Tanieri 2:37 - Kakaɨyari Niukieya

³⁷ 'Ekɨ ti'aitame te'aitamete watsata pekatini'aitametɨni, Kakaɨyari muyuawitsie makawe mɨpaɨ kametiniupitɨani pemɨti'aitanikɨ, meta tɨrɨkariya pɨmetsi'upitɨa meta pemɨmariwenikɨ.

Tanieri 2:37 ပူးပေါင်းရင်းမြစ်များ

'Etsekieri 26:7

»Yawé naimekɨmɨyɨwe mɨpaɨ kanaineni: Tayeta nekaneyenetɨamɨkɨ, Tiru hetsiemieme Nawukurunutsuxi, Wawiruniya ti'aitame, mɨkɨ te'aitamete tiwa'aitɨwame. Kaninuamɨkɨ yumɨireme wahamatɨa, meta kaxetate kuyaxa miemete meta kawayutsixi wahetsie memutei.

Tanieri 5:18

»Kakaɨyari 'Amutewi 'apaapa Nawukurunutsuxi kaniupitɨani, mɨmariwenikɨ, xawatɨriya mexeiyanikɨ, mɨti'aitanikɨ 'aixɨa rahɨawarɨwatɨ.

Kitsariyaxi 47:5

«Kayuwatɨ ketineuyexi, 'uka karireutsixi waniwe, yɨwita keneutahaki. Tawariri hatsuaku “'uka nuiwarite tiwa'aitɨwame” pemɨkatiterɨwarienikɨ.

Nɨawari 62:11

Kakaɨyari yurikɨ pɨraxaxata, ne hutakɨa nepi'eni: 'Ekɨ, Kakaɨyari, pepɨtɨrɨkaɨye,

'Etsitɨraxi 7:12

'Aritakexiketsi, te'aitamete tiwa'aitɨwame, 'Etsitɨraxi nekametini'utɨirieka, pemɨmawari wewiwame meta pemɨti'ɨkitame Kakaɨyari taheima makawe 'aitsikaya hepaɨtsita: Nekameniwaɨritɨaka.

'Etsitɨraxi 1:2

«'Ipaɨ paine Tsiru, Peritsiya kwieyaritsie ti'aitame: »Yawé, Kakaɨyari taheima makawe, hikɨ 'ena kwiepa yunaime te'aitamete mɨnetsiyetuiri, kaneniuhɨritɨani nemitawewienikɨ tuki Kerutsareme kiekariyaritsie, Kura kwieyaritsie.

Matsiɨkɨtɨ kemɨratɨa 17:14

Mɨkɨ Muxa mekanitamiekuni, peru Muxa kaniwara'iwamɨkɨ kutsiyarite mɨwakutsiyarikɨ meta te'aitamete mɨtiwa'aitɨwamekɨ, meta mɨkɨ hamatɨana memu'uwa meputa'inierie, mepanayexeiyarie yamemɨtekahu».

Matsiɨkɨtɨ kemɨratɨa 5:12

Mɨpaɨ karima mekaniutiyuanekaitɨni: «Muxa mumierie, 'aixɨa katiniuka'iyarini, hetsiena mɨtinakenikɨ, tɨrɨkaɨyetɨ waɨkawa rexeiyatɨ, timaiwetɨ yɨwetɨ, mɨmariwanikɨ 'aixɨa mɨraniuwanikɨ, 'aixɨa mɨtikuxaxatsiwanikɨ witsimɨtikɨhɨawarɨwanikɨ».

Matsiɨkɨtɨ kemɨratɨa 4:11

«Tati'aitɨwame Takakaɨyari 'aku, 'aixɨa pepɨtiuka'iyari, 'ahetsie mɨtinakenikɨ 'aixɨa pemɨtikuxaxatsiwanikɨ mariwemekɨ pemɨmariwanikɨ, meta kepemɨtitɨrɨkaɨye, 'ekɨ naime pepɨtiunetɨa, mɨpaɨ mɨmatinakekɨ pɨtixuawe, naitɨ 'ayumieme pɨtiutiwewiya».

