Tanieri 2:4 - Kakaɨyari Niukieya

⁴ Muyuawitsie timieme memɨteyɨ'ɨkitɨa mɨpaɨ mekatenita'eiya: ―'Ekɨ ti'aitame 'aheyemekɨ peke'ayeniereni. 'Ena tekaniu'uwani temɨmate'uximayatsirie. 'Aheinɨtsika ketaneutaxatɨa, tameta kehepaɨtɨtɨ manuyɨne tekanitahekɨatakuni.

Tanieri 2:4 ပူးပေါင်းရင်းမြစ်များ

Tanieri 5:10

Ti'aitame meta 'iparewiwametemama kwinimieme me'utainekaku, 'uka ti'aitame 'u'enaka memɨwayetei heutahaka mɨpaɨ kaniutayɨni: ―'Ekɨ ti'aitame peke'ayeyurini yuheyemekɨ. Pepɨkayu'iyaritɨaka meta yɨkɨ pepɨkaraka'erieka 'ahɨxie pepɨka'ayetuxani.

Tanieri 3:9

Mɨpaɨ mekaniutiyuani: ―'Ekɨ ti'aitame yuheyemekɨ peke'ayeniereni.

'Etsitɨraxi 4:7

Meta kepauka 'Aritakexiketsi ti'aitame matɨa Peritsiya kwieyaritsie, yaxeikɨata mɨkɨ Witsirani, Mitiriratexi, Taweri meta hipatɨ wa'iwama meyɨnɨtɨ xapa mekaneinɨ'airieni, mɨkɨ 'arameu niukiyarikɨ kanakaterɨwarieni.

Kitsariyaxi 36:11

'Eriyakini hamatɨa Tsewina meta Kuha mɨpaɨ kuyaxi tiwa'aitɨwa mekateniutahɨawe: ―Neuxei pamɨpariyutsixɨa, tame temate'uximayatsiriwamete 'arameu niukiyarikɨ ketatinekuxaxatɨwani tame mɨkɨ tekani'enieka. Hepɨrayukɨ pepɨkatatsikɨhɨaweni, yunaitɨ kurarutsie memakatei mepɨta'enana.

Tanieri 6:21

Hikɨ Tanieri mɨpaɨ katineita'eiya putsuta paitɨ: ―'Ekɨ ti'aitame yuheyemekɨ peke'ayeyurini,

Tanieri 6:6

Hikɨ ti'aitame parewiwamete meta waxexeiyamete hipame mekaniwarutanɨ'ani ti'aitame hamatɨa memɨtehetixatakɨ, hikɨ hɨxiena me'u'axɨaka mɨpaɨ mekatenitahɨawe: ―'Ekɨ, ti'aitame Rariyu, yuheyemekɨ peke'ayeyurini.

1 Te'aitamete 1:31

Hikɨ Wetitsawe ti'aitame hɨxie 'utihɨximakeka, mɨpaɨ kaniutayɨni: —Neti'aitɨwame meta ti'aitame Rawiri 'aheyemekɨ peke'ayeyurini.

Mateu 21:9

Teɨteri yumɨiretɨ memanuyetekai meta wa'utɨa memuhukai mekaniutihiwakaitɨni mɨpaɨ me'utiyuatɨ: —'Ari ketaneutawikweitsitɨa Rawiri Nu'aya. —'Aixɨa ke'itɨarieka kemɨ'ane 'umamie Ti'aitame hetsɨa miemetɨtɨ. —'Ari ketaneutawikweitsitɨa taheima pemakawe.

Tanieri 5:8

Temaiwawemete yunaitɨ mɨra'aita kiekatari mekaniu'axɨani, matsi mepɨka'uyɨwekaxɨa memekaterɨwa meta ti'aitame yamemɨtetahɨawe ketɨtɨ manɨyɨne.

Tanieri 4:19

Tanieri, yaxeikɨata Werititsatsaxi memɨte'iterɨwakai, yakatineutere ka'utaniutɨ, waɨkawa kanimakaitɨni yuhɨawetɨ, 'ayumieme ti'aitame mɨpaɨ katinitahɨawe: ―Werititsatsaxi, pepɨkayu'iyaritɨaka mɨkɨ heinɨtsikɨ, keneneutahekɨatɨa kehepaɨtɨtɨ manuyɨne. Hikɨ Tanieri kanita'eiya: ―Ne mɨpaɨ nepɨtiku'eriwakaku 'Ekɨ ti'aitame memɨmetsi'aye'unie wahetsiemieme pɨhɨkɨtɨnikeyu.

Tanieri 4:7

Kepauka temaiwawemete, mara'akate, muyuawitsie timiemekɨ memɨteyɨ'ɨkitɨa meta memɨtemaiwawe memu'axɨa, kenemɨtiuheinɨ nekaniwarutaxatɨani matsi mɨkɨ mepɨka'uyɨwekaxɨa memitahekɨatakɨ.

