Tanieri 3:1 - Kakaɨyari Niukieya

¹ Merikɨtsɨ ti'aitame Nawukurunutsuxi tewi 'ɨkiyari hurukɨ mɨtawewiyanikɨ katiniuta'aita, xeitewiyari heimana 'atahuta meturuyari 'utewime meta huta meturuyari heimana 'imeriyu 'atayeukame, makuweritsie Rura mɨrakutewatsie Wawiruniya mɨrawiyatsie mɨtakerienikɨ katiniuta'aita.

Tanieri 3:1 ပူးပေါင်းရင်းမြစ်များ

'Awakuki 2:19

Xɨa'ui kemɨ'ane kɨye mɨpaɨ mɨtikɨhɨawe: “Kenanutanieri”, meta tete mɨkaniuwe: “Kenanukukexi”. Tsepanetɨ huru meta pɨrata memɨkawiriyarietɨka, tixaɨtɨ memɨxete'uta'ɨkitɨani mepɨkayɨwawe, memɨkahayeyuyurikɨ.

Keremiyaxi 16:20

¿Kamɨtsɨ tiyɨwe tewi yukakaɨyarixi mɨwarutiwewieni? Matsi mɨkɨ mepɨkakakaɨyarixi».

Kitsariyaxi 46:6

Hipatɨ huru yukɨtsiurita mieme mepɨxɨtɨa meta pɨrata ti'inɨnɨatametsie mepɨku'inɨnɨata, xeimeta tiwewiwame meputa'iniwa kakaɨyaritɨme mɨwatawewirienikɨ, mɨkɨ kakaɨyaritɨme hɨxie panakatutsita 'itahɨaweke.

'Utseyaxi 8:4

Yɨkɨmana mepɨwaranuka'uitɨwa te'aitamete ne yanekahainekaku, hipame 'itsɨkate mepɨwaranuka'uitɨwa nemɨkawamate. Pɨratakɨ meta hurukɨ yukakaɨyarixi memɨwatiwewiwa para mɨkɨkɨ memuyuka'unakɨ.

Nɨ'ariekate 19:26

Mɨpaɨ xepɨtexeiya, mɨpaɨ xepɨte'enana, Papuru yuri kemɨtiwa'eritɨa kemɨtiwarukunuitɨa yumɨireme teɨteri, 'ena 'Epetsutsie xeikɨa pɨkatixaɨ, matsi naitsarie 'Atsiyatsie. Mɨpaɨ katinikuxatani, mɨkɨ mamakɨ memɨwewiyatɨka kakaɨyarixi mepɨkahɨkɨ 'utaitɨ.

Nɨ'ariekate 17:29

»Hikɨ, xɨka Kakaɨyari hetsie teyekɨne, 'aixɨa pɨka'ane para mɨpaɨ temɨte'ixeiyani huru hepaɨ, pɨrata hepaɨ yatɨni tete hepaɨ 'anekame: tewi wewiyaya hepaɨ 'anekame, tita tewi mɨtiyɨkɨhɨawe hepaɨ 'anekame.

Kitsariyaxi 2:20

'Iya tukaritsie tewi yukakaɨyarixi hurukɨ memɨwewiyatɨka meta pɨratakɨ, mɨkɨ mɨwarutiwewiekai muwarayexeiyanikɨ, teuxari meta 'atsixi memuyekietsie puwareutaxɨrieni.

Nɨawari 135:15

Nuiwarite wakakaɨyarixima huru pɨrata mekanihɨkɨtɨni, tewi wewiyaya mepɨhɨkɨ.

1 Te'aitamete 12:28

Hikɨ 'uti'iwauka kemɨtiyurieni, ti'aitame yuhutame tsikerutsixi kaniwarutiwewieni hurukɨ, hikɨ mɨpaɨ katiniwarutahɨawe teɨteri: «'Ixaheritsixi, pɨkaheuyewetse xemeta'axeni 'akuxi Kerutsareme. 'Ena mekaniti'uka xekakaɨyarixima, 'Ekipitu memɨxe'ayewitɨ».

Tanieri 5:23

Matsi pɨta, Kakaɨyari muyuawitsie makawe pepaye'unie, pepɨtiuta'ai tekɨxite mɨhapaniemiekɨ tukitana mieme, hetana xemɨti'ienikɨ 'ekɨ meta 'aparewiwamete, meta xe'ɨitama metatsiere xetuxexerima. 'Ekɨ pepɨ'ayetua pewanɨawatɨ kakaɨyarixi memɨwewiyatɨka, hurukɨ, pɨratakɨ, tepɨakɨ, kɨyekɨ meta tetekɨ, mɨkɨ kakaɨyarixi memɨkaheuneniere, memɨkaheu'enana meta memɨkaheti'enatɨkɨka, matsi Kakaɨyari mariweme pepɨka'ayeitɨa tukari mɨmatsipitɨa meta kepemɨti'aitani mɨmatsipitɨa.