Matsiɨkɨtɨ kemɨratɨa 1:5

meta Ketsutsi Kɨritsitu hepaɨtsita kemɨ'ane yatikamietɨ muyuhekɨatakai, kemɨ'ane mɨkite memanuku'uni wamexɨakame mɨhɨkɨ, kemɨ'ane kwiepa te'aitamete mɨtiwa'aitɨa. Mɨkɨ mɨtatsinaki'erie kanihɨkɨtɨni, meta yuxuriyakɨ mɨtatsi'utixɨnaxɨ 'axatemɨte'uyurikɨ,

Wani 19:11

Ketsutsi mɨpaɨ katinita'eiya: —'Ekɨ heitserie pepɨkahexeiyanikeyu nehepaɨtsita taheima miemekɨ xɨka pekapitɨariekake. 'Ayumieme kemɨ'ane mɨnetsiyetua 'ahetsɨa, mɨkɨ matsi waɨkawa 'axakatiniuyurieni.

Mateu 6:13

Pepɨkatatsipitɨaka temɨta'inɨatsienikɨ, matsi ketaneutawikweitsitɨa 'axatemɨka'itɨarienikɨ. 'Ekɨtsɨ 'aheyemekɨ pekatini'aitametɨni pekanitɨrɨkaɨyeni witsipekani'aneni 'aheyemekɨ. Mɨpaɨ xeikɨa kani'aneni”.

'Utseyaxi 8:10

Tsepa nuiwarite watsata naitsarie mɨwananene, ne mana neniwakuxeɨrimɨkɨ, 'ana mekatenita'aitɨariekuni xewitɨ ti'aitame waɨkawa mariwemekɨ katiniwata'aitɨamɨkɨ.

Tanieri 4:34

Mɨkɨ wiyari 'anuyekɨneku ne, Nawukurunutsuxi, neheima muyuawitsie nepenierixɨ, 'ana tewi hepaɨ netinekɨhɨawetɨ nepatɨa. Hikɨ 'ana Kakaɨyari 'Amutewi neputanɨawaxɨ, neputihɨximake meta 'aixɨa neputayɨ yuheyemekɨ 'amuyeika hepaɨtsita: Tɨrɨkariyaya pɨkaheu'axe, pɨti'aita yuheyemekɨ.

Tanieri 4:32

Teɨteri watsata pepanayehanieni, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanikwakamɨkɨ, 'atahuta wiyari kananuyeyeimɨkɨ kepaukake mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta kename mɨkɨ yɨwe ti'aitame meyeitɨani kemɨ'ane mɨkɨ manayexeiya».

Tanieri 4:25

'Ekɨ teɨteri watsata pekananayehaniemɨkɨ, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanitikwaimɨkɨ, 'ahetsie haɨtsi kaniupaparemɨkɨ. 'Atahuta wiyari kananuyeyeimɨkɨ, kepaukake 'Ekɨ ti'aitame mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta mɨkɨ pɨyɨwe ti'aitame meyeitɨani kemɨ'ane manayexeiya.

Tanieri 4:3

Waɨkawa 'inɨarieya pɨmamariwawe. Waɨkawamekɨ pɨtiyuhɨxiyatsitɨwa mariwemekɨ kemɨtiyurieni. Mɨra'aita kaheu'akamekɨ pɨti'aita. Kemɨti'itsɨkame tukari mɨyehane mɨkɨ 'apuwe.

Keremiyaxi 28:14

Karikɨ Yawé mɨpaɨ kanaineni Naimekɨmɨtɨrɨkaɨye, 'Ixaheri Kakaɨyarieya: ‘Tepɨa yukuyari wakatutsitɨa nekaniwaratekiriemɨkɨ yunaime nuiwarite, Nawukurunutsuxi mɨtiwata'aitɨanikɨ, Wawiruniyatsie ti'aitame, mɨkɨta mekatenita'uximayatsiriekuni. Metatsiere yunaime yeutari nekaniyetuiriemɨkɨ’ ”».

Kitsariyaxi 10:8

Mɨpaɨ xeikɨa 'utaitɨ: “Yunaitɨ memanuyetei nehetsɨa miemete te'aitamete mekanihɨkɨtɨni.

Temaiwawemete 8:15

Newaparewiekaku te'aitamete mekateni'aitani meta kuwexinaruritsixi 'aitsika 'aixɨa 'aneneme mekanitiwewiwani.

