename 'Ixaheri kwieyaritsie yuri Kakaɨyari 'uyeika.

1 Tsamuheri 17:37

Kepauka maye meta hutse mɨnetsikuwiwiyakaitsie Yawé kemɨnetiutawikweitsitɨa, hikɨta yaxeikɨa 'ikɨ piritsiteu tewiyari hepaɨtsita kaneniparewimɨkɨ. Tsahuri mɨpaɨ katinitahɨawe: —Kenemietsɨ Yawé kematsihe'ɨwiyani.

Tsutɨarika 18:14

¿Kamɨtsɨ Yawé hepaɨtsita tixaɨtɨ tixuawe katiyɨwetɨ? Yurika nekanayenemɨkɨ 'epauka, 'ana Tsara nunutsi kanexeiyakamɨkɨ.

Kitsariyaxi 54:14

Mɨtiheitseriekɨ pepɨtseiriyarieni, waɨriyarika pepɨkati'aitɨarieka, meta nitixaɨtɨ pepɨkarayemakaka, pepɨkamaka, meta hatsuaku pepɨkatimani.

Kuwi 34:29

¿Matsi kepaikɨ hetsiena pɨrahɨawe xɨka mɨkɨ kayuwatɨ tiuyerɨni? ¿Kepaikɨ pixeiyawe xɨka yunierika 'awietani? Mɨkɨ yunaime teɨteri meta wakiekari waheima pɨkawe,

Nɨawari 73:20

Xewitɨ tiheinɨtɨ manutaniere hepaɨ, mɨpaɨ, kepauka Ti'aitame pemanukukeni, mɨkɨ pepuwaratɨmaiyatsitɨani ke'axamemɨteyumate.

Tsutɨarika 17:1

Kepauka 'Apɨrami nauka tewiyari heimana tamamata heimana 'atanauka wiyari mexeiyakai, Yawé mɨpaɨ katinitahɨawe: «Ne Kakaɨyari Naimekɨmɨtɨrɨkaɨye nekanihɨkɨtɨni, nehɨxie keneuyeikani 'aixɨa ketineyurienetɨ.

2 Kurinitutari 1:10

Mɨkɨ kataniutawikweitsitɨani kapa mɨpaɨ tete'ukwinikɨ. Meta 'uxa'atɨni warie pɨtatsitawikweitsitɨani, kemɨ'anetsie yuri temɨte'erie. Tawarita katanitawikweitsitɨamɨkɨ,

Nɨawari 37:40

Yawé kaniwaparewieka meta kaniwaxɨnani, 'axateyuruwamete wahetsie kaniwaxɨnani meta kaniwawikweitsitɨaka, mɨkɨ hetsie mekaneuwawaɨreni.

Keremiyaxi 15:20

Ne yanekatiniyurimɨkɨ 'ikɨ teɨteri wahetsiemieme wurunitse mukawe mɨkaha'iwarie hepaɨ pemɨ'anenikɨ, mepɨmatsitamieni, peru mepɨkamatsiha'iwa, ne 'ahamatɨa nemuyeikakɨ nemetsitawikweitsitɨanike meta nemɨmatsixɨnakɨ —Yawé mɨpaɨ kanaineni—.

Keremiyaxi 15:21

Nepɨmatsixɨna 'axamemɨte'u'iyari wahetsie, nepɨmatsitawikweitsitɨani memayu'eririya waxɨtetetsie».

Tanieri 3:26

Mɨpaɨ 'utayɨka, Nawukurunutsuxi hurawa kaniuyani huxunu mɨta'a kitenieyaritsie meta mɨpaɨ katiniuhiwa: ―Tsatɨraki, Metsaki meta 'Awenekuxi, Kakaɨyari 'Amutewi te'uximayatsiriwamete, muwa xekenewayekɨni, 'ena xekenakɨni. Kepauka temari yuhaikatɨ huxunuta memɨwayekɨ,

Tanieri 6:16

Hikɨ 'ayumieme ti'aitame katiniuta'aita, Tanieri mayetsi memuye'ɨneta kaneukahɨiyani. 'Ana ti'aitame Tanieri mɨpaɨ katinikɨhɨawekaitɨni: ―'Akakaɨyari, yuheyemekɨ pemeyexeiya, kematsi'utawikweitsitɨani.

Tanieri 6:23

Ti'aitame waɨkawamekɨ puyukatemawi, katiniuta'aita Tanieri muwatihanienikɨ. Kepauka muwatihanie, hawaikɨ tɨma pɨkahaxutsinikai, Tanieri yukakaɨyari hetsie yuri mɨti'eriekaikɨ.

Mikeyaxi 7:7

Matsi ne Yawé hetsie netiwiyatɨ nepɨta'ikwewa, nepɨta'ikwewani Kakaɨyari hetsie netsiwikweitsitɨwame. Nekakaɨyari kaneni'eniemɨkɨ.

Nɨawari 37:39

Heitserie memexeiya wawikweitsitɨarika Yawé hetsie kanayeneikani, mɨkɨ mɨwatɨrɨkariya kanihɨkɨtɨni kepauka memɨte'uka'eniwatsie.