Kitsariyaxi 44:25

»”Kakaɨyari niukametemama memɨte'itawa wa'inɨari yanepɨkaraye'atɨwa, meta memɨtehetimamateke nepuwatewiyatsitɨa, memɨtemaiwawe mekatemaiwaweme nepɨwarayeitɨwa meta kememɨtemaiwawekɨ tixaɨtɨ katiyunaki'eriekame nepayeitɨwa.

Nehemiyaxi 2:3

mɨpaɨ nekatinita'eiya: ―Ti'aitame waɨkawa tukari pekepitɨarieka. ¿Titayarikuta nekatinutuixieka, panatsi kiekaritsie ne'ukiyarima memakateukie naitɨ kaheka'unarie meta 'ituparite naitɨ kahetata'i?

1 Te'aitamete 1:25

Mɨpaɨ nekamatina'iwawiyani yanetimaitɨ mɨkɨ mawari mewewikɨ yumɨireme, turutsixi, muxatsi meta tsikerutsixi memɨwaiyatɨka. Meta yunaime 'aniwema kaniwaruta'inieni, kuyaxi tewa'aitɨwamete, meta mawari wewiwamete 'Awiyataxi mana mɨkɨ yunaitɨ mekatenekwaka mekane'ieka, mɨpaɨ mete'uhiwatɨ hɨxiena: “Ti'aitame 'Aruniyaxi yuheyemekɨ keti'aitani”.

1 Tsamuheri 10:24

Tsamuheri kiekatari yunaime mɨpaɨ katiniwarutahɨawe: —Xekeneuxeiya tewi Yawé menayexei. Pumawe xewitɨ hepaɨna 'anetɨ yunaime teɨteri watsata. Yunaitɨ mɨpaɨ mekaniutiyuanekaitɨni: —Ke'ayeniereni ti'aitame yuheyemekɨ.

Tsutɨarika 41:8

Nutuixietɨ yu'iyaritɨatɨ ximeri kananukukeni. Katiniwarutanɨ'airieni 'awie temaiwawemete 'ekipitutari. Katiniwarutaxatɨani kemɨtiuheinɨ, peru nixewitɨ pɨka'itahekɨatɨa heinɨtsikaya.

Tsutɨarika 31:47

Mana Rawani Yekaxi-Tsaruta katiniuterɨwa meta Kakuwu Karaha katiniterɨwa.

2 Te'aitamete 18:26

Hikɨ 'Eriyakini Kirikiyaxi nu'aya, Tsewina meta Kuha mɨpaɨ kuyaxi tiwa'aitɨwame mekateniutahɨawe: —Ximɨxi, ketaneutahɨawi 'arameu niukiyarikɨ tame mate'uximayatsiriwamete, tepi'enie. Pepɨkatatsikuhɨaweni hepɨrayukɨ, teɨteri kuraru heima memaka'u mepɨtatsita'enie.

Tanieri 1:4

Temari mepɨhɨkɨtɨnikekai 'aixɨa memɨteyuxexeiya meta yuwaiyaritsie mekatekukuyeme, naime memɨtehetimanikɨ meyɨwaweme, metemaiwaweme meta paratsiyuta meteheuta'uximayatawaweme, mɨkɨ 'Atsipenatsi pɨtiwati'ɨkitɨanikekai wawiruniyutsixi waniukikɨ meta wa'utɨarikakɨ.

Tanieri 2:7

Muyuawitsie timiemekɨ memɨteyɨ'ɨkitɨa mɨpaɨ mekaniutiyuani: ―Matsi xɨka 'Ekɨ ti'aitame tame te'uximayatamete 'ahetsɨa miemete petatiutaxatɨani kepemɨtiuheinɨ, tame kehepaɨtɨtɨ manuyɨne tekanitahekɨatakuni.

Tanieri 4:9

Ne mɨpaɨ nekatinitahɨawe: «Werititsatsaxi, temaiwawemete wa'ukiyari, ne mɨpaɨ nepɨtimate 'ahetsie kakaɨyarixi memɨpatsie wa'iyari pɨyeka meta 'ahepaɨtsita pɨkakwaniwe pemitahekɨata tita mɨranukaname. Kenemɨtiuheinɨ nekamanitaxatɨamɨkɨ, 'ekɨ pekanenitahekɨatɨamɨkɨ kehepaɨtɨtɨ manuyɨne.

Tanieri 6:7

Tame ti'aitame 'ahetsiemieme te'uximayatamete, meta kuyaxi tewa'aitɨwamete, metsiparewiwamete, 'ɨxatsitamete meta kuwexinaruritsixi teyunaitɨ, mɨpaɨ tepɨtehexa 'Ekɨ ti'aitame 'aitsika hekwame pepɨtawewieni. Mɨpaɨ paineni mɨkɨ 'aitsika, xeimetseritsie xewitɨ pɨkayɨweni kakaɨyari mɨnenewiyani yatɨni xeime tewi, matsi 'ekɨ xeikɨa ti'aitame. Mɨkɨ 'aitsika naitsarie 'ikɨ kwieyaritsie pɨmiemetɨni, kemɨ'ane yamɨkatikayani 'ayenieretɨ putsuta mayetsi memuye'uwa keheukahɨiyani.