2 Kemɨtiuyɨ 36:23

«'Ipaɨ pɨra'aita Tsiru, Peritsiya kwieyaritsie ti'aitame: »Yawé, Kakaɨyari muyuawitsie makawe, mɨnetsiyetuiri nuiwarite yunaime kwiepa memɨtama, mɨpaɨ pɨnera'aitɨwa tuki neke'itawewirieni Kerutsareme kiekariyaritsie, Kura kwieyaritsie mɨti'ane. 'Ayumieme, kemɨ'ane Kura kwieyaritsie mɨkiekametɨni, keheyani, hikɨ Yawé kehei'ɨwiyani kakaɨyarieya».

1 Te'aitamete 4:24

Tsarumuni naitsarie te'aitamete pɨtiwa'aitɨwametɨkai 'Eupɨrate hatuxameyari manuyeka 'anataɨye tau makayuyuipike hepatsie memɨtamakai Tipitsa 'itsutɨatɨ 'atsita Kahatsa paitɨ, yu'iyarikɨ kayuwatɨ mepu'uwakai naitɨ kwieya manuye'atɨkatsie.

Matsiɨkɨtɨ kemɨratɨa 19:16

Kamixayatsie meta teurieyatsie mɨpaɨ pɨre'ukai kemɨtitewa: Ti'aitame, te'aitamete tiwa'aitɨwame, meta Kutsiyari wakutsiyari.

2 Te'aitamete 25:28

Hikɨ 'aixɨa tixeiyatɨ kanayani, meta te'aitamete waheima pikake hamatɨana mana memu'uwakai Wawiruniya kiekariyaritsie.

Keremiyaxi 34:1

Yawé niukieya Keremiyaxi hetsɨa kaninuani kepauka Nawukurunutsuxi Wawiruniyatsie ti'aitame, Kerutsareme mumienekai meta kiekarite 'auriena mamanetɨka, yunaime yukuyaxima wara'inietɨ meta yunaime te'aitamete meta hipame teɨteri mɨtiwa'aitɨakai warawitɨtɨ:

Tanieri 1:2

Ti'aitame muyuawitsie makawe, Nawukurunutsuxi kaniupitɨani Kuhatsimi ma'iwakɨ meta miwiyakɨ. He'iwaka, Kakaɨyari tukieyata timieme piinite katinepinita yatipaɨmeme, Nawukurunutsuxi Wawiruniyatsie katinetɨni, mana yukakaɨyarixi watukita katineutapini.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Tanieri 4:22

Mɨkɨ 'iteɨri 'Ekɨ ti'aitame pekanihɨkɨtɨni, petɨrɨkaɨyeme pema'ayeitɨa meta pemariweme, meta pemariwetɨ muyuawitsie paitɨ pekaneuti'ani. Pekatini'aitani naitsarie kwie manu'axetsie paitɨ.

Tanieri 7:14

mɨti'aitanikɨ kaniupitɨarieni, tɨrɨkariya meta xawatɨriya kaniupitɨarieni. Yunaitɨ teɨteri, nuiwarite meta yɨkɨ memɨte'uniuka me'eyexeiyatɨ mekanakɨne. Kemɨti'aita yuheyemekɨ pɨti'aitani, pɨka'anuyani, meta kemɨtita'aita hatsuaku pɨkaka'unarieni.

Tanieri 2:31

»'Ekɨ ti'aitame 'aheinɨtsita tewi pepɨxeiyakai wewiyakame kwinimieme 'utewime xawatɨme, pumariwekarekai xɨka 'ixeiya.

Tanieri 4:19

Tanieri, yaxeikɨata Werititsatsaxi memɨte'iterɨwakai, yakatineutere ka'utaniutɨ, waɨkawa kanimakaitɨni yuhɨawetɨ, 'ayumieme ti'aitame mɨpaɨ katinitahɨawe: ―Werititsatsaxi, pepɨkayu'iyaritɨaka mɨkɨ heinɨtsikɨ, keneneutahekɨatɨa kehepaɨtɨtɨ manuyɨne. Hikɨ Tanieri kanita'eiya: ―Ne mɨpaɨ nepɨtiku'eriwakaku 'Ekɨ ti'aitame memɨmetsi'aye'unie wahetsiemieme pɨhɨkɨtɨnikeyu.