Tanieri 2:48

Hikɨ ti'aitame Tanieri kananukakeni mariwemetsie, meta waɨkawa 'imikierite katiniyetuirieni, kuwexinarurikɨ kanenukakeni naime wawiruniya kwieyaritsie 'aurie mamanetɨkatsie meta yunaime temaiwawemete wa'ukiyari kaneyeitɨani.

Keremiyaxi 10:9

Taritsi paitɨ patɨwa pɨrata 'etsimutsutsui, meta 'Upatsi huru patɨwa. Memɨkakakaɨyarixi wa'ɨkiyari, mɨtataɨrawi meta mɨxeta memanakatɨtɨka, teɨteri tewewiwamete meta tepɨa kwaniyamete mɨkɨ yunaitɨ wawewiya mepɨhɨkɨ.

Kitsariyaxi 30:22

Hikɨ memɨkakakaɨyarixi pemɨwarexeiya mekapatsiekame pekaniwarayeitɨamɨkɨ pɨratakɨ meta hurukɨ memɨkawiriyarietɨka, pekaniwarexɨrimɨkɨ tixaɨtɨ mɨkati'itiyaka hepaɨ, mɨpaɨ pekatiniwatahɨawimɨkɨ: «Xekenanuyekɨni».

Hutarieka 'inɨari 7:25

Kenemaine xeme wakakaɨyarixi memɨwarutiwewi xekeniwaretitaiya. Pɨratakɨ meta hurukɨ mɨtiwewiyatɨka xepɨkatehehiwe'erieka, nɨkahɨrixɨa winiyaritsie xeyukaxɨrieni, mɨkɨ Yawé xekakaɨyari katinixani'erieka.

Memeyekɨ 32:31

Hikɨ Muitsexi heyaka Yawé mɨpaɨ katinetahɨawe: —Waɨkawamekɨ 'axamepɨte'uyuri 'ikɨ teɨteri, huru kakaɨyarixiyari mewarutiwewieka.

Memeyekɨ 20:23

Xepɨkanetsi hiweritɨaka, kakaɨyarixi pɨratakɨ meta hurukɨ xepɨkawawewieka meta wahɨxie xepɨka'ukatunuma'uweni.

Matsiɨkɨtɨ kemɨratɨa 9:20

Hipatɨ teɨteri memɨka'ukwi'iwaxɨ mewakwikaku, mɨkɨ mepɨkatehayewakai mete'ayexeiyatɨ tita yumamakɨ memɨtewewie. Mepɨkatehayewakai nenewieri mewapitɨatɨ kakaɨyarixi 'axamemɨ'anene, huru, pɨrata, wurunitse, tete, kɨye kakaɨyarixiyari tsepa memɨkaheuneniere, memɨkaheu'enana, meta memɨka'ukɨniwawe.

Tanieri 3:30

Mɨpaɨ tiuyɨku ti'aitame kaniwaranuka'uitɨani Tsatɨraki, Metsaki meta 'Awenekuxi 'uximayatsika waɨkawa meuyewetsetsie Wawiruniya kwieyaritsie.

'Etsitexi 1:1

Hikɨ ti'aitame 'Atsuheru, pɨti'aitakai xeitsienituyari heimana xeitewiyari heimana 'atahuta (127) kwieyaritetsie, 'akaniyeukaitɨni Hiriya mɨrakutewatsie meta Kutsi kwieyaritsie paitɨ ye'atɨkaitɨ.

Tanieri 3:14

Nawukurunutsuxi mɨpaɨ katiniwarutahɨawe: ―¿Tiyuri waniu yuhaikatɨ xeme nekakaɨyarixi xekatewarayexeiya meta 'ɨkiya hurukɨ mɨwewiya nemuta'ai hɨxie xekate'ukatunuma'uwe?

Tanieri 5:4

'Ari metarɨwetɨ, yukakaɨyarixima mekaniwanɨawakaitɨni, huru, pɨrata, wurunitse, tepɨa, kɨye meta tetexi kakaɨyarixiyari.

'Utseyaxi 2:8

Mɨkɨ mɨpaɨ pɨkaretimaiwe kename ne nehɨkɨ nemɨtimikwa, kaxie winuyari mɨhekwa meta hatseiti nemɨtiyetuirie. Ne waɨkawa nepɨtimɨiririe pɨrata meta huru, ¿ketiuyuri kɨmana? Memɨkayuri kakaɨyarixi pɨwarutiwewi.

Tanieri 2:49

Yaxeikɨata, Tanieri ya'utayɨku, ti'aitame kaniwaranayexeiya Tsatɨraki, Metsaki meta 'Awenekuxi, Wawiruniya 'aurie mamanetɨkatsie memɨte'aitanikɨ. Tanieri manari kaniyuhayewa ti'aitame paratsiyuyata.